Hosea 2:1 - ŊMALƐ KRƆŊKRƆŊ LƐ

¹ No hewɔ lɛ, nyɛkɛa nyɛnyɛmimɛi hii, Israelbii, lɛ akɛ Ammi, “Mimaŋ ji amɛ” kɛ nyɛmimɛi yei lɛ hu akɛ Ruhama, “Mimusuŋ etsɔ̃ mi yɛ amɛhe.”

Ṅmãle̱ Kroṅkroṅ Le̱

¹ [Y. 1, 10.] Ši kẽle̱ Israelbii le̱ ayikule̱ *aatamo̱ ṅšo̱nā šia, ní anyẽṅ asusu lo akane le̱; ni aaba mli ake̱ †heni akē̱-ame̱ ye̱ ake̱: “Dšee mimaṅ diinyil” le̱, dšei noṅṅ aakē̱ame̱ ye ake̱: “Nyoṅmo̱ hĩe̱kãlo̱ ie̱ bii dšinye!” *1 Mose 22,17. †Rom. 9,26.

Hosea 2:1 ပူးပေါင်းရင်းမြစ်များ

1 Mose 22:17

hewɔ lɛ, jɔɔmɔ majɔɔ bo, ni mahã oshwiei afa tamɔ ŋwɛi ŋulamii kɛ ŋshɔnaa shia. Oshwiei lɛ aaaye amɛhenyɛlɔi anɔ kunim.

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yeremia 32:38

ni amɛbaatsɔ̃ miwebii, ni mibatsɔ̃ amɛNyɔŋmɔ.

Yeremia 51:5

Ejaakɛ Israelbii lɛ kɛ Yudabii lɛ aNyɔŋmɔ lɛ, ni ji Yehowa Taiatsɛ lɛ, ekwako amɛ; shi Babilonbii lɛ, amɛ lɛ amɛshikpɔŋ lɛ nɔ eyi tɔ kɛ nifɔɔjianii babaoo ni amɛkɛtɔ̃ Israel Mɔ Krɔŋkrɔŋ lɛ nɔ.

Ezekiel 11:20

bɔ ni afee ni amɛba amɛjeŋ yɛ mikpɔi lɛ anaa, ni amɛye mimlai lɛ anɔ, koni amɛtsɔ̃ miwebii ni mi hu matsɔ̃ amɛNyɔŋmɔ.

Ezekiel 36:11

Maha gbɔmɛi kɛ kooloi ayi afa yɛ gɔji lɛ anɔ; amɛaafɔfɔi, ni amɛyi aaafa. Ni mahã gbɔmɛi ahi nyɛnɔ tamɔ tsutsu lɛ; ni mafee nyɛ ejurɔ pii fe tsutsu lɛ. No nyɛkɛaale akɛ, mi, mi ji Yehowa.

Ezekiel 36:28

Nyɛbaahi shikpɔŋ ni mikɛhã nyɛtsɛmɛi lɛ anɔ; ni nyɛaatsɔ̃ mimaŋ, ni mi hu matsɔ̃ nyɛNyɔŋmɔ.

Ezekiel 37:27

Mi kɛ amɛ baahi jɛi, ni matsɔ̃ amɛNyɔŋmɔ ni amɛaatsɔ̃ mimaŋ.

Hosea 2:2

“Mibii, nyɛkɛ nyɛnyɛ awiea, ejaakɛ jeee miŋa ji lɛ dɔŋŋ; ni mi hu jeee ewu ji mi. Nyɛkɛ lɛ awiea koni ekpa ejwamaŋbɔɔ lɛ, ni efo egblãfitemɔ lɛ sɛɛ.

Hosea 2:23

Mahã mimɛi lɛ ahe shi yɛ shikpɔŋ lɛ nɔ, ni mahã amɛshwere. Mɛi ni atsɛ amɛ akɛ ‘Mɔbɔnalɛ etã’ lɛ, kɛ mɛi hu ni atsɛ amɛ akɛ ‘Nyɛjeee mimɛi’ lɛ, mibana amɛ fɛɛ mɔbɔ. Ni makɛɛ amɛ akɛ, ‘Mimɛi ji nyɛ,’ ni amɛaahere nɔ akɛ ‘bo ji wɔNyɔŋmɔ lɛ.’ ”

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

2 Korintobii 4:1

No hewɔ lɛ, akɛni akɛ sɔ̃ɔmɔ nɛɛ ehã wɔ yɛ Nyɔŋmɔ mɔbɔnalɛ naa lɛ, wɔnijiaŋ ejeee wui,

1 Timoteo 1:13

mi ni tsutsu lɛ mi ji musubɔlɔ kɛ mɛi ayiwalɔ kɛ mɛi aniseniianifeelɔ lɛ; shi kɛ̃lɛ ana mi mɔbɔ, ejaakɛ mileee ni mifee, yɛ he ni miheee miyeee hewɔ.

1 Petro 2:10

nyɛ ni sa lɛ nyɛjeee maŋ, shi agbɛnɛ lɛ Nyɔŋmɔ maŋ ji nyɛ, nyɛ ni anaaa nyɛ mɔbɔ, shi agbɛnɛ ana nyɛ mɔbɔ lɛ.