Hosea 14:3 - ŊMALƐ KRƆŊKRƆŊ LƐ

³ Asiria nyɛŋ wɔyiwala ahere gbi ko gbi ko; ni tayaa okpɔŋɔi hu nyɛŋ afã wɔhe. Asaŋ amãgã ni wɔkɛ wɔniji fee lɛ wɔtsɛŋ lɛ wɔNyɔŋmɔ dɔŋŋ. Yehowa, bo lɛ omusuŋ tsɔ̃ɔ bo yɛ awusãi ahe.”

Ṅmãle̱ Kroṅkroṅ Le̱

³ Nyeṅõa wiemo̱i nyehĩea nyedẽ, ni nyekũa nyese̱ nyeyaä Iehowa ṅõ! Nyeyakē̱ale̱ ake̱: “Ṅõ nišaianii fë ofa, ni omli ahĩ ahãwo̱, ni *wo̱o̱ṅō wo̱nābui wo̱fe tšinahĩĩ wohão. *Heb. 13,15.

Hosea 14:3 ပူးပေါင်းရင်းမြစ်များ

2 Kronika 16:7

Nɛkɛ be nɛɛ mli lɛ Gbalɔ Hanani ba Yuda Maŋtsɛ Asa ŋɔɔ, ni ebakɛɛ lɛ akɛ, “Akɛni okɛ ohe fɔ̃ Siria maŋtsɛ lɛ nɔ, shi okɛ ohe eyafɔɔɔ Yehowa, oNyɔŋmɔ lɛ, nɔ hewɔ lɛ bɛ ona akɛ Israel maŋtsɛ lɛ ta lɛ je odɛ̃ŋ?

Lalai 10:14

Shi bo lɛ onaa nii, lɛɛlɛŋ bo lɛ okadiɔ haomɔ kɛ awerɛhoo fɛɛ, koni kɛ mɔ ni bɛ mɔ ko lɛ tu ehe ewo odɛ̃ŋ lɛ, oye obua lɛ, ejaakɛ bo ji awusai abualɔ.

Lalai 146:3

Nyɛkaŋɔa nyɛhiɛ nyɛfɔa lumɛi loo gbɔmɔ adesa bi ko ni yelikɛbuamɔ bɛ edɛŋ lɛ nɔ.

Lalai 146:9

Yehowa baa gbɔi ayi; efĩɔ awusa kɛ okulafo sɛɛ; shi mɛi fɔ̃ji agbɛ lɛ, ebutuɔ.

Lalai 33:17

Yakatswaa ni akɛ hiɛ fɔ̃ɔ tayaa okpɔŋɔ nɔ kɛhã kunimyeli; ehewalɛ kpele lɛ nyɛŋ mɔ yiwala ahere

Lalai 68:5

Awusaiatsɛ kɛ okulafoi ahebulɔ ji Nyɔŋmɔ mɔ ni yɔɔ eshihilɛhe krɔŋkrɔŋ lɛ.

Yesaia 1:29

Ebaafee nyɛ hiɛgbele akɛ nyɛja tsei wuji; asaŋ nyɛhiɛ aaashwie shi akɛ nyɛfeefee tromi komɛi,

Yesaia 2:20

Nakai gbi lɛ gbɔmɛi baasherɛ amɛshika amãgãi kɛ jwiɛtɛi amãgãi ni amɛfee amɛhã amɛhe ni amɛjaa lɛ amɛshwie amɛhã obishii kɛ aputupatai.

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Yesaia 30:16

ni nyɛkɛɛ akɛ, ‘Dabida! Wɔɔtara okpɔŋɔi anɔ kɛjo foi.’ No hewɔ lɛ, foi kɛ̃ nyɛaajo. Ni nyɛkɛɛ hu akɛ ‘Wɔɔtara okpɔŋɔi ni foijee naa wa nɔ.’ No hewɔ lɛ, mɛi ni aaatiu nyɛ lɛ hu afoijee naa baawa.

Yesaia 30:2

Amɛyiŋ amɛtee Ijipt, be mli ni amɛbiii mi ŋaawoo, koni amɛyaba Ijipt maŋtsɛ abo koni amɛyatao teemɔhe yɛ Ijipt.

Yesaia 31:1

Kpoo hã mɛi ni yaa Ijipt amɛyataoɔ yelikɛbuamɔ ni amɛkɛ amɛhiɛ fɔ̃ɔ okpɔŋɔi anɔ, mɛi ni kɛ amɛhiɛ fɔ̃ɔ tayaa shwiilii anɔ ejaakɛ amɛfa, kɛ okpɔŋɔnɔtalɔi hu anɔ, ejaakɛ amɛhe wa naakpa, shi amɛkɛ amɛhiɛ efɔ̃ɔɔ Israel Mɔ Krɔŋkrɔŋ lɛ moŋ nɔ, loo amɛbiii Nuŋtsɔ lɛ dɛŋ yelikɛbuamɔ po!

Yesaia 31:3

Ijiptbii lɛ gbɔmɛi adesai kɛkɛ ji amɛ; jeee Nyɔŋmɔ ji amɛ, ni amɛkpɔŋɔi lɛ heloo kɛ lá ni, shi jeee mumɔi ni. Kɛji Yehowa wo enine nɔ lɛ, mɔ ni yeɔ buaa mɔ lɛ aaatɛ, ni mɔ ni ayeɔ abuaa lɛ lɛ hu aaagbee shi, ni amɛ fɛɛ amɛhiɛ aaakpãtã.

Yesaia 36:8

Agbɛnɛ ba koni okɛ minuŋtsɔ, Asiria maŋtsɛ lɛ, abata abasa. Maha bo okpɔŋɔi akpei enyɔ kɛji obaana bo diɛŋtsɛ omɛi, hii tabilɔi, otara amɛnɔ.

Yeremia 49:11

Shi owusai lɛ ohã mi; mibakwɛ amɛnɔ shweshweeshwe; ni hã okulafoi lɛ ahe mi aye.”

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Ezekiel 37:23

“Amɛkɛ amɛmãgãi kɛ amɛmusubɔɔnii lɛ kɛ eshai ni amɛfeɔ lɛ ekoeko buleŋ amɛhe dɔŋŋ; shi moŋ mahere amɛyiwala kɛaajɛ eshai ni amɛfee ni etse amɛ kɛje mihe lɛ amli, ni matsuu amɛhe; kɛkɛ lɛ amɛaatsɔ mimaŋ, ni matsɔ amɛNyɔŋmɔ.

Hosea 12:1

“Israelbii agbi muu mli tɔlɛ kɛ deŋme lɛ, ehe baaa sɛɛnamɔ ko, shi moŋ efiteɔ nii. Amɛhã amale kɛ yiwalɛ ebu yɛ amɛteŋ. Amɛ kɛ Asiria ekpãŋ, ni amɛ kɛ Ijipt miiye mu jara.”

Hosea 13:2

Amɛkã he amɛmiifee esha lɛ lolo kɛbashi ŋmɛnɛ ejaakɛ amɛkɛ amɛjwiɛtɛii yahãa ŋaalɔi, ni amɛhãa akɛ jwiɛtɛi lɛ shwieɔ amãgãi kɛ wɔji ahãa amɛ. Kɛkɛ lɛ amɛkɛɔ akɛ, “Ashã afɔle ahã amɛ!” Mɛi ni yashãa afɔlei lɛ shwɔɔ tsinabi amãgãi lɛ anaa.

Hosea 14:8

Israelbii kɛ wɔji naŋ nɔ ko feemɔ dɔŋŋ. Mibabo amɛsɔlemɔ toi. Mibatsɔ̃ tso ni eyi baa kpalaaa mahã amɛ, ni mibabaa amɛyi; nyɛjɔɔmɔi fɛɛ baajɛ mi midɛŋ.”

Hosea 2:17

Ejaakɛ mibakɔ jemawɔji Baali lɛ agbɛii yɛ edaaŋ; ni etsiŋ amɛtã tete po dɔŋŋ.

Hosea 4:12

Mimɛi biɔ tso akɛ egba, ni amɛdɛ̃hiɛmɔtso lɛ gbaa amɛ teemɔŋ saji, ejaakɛ ajwamãŋbɔɔ mumɔ ehã amɛkwa amɛNyɔŋmɔ lɛ; ni amɛdu gbɛ, amɛtee wɔji aŋɔɔ.

Hosea 5:13

“Be ni Israel na hela ni emɔ lɛ lɛ, ni Yuda hu na fala ni efã lɛ, Efraim tee Asiria maŋtsɛ kpanaa lɛ ŋɔɔ eyabi edɛŋ yelikɛbuamɔ, shi Asiria nyɛɛɛ amɛ tsofa efee aloo etsa amɛ.

Hosea 7:11

Israel etsɔ̃ tamɔ okpo kwashia ni bɛ yitso: ŋmɛnɛ lɛ eetsɛ Ijipt koni ebawa lɛ; wɔ lɛ eetsɛ Asiria.

Hosea 8:6

Ŋaalɔ ko ni fee tsinabi lɛ; shi naa, jeee Nyɔŋmɔ ni. Nakai tsinabi lɛ ni ajaa yɛ Samaria lɛ, aaajwara lɛ dukuduku.

Hosea 8:9

Ejaakɛ Israel tsɔ̃ tamɔ ŋaŋ teji ni miifo shi. Etee eyabi Asiria dɛŋ yelikɛbuamɔ; asaŋ Efraim bɔ maŋsɛɛbii apaa koni amɛbu ehe.

Yona 2:10

Kɛkɛ ni Yehowa fã ŋshɔŋ loo lɛ, ni eyashwe Yona eŋmɛ shikpɔŋ.

Zakaria 13:2

Yehowa, Taiatsɛ lɛ tee nɔ ekɛɛ akɛ, “Nakai gbi lɛ nɔ lɛ mibagbe wɔji lɛ agbɛii kwraa yɛ shikpɔŋ lɛ nɔ, bɔ ni afee ni akakai amɛ dɔŋŋ; nakai nɔŋŋ majie gbalɔi lɛ kɛ mumɔi ni ahe tseee lɛ hu kɛje shikpɔŋ lɛ nɔ.

Yohane 14:18

Mishiŋ nyɛ awusai; miiba nyɛŋɔɔ.

5 Mose 17:16

Shi moŋ maŋtsɛ lɛ akahi okpɔŋɔi pii; asaŋ ekawo maŋbii lɛ gbɛ ni amɛku amɛsɛɛ kɛtee Ijipt shikpɔŋ lɛ nɔ amɛyahe okpɔŋɔi, ejaakɛ Yehowa ewo nyɛ shi akɛ nyɛkaku nyɛsɛɛ kɛtee Ijipt kɔkɔɔkɔ.