Hosea 14:2 - ŊMALƐ KRƆŊKRƆŊ LƐ

² Nyɛkpalea kɛyaa Yehowa ŋɔɔ, nyɛyakpaa lɛ fai kɛ wiemɔi nɛɛ akɛ, “Kɛ efɔŋ ni wɔfee lɛ afa koni omɔ wɔfaikpamɔ nɛɛ mli, ni wɔɔkafo bo.

Ṅmãle̱ Kroṅkroṅ Le̱

² Israel, *kpalemo̱ oba Iehowa, o-Nyoṅmo̱ le̱, ṅõ! Edšake̱ onišaianii le̱ ahewo̱ le̱ ogbē ši. *12,7. Zak. 1,4.

Hosea 14:2 ပူးပေါင်းရင်းမြစ်များ

2 Samuel 12:13

Kɛkɛ ni David kɛɛ Natan akɛ, “Mifee Yehowa shishi esha,” Natan to he ni ekɛɛ David akɛ, “Yehowa hu kɛ esha ni ofee lɛ efa bo, ni ogboŋ.

2 Samuel 24:10

Shi be ni David ekane maŋbii lɛ sɛɛ lɛ, ehenilee bɔi enaagbamɔ. Kɛkɛ ni ekɛɛ Yehowa akɛ, “Mifee esha kpele akɛ mifee nɛkɛ nɔ ko. Ofainɛ ni okɛfa mi, ejaakɛ miye kwashiai asane naakpa!”

Hiob 7:21

Mɛɛba okɛ mitɔ̃mɔi lɛ efaaa mi koni ofɔ minɔsha lɛ yɛ mihe? Ejaakɛ agbɛnɛ su mli makã ni obaatao mi, shi onaŋ mi yɛ he ko he ko.”

Lalai 119:108

Oo Yehowa, ŋɔɔ oyi ni mijieɔ lɛ akɛ afɔle, koni otsɔ̃ɔ mi omlai lɛ.

Lalai 50:14

Ŋɔɔ shidaa afɔle ohã Nyɔŋmɔ; koni oye oshi ni owo ŋwɛi flooflonyo lɛ nɔ;

Lalai 51:16

Ejaakɛ onyaaa afɔle he; kɛji mishã shãa afɔle tete lɛ onyaŋ he.

Lalai 51:17

Afɔle ni sa ohiɛ ji mumɔ ni werɛ eho ehe. Oo Nyɔŋmɔ, tsui ni tswiaa shi kɛ dɔlɛ lɛ, okpooŋ.

Yesaia 44:22

Mihã ohe eshai lɛ ekpalaŋ kɛtee tamɔ atatu, ohe eshai lɛ emii tamɔ afua. Kpalemɔ kɛba miŋɔɔ, ejaakɛ mi, mikpɔ̃ bo.”

Yesaia 6:7

Ekɛ ŋai ni tsoɔ lɛ sa minaabu he, ni ekɛɛ akɛ, “Naa, akɛni enɛ esa onaabu he nɛɛ lɛ, ajie onɔsha lɛ, ni akɛ ohe esha efa bo.”

Yeremia 3:12

Yaa kooyigbɛ shikpɔŋ lɛ nɔ koni oyashiɛ yɛ jɛi, ni okɛɛ akɛ, ‘Israel ni yeee ewu anɔkwa, kpalemɔ kɛba miŋɔɔ! Mituŋ mihiɛ miwoŋ nyɛ ejaakɛ mɔbɔnalɔ ji mi. Mi, Yehowa mikɛɛ. Mibɛŋ nyɛ miwoŋ mimli kɛyaŋ naanɔ.

Hosea 12:7

Yehowa kɛɛ, “jarayelɔ ni kɛ nsɛni ni atse etɛ nɔ ŋmɛɔ nii lɛ, shishiulɔ ji lɛ.

Hosea 5:5

Israel shwãa nii lɛ miiye odase moŋ eeshi lɛ nɔŋŋ. Israel kɛ Efraim hiɛ baakpãtã, ni Yuda hu kɛ amɛ fɛɛ hiɛ baakpãtã.

Hosea 6:6

Ejaakɛ nɔ ni mitaoɔ yɛ nyɛdɛŋ ji suɔmɔ ni tsakeee shi jeee afɔle; nɔ ni mitaoɔ ji lee ni aleɔ Nyɔŋmɔ shi jeee shãaafɔle.

Yoel 2:17

Osɔfoi ni ji Yehowa sɔ̃ɔlɔi lɛ afo, ni amɛsɔle yɛ koi lɛ kɛ afɔleshãa latɛ lɛ teŋ amɛkɛɛ, “Yehowa, naa bo diɛŋtsɛ omaŋ lɛ mɔbɔ; kaahã maji krokomɛi miiye wɔhe fɛo amɛkɛɛ. ‘Nɛgbɛ nyɛNyɔŋmɔ lɛ yɔɔ?’ ”

Yona 2:9

Shi mi lɛ, mala makafo bo, ni mashã afɔle mahã bo; shi ni miwo lɛ, maye nɔ. Yiwalaheremɔ lɛ, Yehowa dɛŋ ejɛɔ.”

Zakaria 3:4

Kɛkɛ ni bɔfo lɛ fã mɛi ni damɔ ehiɛ lɛ ekɛɛ, “Nyɛjiea atadei mujimuji lɛ yɛ ehe.” Kɛkɛ ni ekɛɛ Yoshua hu akɛ, “Bɔ ni ajie ohe atadei nɛɛ lɛ, nakai ajie ohe eshai lɛ ashwie, ni mawula bo kɛ atadei ni jara wa.”

Mateo 7:11

Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ nyɛkɛ nikpakpai hãa nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ nikpakpai ehaŋ mɛi ni biɔ lɛ lɛ?

Luka 11:13

Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ ni nyɛkɛ nikeenii kpakpai keɔ nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ Mumɔ Krɔŋkrɔŋ ehaŋ mɛi ni biɔ lɛ lɛ?”

Luka 18:13

Shi toohelɔ lɛ damɔ sɛɛ shɔŋŋ, ni emiii ni ewoɔ ehiɛ nɔ kɛya ŋwɛi tete; shi moŋ eshimɔ etsitsi ni ekɛɛ, ‘Nyɔŋmɔ, okɛ mi ni ji eshafeelɔ lɛ akpãtã!’

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Romabii 11:27

ni enɛ ji mi kɛ amɛ teŋ kpãŋmɔ lɛ, akɛ majie amɛhe eshai lɛ kɛaatee.”

2 Timoteo 1:9

Lɛ ehere wɔyiwala ni ekɛ tsɛmɔ krɔŋkrɔŋ tsɛ wɔ, jeee wɔnitsumɔi anaa, shi moŋ yɛ lɛ diɛŋtsɛ eyiŋtoo kɛ edromɔ naa, nɔ ni ekɛ hã wɔ yɛ Kristo Yesu mli dani aje be shishi,

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 10:4

ejaakɛ anyɛŋ akɛ tsinai kɛ too kpakpoi alá ajie eshai.

Hebribii 13:15

Belɛ nyɛhãa wɔtsɔ̃a enɔ ni wɔkɛ yijiemɔ afɔle abahãa Nyɔŋmɔ daa; no ji, naabui ni jajeɔ egbɛi lɛ yibii lɛ.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.

1 Yohane 3:5

Ni nyɛle akɛ Kristo jie ehe kpo, koni ewo wɔhe eshai kɛya; ni esha ko bɛ emli.