Hosea 13:9 - ŊMALƐ KRƆŊKRƆŊ LƐ

⁹ “Kwɛ, Israel! Mibakpãtã ohiɛ; ni namɔ aaanyɛ oyiwala ahere?

Ṅmãle̱ Kroṅkroṅ Le̱

⁹ Israel, *noni kpãtãa ohĩe dši ake̱ ote ši owomi ní dši oyeli-ke̱-buamo̱ le̱! *Ier. 9,17.

Hosea 13:9 ပူးပေါင်းရင်းမြစ်များ

2 Kronika 28:23

Eshã afɔlei ehã Damaskobii ni ye enɔ kunim yɛ ta mli lɛ ajemawɔji lɛ. Ekɛɛmɔ ji akɛ, “Siriabii ajemawɔji lɛ yeɔ buaa Siria maŋtsɛmɛi lɛ, no hewɔ lɛ, kɛji mi hu mishã afɔle mihã amɛ lɛ, amɛaaye amɛbua mi.” Shi enɛ ni efee lɛ moŋ hã Ahaz kɛ Israel fɛɛ hiɛ kpãtã butuu

Lalai 146:5

Ajɔɔ gbɔmɔ ni Yakob Nyɔŋmɔ lɛ ji eyelikɛbualɔ, mɔ ni ehiɛ kãa Yehowa, eNyɔŋmɔ lɛ nɔ lɛ.

Lalai 33:20

Wɔmiikwɛ Yehowa gbɛ; lɛ ji wɔbualɔ kɛ wɔtsɛŋ.

Lalai 46:1

Naa Nyɔŋmɔ ji wɔbobaahe kɛ wɔhewalɛ, wɔyelikɛbualɔ krɔŋŋ yɛ fimɔ mli.

Abe̱i 6:32

Shi nuu ni fiteɔ gbãlã lɛ ebɛ yitsoŋ; mɔ ni feɔ nakai lɛ, lɛ diɛŋtsɛ ehe efiteɔ.

Abe̱i 8:36

Shi mɔ ni nine shɛɛɛ minɔ lɛ, eeye lɛ diɛŋtsɛ esusuma awui. Mɛi fɛɛ ni nyɛɔ mi lɛ, amɛmiisumɔ gbele.”

Yesaia 3:11

Shi kpoo ha efɔŋfeelɔ; ehiŋ ehaŋ lɛ, ejaakɛ nɔ ni ekɛfee mɛi krokomɛi lɛ, no nɔŋŋ akɛbaafee lɛ.

Yesaia 3:9

Amɛmɛiahiɛiaŋkwɛmɔ baaye odase eshi amɛ. Eshai ni amɛfeɔ lɛ amɛkɛteee, shi moŋ amɛkɛshwãa tamɔ Sodom fee lɛ. Kpoo hã amɛ! Ejaakɛ amɛfee amɛ diɛŋtsɛ nɔŋŋ amɛhe efɔŋ.

Yeremia 2:17

Israel, aso jeee bo diɛŋtsɛ oyatao nɛkɛ sane ohã ohe akɛ okwa Yehowa, oNyɔŋmɔ lɛ, be mli ni ekpalaa bo yɛ gbɛ lɛ nɔ lɛ?

Yeremia 2:19

Bo diɛŋtsɛ onifɔɔjianii lɛ baagbala otoi, ni kwamɔ ni okwa mi lɛ baabu bo fɔ. Na ole, ni oyoo akɛ kwamɔ ni okwa mi, Yehowa, oNyɔŋmɔ lɛ, nɔ fɔŋ ni, ni ebaajoo ehã bo. Mihe gbeyeishemɔ bɛ omli. Mi, Nuŋtsɔ Nyɔŋmɔ, Taiatsɛ, mikɛɛ.”

Yeremia 4:18

Yuda, ojeŋba kɛ onifeemɔnii ji nɔ ni kɛ nɛkɛ sane eba onɔ nɛɛ. Ohiɛkpãtãmɔ nɛ, ni eejoo pam, ni eetsu otsui mli.

Yeremia 5:25

Nyɛnishaianii lɛ ehã enɛɛmɛi fɛɛ eŋmɛɛ nyɛ, ni nyɛhe eshai lɛ ehã nɔ kpakpa ebɔ nyɛ.

Hosea 13:4

Yehowa kɛɛ, “Mi ji Yehowa, nyɛNyɔŋmɔ lɛ, ni here nyɛyiwala kɛjɛ Ijipt shikpɔŋ lɛ nɔ beebe lɛ. Nyɛleee Nyɔŋmɔ ko akɛ ja mi; ni mi misɛɛ hu lɛ yiwalaherelɔ ko bɛ dɔŋŋ.

Hosea 14:1

Nyɛ Israelbii, nyɛkpalea kɛbaa Yehowa, nyɛNyɔŋmɔ lɛ, ŋɔɔ. Nyɛnishaianii lɛ ehã nyɛtɛrɛ, ni nyɛgbee shi.

Hosea 7:14

Amɛfooo amɛtsɛɛɛ mi kɛjɛɛɛ amɛtsuiiaŋ; shi moŋ amɛsai anɔ amɛfoɔ waa yɛ. Kɛji amɛmiisɔle yɛ abele kɛ wain he lɛ, amɛkɛ kakla folɔɔ amɛhe tamɔ wɔŋjalɔi lɛ feɔ lɛ. Gbɔmɛi nɛɛ etse mihiɛ atua.

Hosea 7:15

Yɛ mli akɛ mi ji mɔ ni tsɔse amɛ, ni mihã amɛna hewalɛ nɛ, shi daa nɛɛ lɛ efɔŋ pɛ amɛjwɛŋɔ yɛ mihe.

Maleaki 1:12

Shi nyɛ lɛ nyɛbuleɔ mifɔleshãa latɛ lɛ kɛji nyɛkɛɛ akɛ abule Yehowa afɔleshãa latɛ lɛ momo, ni no hewɔ ni nyɛkɛ niyenii ni nyɛnyaŋeɔ baa bashãa afɔle yɛ nɔ lɛ.

Maleaki 1:13

Nɔ ni nyɛkɛɔ ji, ‘Mɛɛ tɔlɛ po ji enɛ, ni nyɛshoɔ nyɛgugɔŋ nyɛwoɔ mi.’ Bɔ ni Yehowa, Taiatsɛ lɛ, kɛɔ nɛ, ‘Mɔ ko nii ni ayashɔ̃ akranaŋ naa, loo kooloo akpaketsɛ loo helatsɛ nyɛkɛbahãa akɛ nyɛfɔle. Aso nyɛsusuɔ akɛ mamɔ nɛkɛ afɔle mli kɛ miishɛɛ lo?

Maleaki 1:9

No hewɔ lɛ, osɔfoi, agbɛnɛ nyɛkpaa Naa Nyɔŋmɔ fai koni eduro wɔ. Ani nɛkɛ nikeenii ni jɛ nyɛdɛŋ nɛɛ baahã ekwɛ nyɛteŋ mɔ ko hiɛ?

5 Mose 33:26

Mɔ ko mɔ ko bɛ ni tamɔ Israel Nyɔŋmɔ lɛ, mɔ ni taa okpɔŋɔ nɔ kɛnyiɛɔ ŋwɛi, ni ekɛ agbojee tsɔ̃ɔ atatuiaŋ kɛbayeɔ ebuaa bo lɛ.

5 Mose 33:29

Israel, omii ashɛ ohe! Namɔ tamɔ bo, maŋ ni Yehowa ehere oyiwala? Mɔ ni ji oyelikɛbuamɔ tsɛŋ kɛ okunimyeli klante lɛ? Ohenyɛlɔi aaashwie amɛnaa shi amɛhã bo, ni obaanaanaa amɛhei grɔŋŋi lɛ anɔ.”