Hosea 13:8 - ŊMALƐ KRƆŊKRƆŊ LƐ

⁸ Mibatua nyɛ oookɛɛ oshishibrishi ni amɔmɔ ebii yɛ ehe tuaa mɔ, ni mibatserɛ nyɛmli maye yɛ minajiaŋ tamɔ jata. No ji akɛ mibatserɛ nyɛmli mɛnyɛmɛnyɛ tamɔ ŋaŋ kooloo awuyelɔ tsɛrɛɔ loo mli lɛ.

Ṅmãle̱ Kroṅkroṅ Le̱

⁸ mahẽṅame̱ tamo̱ ošišibriši ni amõmo̱ abii, ni matšere̱ ame̱tšui he kotoku le̱, ni mayeame̱ ye̱ dše̱i tamo̱ dšatayō; ṅãṅ koloi aatšere̱ ame̱mli.

Hosea 13:8 ပူးပေါင်းရင်းမြစ်များ

2 Samuel 17:8

Ole akɛ otsɛ kɛ ewebii lɛ tabilɔi hii kakabãi ji amɛ, ni amrɔ nɛɛ amɛhiɛ edɔ tamɔ oshishibrishi yoofɔyoo ni ayaju ebii yɛ ehe yɛ jwɛiaŋ. Ole hu akɛ otsɛ lɛ tatsɛ kpanaa ni, ni ekɛ maŋbii lɛ ehiŋ he kome nyɔɔŋ nɛɛŋ.

Lalai 50:22

Agbɛnɛ, nyɛ mɛi ni nyɛhiɛ ekpa Nyɔŋmɔ nɔ lɛ, nyɛkadia enɛ kɛjeee nakai lɛ, mibatserɛ nyɛmli dukuduku ni mɔ ko bɛ ni baahere nyɛyiwala.

Lalai 80:13

Batafo jeɔ koo mli ebakpãtãa ehiɛ, ni ŋaŋ kooloi hu miiye eyibii.

Abe̱i 17:12

Ehi akɛ gbɔmɔ kɛ oshishibrishi yoo ni amɔ ebi akpe, fe nɔ ni ekɛ kwashia moŋ aaakpe yɛ ebuulufeemɔ mli.

Yesaia 5:29

Amɛhuuɔ tamɔ jata, amɛhuuɔ tamɔ jata oblahii pɛ; amɛshiɔ amɛsɛŋ ni amɛyeɔ kooloo ni amɛgbɔbiɔ lɛ nɔ, ni amɛmɔɔ lɛ kɛyaa, ni mɔ ko nyɛɛɛ kooloo ni amɛmɔ lɛ yiwala ahere.

Yesaia 56:9

Nyɛ ŋa nɔ kooloi kɛ nyɛ koo mli kooloi hu fɛɛ, nyɛbaa nyɛbayea nii!

Yeremia 12:9

Ani mimɛi lɛ etsɔ̃ loofɔlɔ looyelɔ kɛ ehe ŋwãtãŋwãtã ehã mi lo? Ani loofɔji looyelɔi ebɔle lɛ kɛkpe kpula? Yaa koni oyabua ŋaŋ kooloi fɛɛ anaa ni okɛ amɛ aba koni amɛbaye nii.

Yeremia 25:38

Yehowa eshi emɛi lɛ tamɔ jata shiɔ ebu efɔ̃ɔ shi; ejaakɛ amɛshikpɔŋ lɛ etsɔ̃ amaŋfɔ̃ yɛ klante ni henyɛlɔ fã yɛ amɛnɔ kɛ Yehowa mlifu ni naa wa lɛ hewɔ.”

Hosea 2:12

Ni maŋala ewaintsei lɛ kɛ agbãmi tsei lɛ ni ekɛɔ akɛ nomɛi ji nɔ ni enaa yɛ eshieŋtsɛmɛi lɛ adɛŋ akɛ enyɔmɔwo lɛ. Mahã fɛɛ atsɔ̃ koo koni ŋaŋ kooloi aye amɛnɔ nii.

Hosea 5:14

Mibahuru tamɔ jata mayi Israel kɛ Yuda hu nɔ, ni mi diɛŋtsɛ mibatserɛ amɛmli, kɛkɛ lɛ mishi amɛ mitee. Mashãtã amɛ kɛya ni mɔ ko mɔ ko nyɛŋ amɛyiwala ehere.