Hosea 13:6 - ŊMALƐ KRƆŊKRƆŊ LƐ

⁶ shi be ni nyɛna nii nyɛye ni nyɛtɔrɔ pɛ, kɛkɛ ni nyɛwo nyɛhe nɔ ni nyɛhiɛ kpa minɔ.

Ṅmãle̱ Kroṅkroṅ Le̱

⁶ *Bo̱ni ame̱lẽ̱̀he le̱ yo̱ le̱, nakai ame̱tŏ̱ro̱. Ame̱tŏ̱ro̱ ni ame̱tšui wó ehe no̱; nohewo̱ le̱ ame̱hĩe ekpa mino̱. *5 Mose 32,15.

Hosea 13:6 ပူးပေါင်းရင်းမြစ်များ

Nehemia 9:35

Be mli tete ni ohã amɛmaŋtsɛyeli lɛ ma shi ni amɛyeɔ shikpɔŋ kplɛlɛɛ ni ewo fɔ nɔ nii lɛ, amɛsɔ̃mɔɔɔ bo, ni amɛfɔ̃ɔɔ amɛnifɔɔjianii lɛ feemɔ.

Lalai 10:4

Mɔ fɔŋ hewoo mli lɛ etaooo Yehowa sɛɛgbɛ; eyiŋ fɛɛ lɛ, “Nyɔŋmɔ ko bɛ.”

Abe̱i 30:9

koni mikatɔ tsɔ̃, ni mikwa bo, ni mikɛɛ akɛ, “Namɔ ji Yehowa”. Ni kaahã miye ohia, ni miyaju, ni mikɛgbe miNyɔŋmɔ lɛ gbɛi he guɔ.

Yesaia 17:10

Israel, ohiɛ ekpa oyiwalaheremɔ Nyɔŋmɔ lɛ nɔ, ni okaiii obobaa Tɛsaa lɛ. No hewɔ lɛ, yɛ mli akɛ oootɛo tsei fɛɛfɛji, ni ooofee wɔŋkoo oha maŋsɛɛ wɔŋ,

Yeremia 5:7

“Te aaafee tɛŋŋ manyɛ mikɛfa bo hu? Obii lɛ kwa mi, ni amɛtsɛɔ nibii ni jeee nyɔŋmɔi amɛkɛkãa kitã. Kɛji mihã amɛ nii amɛye ni amɛtɔrɔ lɛ, kɛkɛ lɛ amɛje mi, amɛwu lɛ, sɛɛ amɛtee ajwamãŋi awe.

Ezekiel 23:35

No hewɔ lɛ, bɔ ni Nuŋtsɔ Nyɔŋmɔ kɛɛ nɛ, “Akɛni ohiɛ ekpa minɔ, ni oshɛ mi ofɔ osɛɛ hewɔ lɛ, obaana ohiɛkɔ̃ɔ kɛ ojwamaŋbɔɔ lɛ he nɔ.”

Ezekiel 28:5

Jarayeli he nilee kpele ni oyɔɔ eha onii ni oyɔɔ efa babaoo; ni oninamɔ lɛ eha oowo ohe nɔ.

Hosea 10:1

Israel tamɔ wain tso ni efũ baa ni eewo. Babaoo ni Israelbii lɛ shwereɔ lɛ babaoo ni amɛmamɔɔ afɔleshãa latɛi ji no. Bɔ ni amɛshikpɔŋ lɛ baa nii lɛ, nakai nɔŋŋ amɛsaa shiui ni amɛkɛjaa lɛ hu ahe.

Hosea 12:8

Israel kɛɔ akɛ, ‘Shi bɛ mitsɔ̃ niiatsɛ, bɛ mina nii babaoo?’ Mideŋmegbomɔ mli nii lɛ fɛɛ mli lɛ anaaa tɔ̃mɔ ko ni tamɔ esha yɛ mihe?

Hosea 2:13

Magbala etoi yɛ tsofakɛŋma ni etee eyashã ehã Baal jemawɔji yɛ amɛgbii juji lɛ anɔ lɛ hewɔ. Ewula kɛ jwinei kɛtee eyanyiɛ eshieŋtsɛmɛi lɛ asɛɛ, ni ehiɛ kpa minɔ.” Nɔ ni Yehowa kɛɔ nɛ.

Hosea 2:7

Eeetiu eshieŋtsɛmɛi lɛ asɛɛ nɛ, shi eninaŋ amɛ; ni eeetao amɛ, shi enaŋ amɛ. Kɛ̃lɛ lɛ eeekɛɛ ehe akɛ, ‘Hã makpale kɛya miklɛŋklɛŋ wu lɛ ŋɔɔ; ejaakɛ be ni mikɛ lɛ yɔɔ lɛ, ehi hã mi moŋ fe amrɔ nɛɛ.’

Hosea 4:6

Mimaŋ lɛ hiɛ ekpãtã ejaakɛ amɛleee nii. Akɛni okwa nilee hewɔ lɛ, mi hu miikwa bo akɛ misɔfo; ni akɛni ohiɛ ekpa oNyɔŋmɔ lɛ mla lɛ nɔ hewɔ lɛ, mi hu mihiɛ miikpa obii lɛ anɔ.

Hosea 4:7

“Bɔ ni amɛ, osɔfoi lɛ, ayi faa lɛ, nakai nɔŋŋ amɛfeɔ esha babaoo amɛshiɔ mi; ni no hewɔ lɛ, mibahã amɛhiɛ nyam lɛ atsɔ̃ hiɛgbele.

Hosea 5:14

Mibahuru tamɔ jata mayi Israel kɛ Yuda hu nɔ, ni mi diɛŋtsɛ mibatserɛ amɛmli, kɛkɛ lɛ mishi amɛ mitee. Mashãtã amɛ kɛya ni mɔ ko mɔ ko nyɛŋ amɛyiwala ehere.

Hosea 7:14

Amɛfooo amɛtsɛɛɛ mi kɛjɛɛɛ amɛtsuiiaŋ; shi moŋ amɛsai anɔ amɛfoɔ waa yɛ. Kɛji amɛmiisɔle yɛ abele kɛ wain he lɛ, amɛkɛ kakla folɔɔ amɛhe tamɔ wɔŋjalɔi lɛ feɔ lɛ. Gbɔmɛi nɛɛ etse mihiɛ atua.

Hosea 8:14

“Ejaakɛ Israel hiɛ kpa ebɔlɔ lɛ nɔ, ni emamɔ mɔji moŋ ehã ehe; ni Yuda hu tswa gbogbo ewo emaji pii ahe. Shi mawo amɛmaji lɛ amli la ni mashã amɛmɔji lɛ.”

Hosea 8:4

“Amɛto maŋtsɛmɛi, shi jeee mi minɔ amɛtsɔ̃; ni amɛhole lumɛi hu ni mileee mli eko kwraa. Amɛkɛ amɛjwiɛtɛi kɛ amɛshika fee amãgãi ni baakpãtã amɛ nɔŋŋ amɛhiɛ.

5 Mose 32:18

Nyɛbuuu Tɛsaa ni babɔ nyɛ ade lɛ, ni nyɛhiɛ kpa Nyɔŋmɔ mɔ ni bɔ nyɛ lɛ nɔ.