Hosea 13:5 - ŊMALƐ KRƆŊKRƆŊ LƐ

⁵ Mikwɛ nyɛnɔ yɛ shiaŋa ni nu bɛ nɔ lɛ nɔ,

Ṅmãle̱ Kroṅkroṅ Le̱

⁵ Mi le̱ mileo ye̱ ṅã le̱ no̱, ye̱ kũ-mai šikpoṅ le̱ no̱. 9,10.

Hosea 13:5 ပူးပေါင်းရင်းမြစ်များ

1 Mose 31:40

Bɔ ni mishihilɛ lɛ fee nɛ: latsaa tsaa mi shwane, ni fɛ̃i yeɔ mi nyɔɔŋ, ni wɔ hu tseɔ yɛ mihiɛ.

Lalai 1:6

Ejaakɛ Yehowa kudɔɔ jalɔi agbɛ lɛ, shi mɛi fɔ̃ji agbɛ lɛ ekɛ mɛi fɔ̃ji yaa hiɛkpãtãmɔ mli.

Lalai 142:3

Be ni mimumɔ tɔ biti yɛ mimli lɛ, bo ole migbɛ lɛ. Mihenyɛlɔi etsɔ̃ tsɔne kɛtee mi yɛ gbɛ ni minyiɛ nɔ lɛ nɔ.

Lalai 31:7

Mimli aaafli mi, ni manya yɛ osuɔmɔ ni sɛɛ efooo lɛ hewɔ. Ejaakɛ ona minɔnaa lɛ, ni ole mihaomɔ lɛ.

Lalai 63:1

Oo Naa Nyɔŋmɔ, bo ji miNyɔŋmɔ, miitao bo! Misusuma miiye ohe kumai, migbɔmɔtso miishwe bo, tamɔ shikpɔŋ ni egbi keketee shweɔ nu.

2 Mose 2:25

Kɛkɛ ni ekwɛ nyɔŋ ni ayeɔ Israelbii lɛ, ni amɛsane bakã etsui nɔ.

Yeremia 2:2

“Yaa, koni oyashiɛ owo Yerusalɛmbii atoiiaŋ, ni okɛɛ amɛ akɛ, nɔ ni Yehowa kɛɛ nɛ, ‘Mikaiɔ oblayeiaŋ anɔkwa ni oye mi lɛ, kɛ osuɔmɔ tamɔ ayɛmforo suɔmɔ lɛ. Mikaiɔ bɔ ni onyiɛ misɛɛ yɛ shiaŋa lɛ nɔ, ni ji shikpɔŋ ni aduko nii yɛ nɔ lɛ nɔ lɛ.

Yeremia 2:6

Amɛbiii akɛ, ‘Nɛgbɛ Yehowa mɔ ni jie wɔ kɛje Ijipt shikpɔŋ lɛ nɔ lɛ yɔɔ, mɔ ni nyiɛ wɔhiɛ yɛ ŋa lɛ nɔ, mɔ ni nyiɛ wɔhiɛ yɛ shiaŋa kɛ enɔ buibui lɛ nɔ, shikpɔŋ ko ni nu bɛ nɔ ni enɔ ewo duŋ kpii, shikpɔŋ ko ni mɔ ko mɔ ko nyɛɛɛ nɔ atsɔ̃ kɛho, he ni mɔ ko mɔ ko nyɛɛɛ ahi lɛ?’

Hosea 5:3

Mile Efraim bɔ ni eyɔɔ tsɔ̃; no hewɔ lɛ, Israel kɛ ehe eteko mi. Ejaakɛ amrɔ nɛɛ lɛ, Efraim, oje misɛɛ, ni Israel ebule ehe.”

Hosea 9:10

Yehowa kɛɛ akɛ, “Klɛŋklɛŋ be ni mina Israel lɛ etamɔ wain yibii ni atoɔ lɛ ahuu yɛ ŋa nɔ. Mina nyɛtsɛmɛi lɛ tamɔ klɛŋklɛŋ yibii ni tsu yɛ agbãmi tso nɔ. Shi be ni nyɛtsɛmɛi lɛ shɛ Poer Gɔŋ le he lɛ, amɛbɔ̃i jemawɔŋ ni atsɛɔ lɛ Poer lɛ jamɔ. Enɛ hã amɛsane je migugɔŋ fu tamɔ wɔji ni amɛjaa lɛ nɔŋŋ asane.

Nahum 1:7

Yehowa hi, etsɔ̃ɔ teemɔhe yɛ amanehulu be mli, ni ebaa mɛi ni baa lɛ abo lɛ ayi.

1 Korintobii 8:3

Shi kɛ mɔ ko miisumɔ Nyɔŋmɔ lɛ, Nyɔŋmɔ le lɛ.

Galatabii 4:9

shi agbɛnɛ moŋ ni nyɛle Nyɔŋmɔ, aloo ni Nyɔŋmɔ ele nyɛ lɛ, te feɔ tɛŋŋ ni nyɛkuɔ nyɛsɛɛ kɛya shishijee nibii ni nyɛ̃ɛɛ nɔ ko afee ni bɛ hewalɛ ko lɛ aŋɔɔ, ni nyɛsaa nyɛtaoɔ akɛ nyɛje shishi nyɛsɔ̃mɔ amɛ ekoŋŋ lɛ?

5 Mose 2:7

“Ejaakɛ Yehowa, nyɛNyɔŋmɔ lɛ, ejɔɔ nyɛ yɛ nɔ fɛɛ nɔ ni nyɛtsu mli; ni ebaa nyɛyi yɛ nyɛgbɛnyiɛmɔ mli yɛ nɛkɛ shiaŋa kpeteŋkple nɛɛ nɔ. Afii nyɔŋmai ejwɛ nɛɛ fɛɛ mli lɛ, Yehowa, nyɛNyɔŋmɔ lɛ, kɛ nyɛ yɛ, ni nɔ ko nɔ ko bɛ ni hia nyɛ.

5 Mose 32:10

“Ena lɛ yɛ shiaŋa shikpɔŋ ko nɔ, yɛ ŋa olɛŋɛlɛ shwaŋŋ ko nɔ. Ebu ehe, ni ekura lɛ hu; ebaa eyi tamɔ ehiŋmɛi mli ajaŋmalaatɛ.

5 Mose 8:15

Lɛ ji mɔ ni kpala nyɛ kɛtsɔ̃ shiaŋa kpeteŋkple ni nɔ yɔɔ gbeyei lɛ nɔ lɛ, he ni onufui ni naa jaraa kɛ nyɔŋmɔŋkrakroi kɛ nu hɔmɔ yɔɔ lɛ. Lɛ ehã nu tue kɛjɛ tswɛrɛbo tɛsaa mli hã nyɛ, ni nyɛna nyɛnu;