Hosea 13:4 - ŊMALƐ KRƆŊKRƆŊ LƐ

⁴ Yehowa kɛɛ, “Mi ji Yehowa, nyɛNyɔŋmɔ lɛ, ni here nyɛyiwala kɛjɛ Ijipt shikpɔŋ lɛ nɔ beebe lɛ. Nyɛleee Nyɔŋmɔ ko akɛ ja mi; ni mi misɛɛ hu lɛ yiwalaherelɔ ko bɛ dɔŋŋ.

Ṅmãle̱ Kroṅkroṅ Le̱

⁴ Ši *midši Iehowa, o-Nyoṅmo̱ le̱ ke̱-dše̱ Mizraim šikpoṅ le̱ no̱ bēbe, ni olee nyoṅmo̱ ko nyoṅmo̱ ko dša mi, ni mise̱ le̱ yiwalaherelo̱ ko be̱. *2 Mose 20,2. 3.

Hosea 13:4 ပူးပေါင်းရင်းမြစ်များ

2 Maŋtsɛmɛi 18:35

Te shikpɔji lɛ anyɔŋmɔi lɛ ateŋ mɔ ni ehere amɛshikpɔŋ yiwala yɛ midɛŋ? Ni mɛni hã nyɛsusuɔ akɛ Yehowa aaanyɛ ehere Yerusalɛm yiwala yɛ midɛŋ lɛ?’ ”

Yesaia 43:3

Ejaakɛ mi ji Yehowa, oNyɔŋmɔ lɛ, Israel Mɔ Krɔŋkrɔŋ, oYiwalaherelɔ lɛ. Miŋɔ Ijipt miha akɛ okpɔmɔnii; miŋɔ Kush kɛ Sheba miha mikɛtsake bo.

Hosea 11:1

Yehowa kɛɛ, “Israel gbekɛbiashi beebe misumɔ lɛ kɛjɛ; Ijipt tɔ̃ɔ eyɔɔ ni mitsɛ lɛ akɛ mibi.

Hosea 12:10

“Mi mikɛ gbalɔi lɛ wie, ni mijie ninaa srɔtoi mitsɔ̃ɔ amɛ; asaŋ mitsɔ̃ amɛnɔ mibubuu mimɛi lɛ abɛi lɛ.

Hosea 12:9

Mi ji Yehowa, nyɛNyɔŋmɔ lɛ, mɔ ni kɛ nyɛ jɛ Ijipt shikpɔŋ lɛ nɔ beebe kɛba lɛ. Mahã nyɛhi bui amli ekoŋŋ tamɔ bɔ ni nyɛfee yɛ gbii juji anɔ lɛ.

Hosea 2:15

Makpale ewain tromi lɛ mahã lɛ, ni mahã Amanehulu Jɔɔ lɛ atsɔ̃ Hiɛnɔkãmɔ Agbo ahã lɛ. Eeehere mi nɔ tamɔ efee yɛ eblayeiaŋ lɛ be ni ejɛ Ijipt eba lɛ.

Hosea 2:20

Maye mishiwoo nɔ, ni mafee bo miŋa, ni ooole akɛ mi ji Yehowa.

Yona 2:10

Kɛkɛ ni Yehowa fã ŋshɔŋ loo lɛ, ni eyashwe Yona eŋmɛ shikpɔŋ.

Bɔfoi 4:12

Ejaakɛ yiwalaheremɔ bɛ mɔ kroko mli; ni asaŋ gbɛi kroko hu bɛ ŋwɛi shishi ni akɛhã gbɔmɛi ni sa akɛ atsɔ̃ nɔ ahere wɔyiwala.”