Hosea 13:2 - ŊMALƐ KRƆŊKRƆŊ LƐ

² Amɛkã he amɛmiifee esha lɛ lolo kɛbashi ŋmɛnɛ ejaakɛ amɛkɛ amɛjwiɛtɛii yahãa ŋaalɔi, ni amɛhãa akɛ jwiɛtɛi lɛ shwieɔ amãgãi kɛ wɔji ahãa amɛ. Kɛkɛ lɛ amɛkɛɔ akɛ, “Ashã afɔle ahã amɛ!” Mɛi ni yashãa afɔlei lɛ shwɔɔ tsinabi amãgãi lɛ anaa.

Ṅmãle̱ Kroṅkroṅ Le̱

² Ni agbe̱ne̱ le̱ ame̱mīfe eša amemīši no̱, ni ame̱ṅõo̱ ame̱dſie̱te̱i le̱ ame̱ſieo̱ amãgãi ke̱ wo̱dši hũ ye̱ ame̱ṅā nā; fẽ le̱ *ṅālo̱i anitšumo̱ so̱ṅṅ ni; ame̱ke̱ame̱ wieo̱, gbomei afo̱lešãlo̱i le̱ ſo̱ö̱ tšinabii anā! *Ies. 44,12

Hosea 13:2 ပူးပေါင်းရင်းမြစ်များ

1 Maŋtsɛmɛi 19:18

Shi fɛɛ sɛɛ lɛ mashwɛ hiɛkãalɔi akpei kpawo yɛ Israel, mɛi fɛɛ ni kulako shi amɛjako amãgã Baal kɛ mɛi hu ni shɔko amãgã lɛ naa lɛ.”

2 Kronika 28:13

Amɛkɛɛ tabilɔi lɛ akɛ, “Nyɛkɛ nomii nɛɛ akabaa maŋ nɛɛ mli kɔkɔɔkɔ. Tɔ̃mɔ ni wɔtɔ̃ Yehowa nɔ momo sa lɛ eda, ni eyɛ wɔhe mlifu ni naa wa. Nyɛmiifee nɛkɛ koni nyɛkɛyawo tɔ̃mɔ hee nyɛbashi nɔ ni kã wɔnɔ lɛ nɔ nyɛhã wɔ?”

2 Kronika 33:23

Amon eyabaaa ehe shi kwraa ehãaa Yehowa tamɔ etsɛ Manase ba ehe shi lɛ, shi moŋ etɔ̃ tɔ̃mɔi babaoo.

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

Yesaia 1:5

Mɛni hewɔ nyɛyaa nɔ nyɛtseɔ atua koni aya nɔ agbala nyɛtoi lolo nɛɛ? Nyɛyitso muu lɛ fɛɛ he miiye, ni nyɛtsui fɛɛ hu etɔ biti.

Yesaia 30:1

Yehowa kɛɛ akɛ, “Kpoo hã bii kaniŋkajelɔi ni yaa ajina ni mi, mibɛ mli, ni amɛkpãŋɔ kpãŋmɔi ni jeee mitsui naa yiŋtoi ni, ni amɛkɛfeɔ esha amɛshiɔ esha nɔ.

Yesaia 44:11

Naa, amɛjalɔi lɛ fɛɛ ahiɛ aaagboi. Mɛi fɛɛ ni feɔ amãgãi lɛ, adesai kɛkɛ ji amɛ. Hã amɛ fɛɛ amɛbabua amɛhe naa; hã amɛ jie amɛhiɛ; amɛbaakpokpo, ni amɛ fɛɛ amɛhiɛ aaashwie shi.

Yesaia 45:20

Yehowa kɛɛ akɛ, “Nyɛbuaa nyɛhe naa koni nyɛbaa, nyɛ fɛɛ nyɛbaa kutuu, nyɛ, maji lɛ amli bii ni nyɛje hiɛkpãtãmɔ mli! Mɛi ni tereɔ amɛtso amãgãi lɛ kɛnyiɛɔ, ni amɛsɔleɔ amɛhãa nyɔŋmɔ ni nyɛɛɛ mɔ yiwala ehere lɛ, amɛleee nii.

Yesaia 46:6

Mɛi ni fɔseɔ shika kɛjɛɔ flɔtɔ mli shwieɔ shi, ni amɛŋmɛɔ jwiɛtɛi yɛ nsɛni mli lɛ, amɛbɔɔ shikaŋaalɔ apaa, ni efeɔ nyɔŋmɔ ko ehãa amɛ, ni amɛhoɔ amɛkotoɔ shi, ni amɛjaa lɛ.

Yesaia 46:8

“Nyɛ eshafeelɔi, nyɛkaia sane nɛɛ, ni nyɛsusua he. Nyɛkaia lɛ jogbaŋŋ.

Yeremia 10:4

amɛkɛ jwiɛtɛi kɛ shika shwieɔ he kɛwulaa lɛ, ni akɛ hamle kɛ plɛkoo kalaa lɛ kpɛtɛɔ shi koni ekagbee shi.

Yeremia 10:8

Buului kɛ kwashiai sɔŋŋ ji amɛ; yakanii amɛkaseɔ lɛ, ejaakɛ tso amãgã dɛŋnii amɛkaseɔ lɛ.

Yeremia 8:5

Mɛni hewɔ mɔ, ni gbɔmɛi nɛɛ egba afã, ni amɛka jɛi kwraa nɛɛ? Amɛhiɛ shishiumɔ mli kpɛŋŋ, ni amɛkpɛlɛ̃ɛɛ kpalemɔ.

Hosea 10:1

Israel tamɔ wain tso ni efũ baa ni eewo. Babaoo ni Israelbii lɛ shwereɔ lɛ babaoo ni amɛmamɔɔ afɔleshãa latɛi ji no. Bɔ ni amɛshikpɔŋ lɛ baa nii lɛ, nakai nɔŋŋ amɛsaa shiui ni amɛkɛjaa lɛ hu ahe.

Hosea 10:5

Samaria maŋ bii lɛ aaashe gbeyei, ni amɛbaaye ŋkɔmɔ yɛ Bet-Aven shika tsinabi lɛ hewɔ. Amɛ kɛ wulɔmɛi lɛ ni jaa tsinabi lɛ baawo yara amɛfo yɛ enyam ni afo sɛɛ lɛ hewɔ.

Hosea 11:2

Shi shii abɔ ni mitsɛɔ lɛ lɛ, shii abɔ ni eyaa sɛɛsɛɛ moŋ eshiɔ mi ji no; ni amɛyaa nɔ amɛshãa afɔlei amɛhãa Baal, ni amɛshãa tsofakɛŋma amɛhãa amãgãi.

Hosea 11:6

Taitai baate shi yɛ amɛmaji lɛ anɔ, ni abaakumɔ amɛmaji lɛ agboi lɛ asɛɛ adabaŋi lɛ. Aaakpãtã amɛhiɛ ejaakɛ amɛkɛ amɛhe fɔ̃ amɛ diɛŋtsɛ amɛnilee nɔ.

Hosea 14:3

Asiria nyɛŋ wɔyiwala ahere gbi ko gbi ko; ni tayaa okpɔŋɔi hu nyɛŋ afã wɔhe. Asaŋ amãgã ni wɔkɛ wɔniji fee lɛ wɔtsɛŋ lɛ wɔNyɔŋmɔ dɔŋŋ. Yehowa, bo lɛ omusuŋ tsɔ̃ɔ bo yɛ awusãi ahe.”

Hosea 2:8

Te eŋɔɔɔ nɔ akɛ mi ji mɔ ni hã lɛ abele kɛ wain kɛ mu kɛ jwiɛtɛi kɛ shika lɛ fɛɛ ni amɛkɛjaa jemawɔŋ Baal lɛ.

Hosea 4:17

Israel ekɔ wɔŋjamɔ efɔ enɔ; nyɛŋmɛa ejeŋ he nyɛhãa lɛ.

Hosea 8:4

“Amɛto maŋtsɛmɛi, shi jeee mi minɔ amɛtsɔ̃; ni amɛhole lumɛi hu ni mileee mli eko kwraa. Amɛkɛ amɛjwiɛtɛi kɛ amɛshika fee amãgãi ni baakpãtã amɛ nɔŋŋ amɛhiɛ.

Hosea 8:5

Mitaooo tsinabi ni ajaa yɛ Samaria maŋ lɛ mli lɛ kwrakwra. Mimli ewo amɛ la naakpa. Mɛɛ beyinɔ po amɛaaba amɛjeŋ jogbaŋŋ yɛ Israel?

Hosea 8:6

Ŋaalɔ ko ni fee tsinabi lɛ; shi naa, jeee Nyɔŋmɔ ni. Nakai tsinabi lɛ ni ajaa yɛ Samaria lɛ, aaajwara lɛ dukuduku.

4 Mose 32:14

Amrɔ nɛɛ lɛ, nyɛ nyɛbaye nyɛtsɛmɛi hii toigbolɔi lɛ anajiaŋ, ni nyɛmiitao akɛ Yehowa mlifu ni naa wa lɛ aba Israel nɔ fe tsutsu lɛ?

Romabii 11:4

Shi mɛɛ hetoo Nyɔŋmɔ hã lɛ? “Mishwɛ hii akpei kpawo ni kɛ amɛnakutsei kulako shi hãko Baal mihã mihe.”

Romabii 2:5

Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

1 Samuel 10:1

Kɛkɛ ni Samuel jie mu kɛ tɔ ko, ni efɔse mu lɛ eshwie Saul yiteŋ. Kɛkɛ ni eshwɔ Saul naa ni ekɛɛ lɛ akɛ, “Naa, Yehowa efɔ bo mu koni oye ewebii lɛ anɔ akɛ amɛlumɔ, koni ohere amɛ yɛ amɛhenyɛlɔi ni ebɔle amɛ lɛ adɛŋ. Ni okadi ni atoɔ bo yɛ he akɛ Yehowa efɔ bo mu koni oye emɛi lɛ anɔ lumɔ nɛ.