Hosea 13:16 - ŊMALƐ KRƆŊKRƆŊ LƐ

¹⁶ Samaria yi sɔ̃ lɛ baatere lɛ diɛŋtsɛ; emli bii lɛ ahiɛ aaakpãtã yɛ ta mli, akɛ emli abifabii lɛ aaatswiatswia shi; ni aaagbala amɛyeihɔlɔi lɛ amli.”

Hosea 13:16 ပူးပေါင်းရင်းမြစ်များ

2 Maŋtsɛmɛi 15:16

Be ni Menahem jɛ Tirza eyaa lɛ, eyatswia Tapua kɛ mɛi fɛɛ ni yɔɔ mli kɛ ekpokpaianɔbii fɛɛ nii; ejaakɛ amɛŋmɛɛɛ amɛmaŋ lɛ he amɛhãaa lɛ. No hewɔ lɛ, etswia amɛ nii, ni emli yeihɔlɔi lɛ egbalagbalaa amɛmli.

2 Maŋtsɛmɛi 17:18

No hewɔ lɛ, Yehowa mli fu Israel naakpa, ni ehã aŋɔ amɛ nom; eshwɛɛɛ akutso ko akutso ko akɛ ja Yuda akutso lɛ kɛkɛ.

2 Maŋtsɛmɛi 17:5

Kɛkɛ ni Asiria Maŋtsɛ Shalmaneser fã ta ebatua Israel, ni ebasa Samaria yi afii etɛ̃.

2 Maŋtsɛmɛi 17:6

Hoshea yinɔ afi ni ji nɛɛhu lɛ nɔ lɛ, Asiria maŋtsɛ lɛ ŋɔ Samaria. Kɛkɛ ni eŋɔ Israelbii nom kɛtee Asiria; eŋɔ amɛteŋ mɛi komɛi kɛtee Hala maŋ wulu lɛ mli; ekɛ mɛi komɛi hu tee Habor Faa lɛ naa yɛ Gozan kpokpai anɔ; ekɛ mɛi komɛi hu tee Media maji wuji lɛ amli.

2 Maŋtsɛmɛi 8:12

Hazael bi lɛ akɛ, “Mɛni hewɔ minuŋtsɔ foɔ nɛɛ?” Elisha hã lɛ hetoo akɛ, “Ejaakɛ mile nɔ efɔŋ ni bo obaafee Israelbii: amɛmɔji ni he wa lɛ obaamamɔ naa la, ni amɛblahii lɛ okɛ klante baagbe amɛ, ni amɛbii fufɔbii lɛ obaaŋɔ amɛ otswia shi, ni amɛyeihɔlɔi lɛ obaagbalagbalaa amɛmli.”

Yesaia 13:16

Amɛmiikwɛ nɛkɛ nɔŋŋ ni aaaŋɔ amɛbii atswia shi yɛ amɛhiɛ, ni amɛshĩa lɛ, aaahahaa amɛmli nii, ni amɛŋamɛi lɛ abaato amɛ kabonaa.”

Yesaia 17:3

Mɔɔ ko mɔɔ ko ni wa eshwɛŋ yɛ Israel shikpɔŋ lɛ nɔ, ni Damasko yeŋ maŋ ko maŋ ko nɔ dɔŋŋ; ni mɛi ni baashwɛ yɛ Siria lɛ ahiɛ aaashwie shi tamɔ Israel. Mi Yehowa, Taiatsɛ lɛ, mikɛɛ.”

Yesaia 8:4

ejaakɛ dani gbekɛ lɛ aaale ‘Ataa loo Awo tsɛmɔ lɛ,’ aaaloo nii ni Damasko yɔɔ kɛ haanii ni Samaria yɔɔ hu kɛnyiɛ Asiria maŋtsɛ hiɛ kɛaatee.”

Hosea 10:2

Amɛyeee anɔkwa, ni no hewɔ lɛ, agbɛnɛ, amɛbaana he nyɔmɔwoo. Yehowa baakumɔ amɛfɔleshãa latɛi lɛ eshwie shi, ni ebaafite amɛshiui lɛ.

Hosea 11:6

Taitai baate shi yɛ amɛmaji lɛ anɔ, ni abaakumɔ amɛmaji lɛ agboi lɛ asɛɛ adabaŋi lɛ. Aaakpãtã amɛhiɛ ejaakɛ amɛkɛ amɛhe fɔ̃ amɛ diɛŋtsɛ amɛnilee nɔ.

Hosea 7:14

Amɛfooo amɛtsɛɛɛ mi kɛjɛɛɛ amɛtsuiiaŋ; shi moŋ amɛsai anɔ amɛfoɔ waa yɛ. Kɛji amɛmiisɔle yɛ abele kɛ wain he lɛ, amɛkɛ kakla folɔɔ amɛhe tamɔ wɔŋjalɔi lɛ feɔ lɛ. Gbɔmɛi nɛɛ etse mihiɛ atua.

Amos 1:13

Bɔ ni Yehowa kɛɛ nɛ, “Tɔ̃mɔi babaoo ni Amonbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ taitai ni amɛfãfãa bɔ ni afee ni amɛlɛɛ amɛshikpɔŋ lɛ husui amli hewɔ lɛ, amɛgbalagbalaa Gilead yeihɔlɔi amusui amli, ni bii lɛ je shwie shi.

Amos 3:9

Kɛɛmɔ mɛi fɛɛ ni yɔɔ Ashdod kɛ Ijipt mɔji lɛ amli lɛ akɛ, “Nyɛyabuaa nyɛhe naa yɛ Samaria gɔji lɛ anɔ koni nyɛkwɛa basabasa ni afeɔ kɛ niseniianii ni yaa nɔ yɛ Samaria.”

Amos 9:1

Mina Yehowa damɔ afɔleshãa latɛ lɛ he. Ekɛɛ mi akɛ, “Okɛ nii atswia Sɔlemɔtsu lɛ akulashiŋi lɛ ayiteiaŋ kpɔbii lɛ waa koni kpokui lɛ ahoso, ni ewule eshwie mɛi lɛ fɛɛ anɔ. Mɛi ni ahe baaje mli lɛ mibagbe amɛ yɛ ta mli. Mɔ ko mɔ ko ejoŋ minaa foi lɛ, mɔ ko mɔ ko hu he ejeŋ mli.

Mika 1:4

Gɔji lɛ aaasere yɛ enaneshi tamɔ wo-agbaku sereɔ yɛ la hiɛ lɛ; gɔji lɛ aaayiridi awo jɔi lɛ amli ni jɔi lɛ aaagbalagbalai tamɔ nu ni jɛ gɔŋ yiteŋ eebote jɔɔ mli.

Mika 6:16

Enɛ baaba mli, ejaakɛ Maŋtsɛ Omri nibii gbohii lɛ kɛ ebi Ahab nibii fɔ̃ji lɛ, nomɛi anɔ nyɛtsa. No hewɔ lɛ, mahã nyɛmaji lɛ atsɔ̃ amaŋfɔ̃, ni abuŋ nyɛ, ni aaabo nyɛ ‘tsia’!”

Nahum 3:10

Kɛ̃lɛ ana aŋɔ lɛ nom hu, ni akɛ emli bii abifabii tswiatswia shi, ni agbɛgbɛɛ amɛ ashwãshwãa gbɛjegbɛi lɛ atoii fɛɛ. Emli hiɛnaanɔmɛi lɛ, amɛhenyɛlɔi lɛ fɔ̃ amɛnɔ oshiki kɛja amɛ hã amɛhe, ni awo amɛ gboklɛ, ni akpala amɛ kɛtee nomŋɔɔ mli.