Hosea 13:10 - ŊMALƐ KRƆŊKRƆŊ LƐ

¹⁰ Nɛgbɛ omaŋtsɛ lɛ yɔɔ koni ehere oyiwala; aloo nɛgbɛ nyɛlumɛi lɛ ni baafã nyɛhe lɛ yɔɔ, mɛi ahewɔ ni nyɛbi akɛ, ‘Ahã wɔ maŋtsɛ kɛ lumɛi lɛ?’

Ṅmãle̱ Kroṅkroṅ Le̱

¹⁰ Agbe̱ne̱ nẽgbe̱ omaṅtše̱ le̱ yo̱, koni ehere oyiwala ye̱ omãdši le̱ fẽ mli? ke̱ okodšolo̱i le̱ hũ ní *okē̱ ye̱ ame̱he ake̱: Hãmi maṅtše̱ ke̱ lume̱i! le̱? *1 Sam. 8, 5.

Hosea 13:10 ပူးပေါင်းရင်းမြစ်များ

1 Maŋtsɛmɛi 12:20

Be ni Israelbii lɛ fɛɛ nu akɛ Yeroboam eku esɛɛ kɛjɛ Ijipt kɛba ekoŋŋ lɛ, amɛtsu ayaŋɔ lɛ kɛba Israel asafo muu ni ekpe hiɛ, ni amɛwo lɛ Israel fɛɛ nɔ maŋtsɛ. Mɔ ko mɔ ko bɛ ni nyiɛ David we lɛ sɛɛ akɛ ja Yuda akutso lɛ pɛ kɛkɛ.

2 Maŋtsɛmɛi 17:4

Shi fee sɛɛ lɛ Hoshea kpa too lɛ woo, kɛkɛ ni eyabi So, Ijipt maŋtsɛ lɛ, dɛŋ yelikɛbuamɔ koni etse atua. Be ni Shalmaneser na le enɛ lɛ, etsu ayamɔ Hoshea, ni ewo lɛ tsuŋ.

Lalai 10:16

Yehowa ji maŋtsɛ kɛjɛ naanɔ kɛyaashi naanɔ. Jeŋmaji lɛ ahiɛ aaakpãtã kɛaaje eshikpɔŋ lɛ nɔ.

Lalai 149:2

Hã Israel anya ebɔlɔ lɛ he, ni Zion bihii lɛ amli afili amɛ yɛ emaŋtsɛ lɛ hewɔ.

Lalai 44:4

Bo ji mimaŋtsɛ kɛ miNyɔŋmɔ, bo ohã Israel ye kunim srɔtoi lɛ.

Lalai 74:12

Kɛ̃lɛ kɛjɛ blema beebe lɛ, miNyɔŋmɔ, mimaŋtsɛ lɛ, lɛ etsuɔ yiwalaheremɔ nitsumɔ yɛ shikpɔŋ lɛ nɔ.

Lalai 89:18

Ejaakɛ bo Yehowa ji mɔ ni fã wɔhe lɛ; ni bo, Israel Nyɔŋmɔ Krɔŋkrɔŋ, bo owo maŋtsɛ ohã wɔ.

Yesaia 33:22

Ejaakɛ Yehowa ji wɔkojolɔ, Yehowa ji wɔnɔyelɔ. Yehowa ji wɔmaŋtsɛ; lɛ nɔŋŋ ebaahere wɔyiwala.

Yesaia 43:15

Mi ji Yehowa, nyɛMɔ Krɔŋkrɔŋ lɛ nyɛMaŋtsɛ, mɔ ni bɔ Israel lɛ.”

Yeremia 2:28

“Shi Yuda, nɛgbɛ nyɔŋmɔi lɛ ni ofee ohã ohe lɛ yɔɔ? Amɛte shi akɛ amɛaanyɛ oyiwala amɛhere yɛ ofimɔ be lɛ mli lo? Ao! Yuda, te nyɔŋmɔi ni oyɔɔ lɛ ayifalɛ tamɔ maji ni oyɔɔ lɛ ayibɔ nɔŋŋ?

Yeremia 8:19

Naa, kɛjɛ shikpɔŋ lɛ nɔ hei fɛɛ, minuɔ mimaŋbii abolɔmɔ akɛ, “Ani Yehowa bɛ Zion lo? Zion maŋtsɛ lɛ bɛ Zion?” Yehowa, amɛmaŋtsɛ lɛ, to he akɛ, “Mɛɛba nyɛwo mi mlifu kɛ maŋsɛɛ amãgãi ni nyɛkotoɔ ni nyɛjaa lɛ?”

Yāfó 4:20

Mɔ dɛŋ ni wɔwala yɔɔ, ni ji maŋtsɛ ni Yehowa efɔ lɛ mu lɛ; amɛtsɔ̃ lɛ, ni amɛmɔ lɛ ŋaa mli. Lɛ ji mɔ ni wɔkɛɛ yɛ ehe akɛ, “Yɛ lɛ eshishi lɛ, wɔɔhi shi shweshweeshwe yɛ majimaji lɛ ateŋ” lɛ.

Hosea 10:3

Agbɛnɛ amɛaakɛɛ akɛ, “Wɔbɛ maŋtsɛ ejaakɛ wɔsheee Yehowa gbeyei. Shi kɛji wɔyɛ maŋtsɛ po lɛ mɛni ebaanyɛ efee ehã wɔ?”

Hosea 13:4

Yehowa kɛɛ, “Mi ji Yehowa, nyɛNyɔŋmɔ lɛ, ni here nyɛyiwala kɛjɛ Ijipt shikpɔŋ lɛ nɔ beebe lɛ. Nyɛleee Nyɔŋmɔ ko akɛ ja mi; ni mi misɛɛ hu lɛ yiwalaherelɔ ko bɛ dɔŋŋ.

Hosea 3:4

Ejaakɛ nakai pɛ Israel baahi shi gbii pii ni amɛbɛ maŋtsɛ lɛ, amɛbɛ lumɛi hu; asaŋ amɛshãaa afɔle; ni amɛbɛ shiu lɛ amɛbɛ efod kɛ terafim hu ni akɛbiɔ nii.

Hosea 7:7

“Amɛkɛ mlila ni yɔɔ amɛmli lɛ gbegbee amɛnɔyelɔi lɛ. Amɛmaŋtsɛmɛi lɛ fɛɛ nyɔnyɔi, shi amɛteŋ mɔ ko mɔ ko kwraa ebooo etsɛɛɛ mi.”

Hosea 8:4

“Amɛto maŋtsɛmɛi, shi jeee mi minɔ amɛtsɔ̃; ni amɛhole lumɛi hu ni mileee mli eko kwraa. Amɛkɛ amɛjwiɛtɛi kɛ amɛshika fee amãgãi ni baakpãtã amɛ nɔŋŋ amɛhiɛ.

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Yohane 1:49

Natanael here nɔ ni ekɛɛ lɛ akɛ, “Rabi, bo ji Nyɔŋmɔ Bi lɛ, bo ji Israel Maŋtsɛ lɛ.”

1 Samuel 8:7

ni Yehowa kɛɛ Samuel akɛ, “Nibii fɛɛ ni maŋbii lɛ kɛɔ bo lɛ, feemɔ ohã amɛ; ejaakɛ jeee bo amɛkwa; shi mi moŋ amɛkwa akɛ mikaye amɛnɔ dɔŋŋ lɛ.