Hosea 12:6 - ŊMALƐ KRƆŊKRƆŊ LƐ

⁶ Nyɛ hu, enɛ hewɔ lɛ nyɛhea nyɛNyɔŋmɔ lɛ nɔ nyɛyea, ni nyɛkpalea kɛbaa eŋɔɔ. Nyɛnaa mɛi amɔbɔ; nyɛyea jalɛ sane, ni nyɛyea anɔkwa daa kɛkwɛa lɛ gbɛ.”

Ṅmãle̱ Kroṅkroṅ Le̱

⁶ Ni Iehowa dši Zebaot Nyoṅmo̱ le̱, Iehowa dši *egbe̱i ní ake̱-kaio̱le. *Lal. 35,19.

Hosea 12:6 ပူးပေါင်းရင်းမြစ်များ

1 Mose 49:18

“Yehowa, oyiwalaheremɔ lɛ, gbɛ miikwɛɔ nɛɛ!

Lalai 123:2

Naa, bɔ ni tsuji kɛ amɛhe fɔ̃ɔ amɛnuŋtsɔ nɔ, ni weyoo hu kɛ ehe fɔ̃ɔ ewula nɔ lɛ, nakai nɔŋŋ wɔ hu wɔkwɛɔ Yehowa, wɔNyɔŋmɔ lɛ, gbɛ kɛyaashi beyinɔ ni eeena wɔ mɔbɔ.

Lalai 27:14

Kwɛmɔ Yehowa gbɛ; wajemɔ ohe, ni ona tsui, ni okwɛ Yehowa gbɛ.

Lalai 37:7

Feemɔ dioo yɛ Yehowa hiɛ, ni oto otsui shi omɛ lɛ. Kaawo otsui he la yɛ mɔ ni egbɛ eja ehã lɛ lɛ hewɔ. Kaawo otsui he la yɛ mɔ ni toɔ ŋaai fɔ̃ji ni etsuɔ amɛhenii hu lɛ hewɔ.

2 Mose 3:15

Asaŋ Nyɔŋmɔ kɛɛ, “Okɛɛ Israelbii lɛ akɛ, ‘Yehowa, nyɛtsɛmɛi aNyɔŋmɔ lɛ, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ji mɔ ni tsu mi nyɛŋɔɔ nɛɛ. Migbɛi kwraa nɛ kɛmiiya naanɔ, ni no yinɔi fɛɛ kɛtsɛ mi.’

Abe̱i 1:23

Kɛji mikã nyɛ lɛ, nyɛboa toi. Naa, mafɔse mimumɔ mawo nyɛmli, ni mahã nyɛyoo minilee wiemɔi lɛ hu.

Abe̱i 21:3

Jalɛ saneyeli kɛ kojomɔ kpakpa lɛ, esa Yehowa hiɛ fe afɔleshãa.

Yesaia 1:16

Nyɛjua nyɛhe koni nyɛhãa nyɛhe atsea; nyɛkɛ nyɛnifɔɔjianii lɛ ajea mihiɛ, ni nyɛkpaa efɔŋfeemɔ.

Yesaia 30:18

No hewɔ lɛ, Yehowa miimɛ koni eduro nyɛ, ni no hewɔ lɛ, efee kralo koni ena nyɛ mɔbɔ, ejaakɛ Yehowa lɛ Nyɔŋmɔ ni yeɔ jalɛ sane ni. Ajɔɔ mɛi fɛɛ ni hiɛ kã enɔ lɛ.”

Yesaia 31:6

“Ao Israelbii, nyɛkua nyɛsɛɛ nyɛbaa mɔ ni nyɛtse ehiɛ atua lɛ ŋɔɔ.

Yesaia 40:31

Shi mɛi ni hiɛ kã Yehowa nɔ lɛ, amɛaana hewalɛ hee: amɛaafliki tamɔ okropɔŋ amɛaajo foi, ni etɔŋ amɛ amɛaanyiɛ hu, ni amɛgbɔjɔŋ.

Yesaia 58:6

“Ani jeee enɛ moŋ ji ŋmaahilɛ ni mito lɛ: akɛ akpa toikɔdɔmɔ saneyeli koni akplɔ toikɔdɔmɔ saneyeli kɔŋtso lɛ he ŋmei lɛ koni aha mɛi ni awaa amɛ yi lɛ aye amɛhe koni akumɔ apã fɛɛ apã?

Yesaia 8:17

Miikwɛ Yehowa, mɔ ni kɛ ehiɛ etee Yakob we lɛ gbɛ, ni mikɛ mihiɛ aaafɔ enɔ.

Yeremia 22:15

Ani osusuɔ akɛ tsenedru mple ni oshiɔ lɛ no feɔ bo maŋtsɛ? Otsɛ hi shi, ni eye nii, ni enu nii, ni ekojo jalɛ naa, ni eye jalɛ sane, ni no hewɔ lɛ, ehi ehã lɛ!

Ezekiel 18:30

“No hewɔ lɛ, Ao, nyɛ Israelbii, makojo nyɛ, makojo nyɛteŋ mɔ fɛɛ mɔ yɛ enifeemɔ nii anaa. Nuŋtsɔ Yehowa kɛɛ. Nyɛtsakea nyɛtsuiiaŋ, ni nyɛfɔ̃a nyɛnifɔɔjianii lɛ fɛɛ; koni nyɛnifɔɔjianii lɛ akakpãtã nyɛhiɛ.

Hosea 10:12

Nyɛfea nii ni ja tamɔ aduɔ wu kpakpa, ni nyɛaakpa misuɔmɔ ni sɛɛ efooo lɛ yibii. Nyɛjea wala hee shishi tamɔ asaa shikpɔŋ atoɔ nidumɔ, ejaakɛ be yɛ lolo bɔ ni sa ni nyɛkɛaatao Yehowa sɛɛgbɛ kɛyaashi eeeba ebajɔɔ nyɛ tamɔ nu nɛɔ shwieɔ nii anɔ.

Hosea 14:1

Nyɛ Israelbii, nyɛkpalea kɛbaa Yehowa, nyɛNyɔŋmɔ lɛ, ŋɔɔ. Nyɛnishaianii lɛ ehã nyɛtɛrɛ, ni nyɛgbee shi.

Hosea 4:1

Nyɛ Israelbii, nyɛboa nɔ ni Yehowa kɛɔ toi, ejaakɛ Yehowa kɛ shikpɔŋ lɛ nɔ bii lɛ ena. “Anɔkwayeli kɛ mɔbɔnalɛ etã yɛ shikpɔŋ lɛ nɔ; ni aleee Nyɔŋmɔ hu yɛ shikpɔŋ lɛ nɔ.

Yoel 2:12

“Shi amrɔ nɛɛ po Yehowa kɛɛ, nyɛshwaa nyɛhe anɔkwale mli, ni nyɛkpalea kɛbaa miŋɔɔ kɛ ŋmaahilɛ kɛ yaafo kɛ ŋkɔmɔyeli.”

Yoel 2:13

Nyɛtsɛrɛa nyɛtsuii, shi jeee nyɛtadei; nyɛkpalea kɛbaa nyɛNyɔŋmɔ lɛ ŋɔɔ, ejaakɛ durolɔ kɛ mlitsɔ̃lɔ ji lɛ; emli fuu mra, ni eyeɔ eshiwoo nɔ; ni emɔbɔnalɛ fa, ni eshwaa ehe yɛ nɔ fɔŋ hewɔ.

Amos 4:13

Naa, mɔ ni shɔ̃ gɔji lɛ, ni ebɔ kɔɔyɔɔ, ni egbaa gbɔmɔ nɔ ni ji lɛ Nyɔŋmɔ lɛ eyiŋtoo. Lɛ mɔ ni ehãa jetsɛremɔ tsɔ̃ɔ duŋ, ni enyiɛɔ shikpɔŋ lɛ nɔ hei grɔŋŋi lɛ, Egbɛi ji Yehowa, Taiatsɛ.

Amos 5:24

Nyɛyea jalɛ sane moŋ koni etsɔ̃ tamɔ nu ni hoɔ; nyɛhãa jalɛ ahea shi, ni etsɔ̃ tamɔ faa ni hoɔ daa.

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

Mika 7:7

Shi mi lɛ, makwɛ Yehowa gbɛ; mamɛ miyiwalaheremɔ Nyɔŋmɔ lɛ; ni miNyɔŋmɔ lɛ aaabo mi toi.

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

Zefania 3:8

Yehowa kɛɛ akɛ, “No hewɔ lɛ, nyɛkwɛa mi gbɛ kɛyashi gbi nɔ ni mate shi maye odase mashi jeŋ maji lɛ; ejaakɛ mito miyiŋ akɛ mabua majimaji lɛ anaa, ni mabua maŋtsɛmɛi hu anaa kɛkpe, koni amɛsa mimlifu kɛ mimlila ni naa wa lɛ naa amɛkwɛ, ejaakɛ mikɛ miwuŋayeli lɛ mli mlifu la lɛ baakpãtã jeŋ muu lɛ fɛɛ hiɛ.

Zakaria 1:3

No hewɔ lɛ, kɛɛmɔ amɛ akɛ bɔ ni mi Yehowa, Taiatsɛ lɛ, mikɛɔ amɛ nɛ, ‘Nyɛkpalea kɛbaa miŋɔɔ ni mi hu makpale kɛba nyɛŋɔɔ, mi Yehowa, Taiatsɛ lɛ, mikɛɛ.

Zakaria 7:9

“Bɔ ni Yehowa, Taiatsɛ, lɛ kɛɛ nɛ, ‘Nyɛkojoa yɛ jalɛ naa, ni nyɛkɛ musuŋtsɔlɛ kɛ mɔbɔnalɛ ahia shi akɛ nyɛmimɛi.

Zakaria 8:16

Nyɛfea nibii nɛɛ: nyɛteŋ mɔ fɛɛ mɔ kɛ enaanyo awiea anɔkwale; asaŋ nyɛyea jalɛ sane yɛ nyɛkoii ashi bɔ ni baahã toiŋjɔlɛ aba.

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Bɔfoi 26:20

shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

Yakobo 1:27

Nyɔŋmɔjamɔ ni he tse ni ehe bɛ muji ko yɛ Nyɔŋmɔ, Tsɛ lɛ, hiɛ ji enɛ, akɛ mɔ asra awusai kɛ okulafoi yɛ amɛmanehulu lɛ mli, ni ekwɛ ehe nɔ jogbaŋŋ yɛ je nɛɛ mli koni ekawo ehe muji.

Yakobo 2:13

Ejaakɛ kojomɔ mli lɛ, mɔ ni enaaa mɔbɔ lɛ anaŋ lɛ mɔbɔ; mɔbɔnalɛ yeɔ kojomɔ nɔ kunim ni eshwãa.