Hosea 11:8 - ŊMALƐ KRƆŊKRƆŊ LƐ

⁸ “Ao Israel, te mafee tɛŋŋ maŋmɛɛ ohe hu? Te mafee tɛŋŋ makwa bo hu? Aso manyɛ ohiɛ makpãtã tamɔ bɔ ni mifee Adma lɛ; aloo tamɔ bɔ ni mikɛ Zeboim ye lɛ? Mitsui miitswa yɛ mimli, ni mimusuŋ miitsɔ̃ mi yɛ ohe.

Ṅmãle̱ Kroṅkroṅ Le̱

⁸ Té mafe tẽṅ maṅmē̃ oheṅ, Efraim? Té mafe tẽṅ madšieo mahãṅ, Israel? Té mafe tẽṅ mafeo tamo̱ *Adăma, ni maṅõo mamã ši tamo̱ Zeboim hũṅ? †Mitšui etšṍ ye̱ mimli, mimo̱bo̱nale̱ le̱ ehe mi-mli fẽ! *5 Mose 29,22. †Ier. 31,20.

Hosea 11:8 ပူးပေါင်းရင်းမြစ်များ

1 Mose 14:8

Kɛkɛ ni Sodom maŋtsɛ kɛ Gomora maŋtsɛ kɛ Adma maŋtsɛ kɛ Ziboim maŋtsɛ kɛ Bela, ni atsɛɔ lɛ Zoar hu lɛ maŋtsɛ lɛ fã, ni amɛbagba ta yɛ Sidim jɔɔ lɛ mli,

2 Samuel 24:16

Shi be ni bɔfo ni kpãtãa maŋbii lɛ ahiɛ lɛ yaata Yerusalɛm he lɛ, Yehowa tsake ejwɛŋmɔ yɛ efɔŋ ni eba maŋbii lɛ anɔ lɛ gbɛfaŋ, ni ekɛɛ bɔfo ni gbeɔ mɛi lɛ akɛ, “Efa, kɛwa biɛ!” No be lɛ mli lɛ Yehowa bɔfo lɛ yɛ Arauna, Yebusnyo lɛ, ŋmaa gbeemɔhe lɛ.

1 Maŋtsɛmɛi 3:26

Kɛkɛ ni yoo mɔ bi ni ji hiɛkãalɔ lɛ bo akɛ, “Ao, minuŋtsɔ maŋtsɛ, mimusuŋ miishã mi yɛ mibi lɛ he. Ofainɛ, ŋɔɔ bi hiɛkãalɔ lɛ ohã lɛ; akagbe lɛ kɔkɔɔkɔ!” Shi mɔ kome lɛ kɛɛ, “Akɛ lɛ akahã wɔteŋ mɔ ko mɔ ko, aja emli enyɔ!”

2 Maŋtsɛmɛi 13:23

Shi kɛ̃lɛ Yehowa musuŋ tsɔ̃ lɛ yɛ amɛhe, ni etse ehiɛ ehã amɛ yɛ ekpãŋmɔ ni ekɛ Abraham kɛ Yakob kɛ Isak ekpãŋ lɛ hewɔ, ni esumɔɔɔ akɛ ekpãtã amɛhiɛ, ejaakɛ ehiɛ kpako emaŋ Israel lɛ nɔ kɛbashi benɛ.

2 Kronika 36:15

Shi Yehowa, ni ji Yudabii lɛ atsɛmɛi lɛ aNyɔŋmɔ lɛ, kã he etsuɔ bɔfoi kɛbaa amɛŋɔɔ ejaakɛ emusuŋ tsɔ̃ɔ lɛ yɛ emaŋ lɛ kɛ Sɔlemɔ we lɛ hewɔ.

Lalai 106:45

Ekai ekɛ amɛteŋ kpãŋmɔ lɛ, ni emusuŋ tsɔ̃ lɛ yɛ esuɔmɔ babaoo ni tsakeee lɛ naa.

Yesaia 16:11

No hewɔ lɛ, misusuma miifo emli tamɔ kpãa saŋku yɛ Moab hewɔ, ni mitsui mli miishã mi miihã Kir-Heres.

Yesaia 63:15

Yehowa, maa oyi shi kɛjɛ ŋwɛi koni ojɛ ohe krɔŋkrɔŋ kɛ onunyam shihilɛhe lɛ okwɛ! Nɛgbɛ ohiɛdɔɔ kɛ ohewalɛ nitsumɔi lɛ yɔɔ? Otsuiŋshãlɛ kɛ omusuŋtsɔlɛ babaoo lɛ eŋmɛɛ wɔ.

Yeremia 18:8

kɛji nakai maŋ ni miwie ehe lɛ kpa amɛnifɔ̃ɔjianii ni amɛfeɔ lɛ feemɔ lɛ, mitsakeɔ mijwɛŋmɔ, ni efɔŋ ni mito akɛ mibafee amɛ lɛ mifeee.

Yeremia 3:12

Yaa kooyigbɛ shikpɔŋ lɛ nɔ koni oyashiɛ yɛ jɛi, ni okɛɛ akɛ, ‘Israel ni yeee ewu anɔkwa, kpalemɔ kɛba miŋɔɔ! Mituŋ mihiɛ miwoŋ nyɛ ejaakɛ mɔbɔnalɔ ji mi. Mi, Yehowa mikɛɛ. Mibɛŋ nyɛ miwoŋ mimli kɛyaŋ naanɔ.

Yeremia 31:20

Israel ji mibinuu kpakpa lɛ. Lɛ ji misuɔmɔ bi lɛ. Shii abɔ fɛɛ ni miwieɔ mishiɔ lɛ lɛ, mikaiɔ lɛ kɛ̃ kɛ dɔlɛ. No hewɔ lɛ, mitsui shweɔ lɛ. Bɔ fɛɛ bɔ ni fee lɛ mana lɛ mɔbɔ. Mi, Yehowa, mikɛɛ.

Yeremia 42:10

‘Kɛji nyɛbaahi shi yɛ shikpɔŋ nɛɛ nɔ lɛ, no lɛ mibahã nyɛhe shi, ni mikpãtãŋ nyɛhiɛ; mibatɛo nyɛ tamɔ atɛoɔ tso, ni mifamɔŋ nyɛ mishwieŋ; efɔŋ ni mifee nyɛ lɛ edɔ mi.

Yeremia 9:6

Yiwalɛ kɛ shishiumɔnii ni amɛfeɔ nɔtoonɔtoo hewɔ lɛ, amɛkpɛlɛ̃ɛɛ akɛ amɛaale mi. Yehowa kɛɛ.

Yeremia 9:7

No hewɔ lɛ, bɔ ni Yehowa, Taiatsɛ lɛ, kɛɔ nɛ, “Naa, matsuu amɛhe koni maka amɛ yɛ la mli makwɛ, ejaakɛ mɛni dɔŋŋ manyɛ mafee yɛ miwebii nɛɛ ahewɔ?

Yāfó 1:20

“Ao! Yehowa, kwɛmɔ mi, ejaakɛ miyɛ hejaramɔ mli; misusuma miina nɔ, ni mitsui miitse yɛ mimli ejaakɛ mitse ohiɛ atua fe nine. Klante miikpãtã mɛi ahiɛ yɛ blohuŋ, ni shĩa teŋ hu, gbele miimɛ.

Yāfó 3:32

ejaakɛ ehãa mɔ he jaraa lɛ moŋ, kɛ̃lɛ emusuŋ tsɔ̃ɔ lɛ yɛ suɔmɔ ni tsakeee lɛ hewɔ.

Yāfó 3:33

Jeee esuɔmɔnaa ji akɛ ehã gbɔmɔ he ajara lɛ, asaŋ akɛ efee gbɔmɔ nidɔɔnii.

Ezekiel 33:11

Kɛɛmɔ amɛ akɛ gbii abɔ ni mi, mi ji Nyɔŋmɔ Hiɛkãalɔ lɛ nɛɛ, minaaa efɔŋfeelɔ gbele he miishɛɛ; shi moŋ minaa miishɛɛ kɛji efɔŋfeelɔ tsake ejeŋba, ni eyi na wala. Ao Israel we, nyɛkpalea, nyɛkpalea kɛjea nyɛgbɛi fɔ̃ji lɛ anɔ koni nyɛyi ana wala. Mɛni hewɔ nyɛaagboi?

Ezekiel 6:9

no lɛ nyɛteŋ mɛi ni eje gbele mli lɛ aaakai mi yɛ majimaji lɛ ateŋ hei ni aŋɔ amɛ nom kɛtee lɛ. Kɛji mikumɔ amɛyiŋ flɛflɛ tsuii ni hã amɛkɛ yiŋ flɛflɛ yanyiɛ amɛmãgãi lɛ asɛɛ lɛ, amɛaanyaŋe amɛ diɛŋtsɛ amɛhe yɛ nifɔɔjianii kɛ musubɔɔ nii ni amɛfee lɛ fɛɛ ahewɔ.

Hosea 6:4

Shi Yehowa kɛɔ akɛ, “Ao! Israel, mɛni mafee ohe? Ao! Yuda, te mafee bo tɛŋŋ? Ejaakɛ osuɔmɔ lɛ etamɔ leebi atatu; etamɔ leebi bɔ ni kpalaa oya.

Hosea 7:1

“Kɛ mito miyiŋ akɛ matsa mimɛi Israelbii lɛ koni amɛshwere pɛ, kɛkɛ lɛ Efraim kɛ Samaria nifɔɔjianii lɛ eje kpo: no ji mɔshishiumɔ kɛ juu kɛ ojotswaa yɛ gbɛteŋ.

Amos 4:11

Yehowa kɛɛ akɛ, “Mikpãtã nyɛteŋ mɛi komɛi ahiɛ tamɔ mifee Sodom kɛ Gomora lɛ. Nyɛ mɛi ni nyɛyi na wala lɛ, nyɛtsɔ̃mɔ tamɔ la tso ni afã yɛ la naa; ni kɛ̃lɛ nyɛkpaleko kɛbako miŋɔɔ.

Amos 7:3

Yehowa tsake eyiŋtoo lɛ, ni ekɛɛ akɛ, “Nɔ ni ona nɛɛ baŋ mli.”

Amos 7:6

Yehowa tsake eyiŋtoo, ni ekɛɛ akɛ, “Enɛ hu baŋ mli.”

Mika 5:3

No hewɔ lɛ, Yehowa aaaŋmɛɛ emaŋ lɛ he ehã amɛhenyɛlɔi lɛ kɛyashi beyinɔ ni yoofɔyoo lɛ aaafɔ ebinuu lɛ, ni enyɛmimɛi lɛ ateŋ mɛi ni eshwɛ ni yɔɔ nomŋɔɔ mli lɛ aaaku amɛsɛɛ kɛaaba amɛnyɛmɛi Israelbii lɛ aŋɔɔ.

Zefania 2:9

Beiaŋ ni mi tuuŋtu ji Yehowa, Taiatsɛ, Israel Nyɔŋmɔ hiɛkãalɔ lɛ, miikɛɛ akɛ ja Moab tsɔ̃ tamɔ Sodom, ni Amonbii lɛ hu tsɔ̃ tamɔ Gomora. Amɛshikpɔŋ lɛ baatsɔ̃ ŋoo bui ashikpɔŋ kɛ amaŋfɔ̃ kɛya naanɔ; ni sansrɔ baatsa yɛ enɔ. Mimaŋbii ni aaashwɛ lɛ aaaha Moabbii lɛ kɛ Amonbii lɛ hu anii, ni amɛaaŋɔ amɛshikpɔji lɛ.”

Mateo 23:37

“Yerusalɛm, Yerusalɛm, bo ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi; shii enyiɛ mitao akɛ kulɛ mabua obii anaa tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

5 Mose 29:22

“Wɔsɛɛ yinɔbii, ni ji nyɛshwiei ni aaaba yɛ nyɛsɛɛ lɛ, kɛ mɛi kpɔ̃ji ni aaajɛ maŋsɛɛ shɔŋŋ lɛ aaawie he kɛji amɛna haomɔi kɛ helai ni Yehowa ehã eba nɛkɛ shikpɔŋ lɛ nɔ lɛ.

5 Mose 29:23

Amɛaana bɔ ni swɔɔ kɛ ŋoo egbe shikpɔŋ tso muu lɛ, ni ehiii enɔ nidumɔ, ni ebaaa nii, ni jwɛi tete ekwɛ̃ɛɛ yɛ nɔ lɛ. Amɛaana akɛ efite tamɔ Sodom kɛ Gomora kɛ Adama kɛ Zeboim maji lɛ ni Yehowa kpãtã amɛhiɛ yɛ emlifu kɛ emlila naa lɛ.

5 Mose 32:36

Ejaakɛ Yehowa baafã ewebii ahe; ebaana amɛ mɔbɔ kɛji ena akɛ amɛhewalɛ fɛɛ etã, ni eshwɛko mɔ ko mɔ ko kwraa, mɔ ni hiɛ ehe jio, nyɔŋ jio.

2 Petro 2:6

ni kɛji Sodom kɛ Gomora maji lɛ hu eshã ni ehã amɛtsɔ̃ lamlu, ni ekɛ butumɔ kojo amɛ ekɛto mɛi ni sheee Nyɔŋmɔ gbeyei lɛ okadi,

Yuda 1:7

Kaimɔ bɔ ni Sodom kɛ Gomora kɛ maji ni jwere amɛhe lɛ, bɔ ni amɛbɔ ajwamãŋ aahu tamɔ mɛnɛɛmɛi nɛɛ nɔŋŋ ni amɛtao ni amɛkɛ bɔfoi lɛ afee efɔŋ lɛ. Enɛ fɛɛ kã shi akɛ okadii hã mɛi fɛɛ ni naa naanɔ la mli nyɔmɔwoo lɛ.

Kpojiemɔ 11:8

ni amɛgbohii lɛ aaajwere maŋ kpeteŋkple lɛ blohu lɛ mli, maŋ ni atsɛɔ lɛ yɛ mumɔ mli akɛ Sodom kɛ Ijipt lɛ, he ni asɛŋ amɛNuŋtsɔ lɛ yɛ lɛ.

Kpojiemɔ 18:18

ni be ni amɛna eshãa lɛ lasu lɛ amɛbolɔ amɛkɛɛ, “Aso maŋ ko ehi shi pɛŋ ni da tamɔ maŋ kpeteŋkple nɛɛ?”

Kojolɔi 10:16

No hewɔ lɛ, amɛ jie nyɔŋmɔi krokomɛi lɛ amɛshwie, ni amɛsɔmɔ Yehowa. Amɛnii fee Yehowa mɔbɔ yɛ amɛmanehulu lɛ hewɔ.