Hosea 11:7 - ŊMALƐ KRƆŊKRƆŊ LƐ

⁷ Beiaŋ ni mimɛi lɛ ekã akɛ shimɔ nɔŋŋ kɛ̃ amɛaashi mi lɛ, kɛ̃ɛmɔ nɔŋŋ kɛ̃ amɛaakɛ̃mɔ yɛ amɛkɔŋtso ni kã amɛkuɛ lɛ hewɔ, shi mɔ ko woŋ yɛ amɛnɔ.

Ṅmãle̱ Kroṅkroṅ Le̱

⁷ Ši mimaṅ le̱ fo̱ö̱ se̱se̱yā; ni ké̱ ātšé̱ame̱ ke̱-ya ṅwei le̱, ame̱teṅ mokomoko wóó ehe no̱.

Hosea 11:7 ပူးပေါင်းရင်းမြစ်များ

Lalai 81:11

“Shi mimaŋ lɛ booo migbee toi; Israel baaa ehe shi ehãaa mi.

Abe̱i 14:14

Mɔ fɔŋ lɛ eeena ejeŋba he nyɔmɔwoo; ni mɔ kpakpa lɛ, eeena enifeemɔnii kpakpa he nyɔmɔwoo.

Yesaia 26:10

Kɛji ana efɔŋfeelɔi amɔbɔ lɛ, amɛkɛkaseee nɔ ni ja feemɔ; shi moŋ amɛyeɔ saji fɔ̃ji yɛ he ni afeɔ jalɛnii yɛ, ni enaaa Yehowa agbojee lɛ.

Yeremia 14:7

‘Wɔnishaianii lɛ miibu wɔ fɔ moŋ; shi Yehowa, ogbɛi lɛ hewɔ lɛ, feemɔ he eko ohã wɔ; tsɛbelɛ wɔsɛɛsɛɛyaa lɛ fa tsɔ̃, ni wɔfee esha wɔshi bo.

Yeremia 2:19

Bo diɛŋtsɛ onifɔɔjianii lɛ baagbala otoi, ni kwamɔ ni okwa mi lɛ baabu bo fɔ. Na ole, ni oyoo akɛ kwamɔ ni okwa mi, Yehowa, oNyɔŋmɔ lɛ, nɔ fɔŋ ni, ni ebaajoo ehã bo. Mihe gbeyeishemɔ bɛ omli. Mi, Nuŋtsɔ Nyɔŋmɔ, Taiatsɛ, mikɛɛ.”

Yeremia 3:11

Kɛkɛ ni Yehowa kɛɛ mi akɛ, “Israel ni yeee ewu anɔkwa po etsɔ̃ɔ akɛ etɔ̃mɔ lɛ yɛ mlɛo fe Yuda nɔ lɛ.

Yeremia 7:25

Kɛjɛ gbi nɔ ni nyɛtsɛmɛi lɛ shi Ijipt shikpɔŋ lɛ nɔ aahu kɛbashi ŋmɛnɛ gbi nɛɛ nɔ lɛ, mikã he miitsu mitsuji ni ji gbalɔi lɛ amɛŋɔɔ be fɛɛ be,

Yeremia 7:26

shi fɛɛ sɛɛ lɛ amɛbooo mi toi, ni amɛyeee migbee nɔ; shi moŋ amɛfee amɛhe kuɛŋtilɔi, ni amɛfee nifɔɔjianii fe amɛtsɛmɛi lɛ tete.

Yeremia 8:5

Mɛni hewɔ mɔ, ni gbɔmɛi nɛɛ egba afã, ni amɛka jɛi kwraa nɛɛ? Amɛhiɛ shishiumɔ mli kpɛŋŋ, ni amɛkpɛlɛ̃ɛɛ kpalemɔ.

Hosea 11:2

Shi shii abɔ ni mitsɛɔ lɛ lɛ, shii abɔ ni eyaa sɛɛsɛɛ moŋ eshiɔ mi ji no; ni amɛyaa nɔ amɛshãa afɔlei amɛhãa Baal, ni amɛshãa tsofakɛŋma amɛhãa amãgãi.

Hosea 14:4

Yehowa kɛɛ, “Mibahã amɛkpa anɔkwa ni amɛyeee lɛ. Mibasumɔ amɛ kɛ mitsui fɛɛ, ejaakɛ miŋmɛɛ mimli ni fu amɛ lɛ he.

Hosea 4:16

Israelbii akuɛŋ ti tamɔ tsina oblayoo. Te aaafee tɛŋŋ ni Yehowa aaalɛ amɛ tamɔ alɛɔ toobii yɛ ŋa shwaŋŋ nɔ hu?

Hosea 7:16

Amɛkã he amɛmiija Baal lolo, ni amɛtsɔ̃ tamɔ gãitso ni waaa. Naafuu wiemɔi ni amɛlumɛi lɛ wieɔ lɛ ahewɔ lɛ, amɛaanyɔnyɔi yɛ klante naa. Ni enɛ aaatsɔ̃ nɔ ni akɛaaye amɛhe fɛo yɛ Ijipt shikpɔŋ lɛ nɔ.”