Hosea 11:6 - ŊMALƐ KRƆŊKRƆŊ LƐ

⁶ Taitai baate shi yɛ amɛmaji lɛ anɔ, ni abaakumɔ amɛmaji lɛ agboi lɛ asɛɛ adabaŋi lɛ. Aaakpãtã amɛhiɛ ejaakɛ amɛkɛ amɛhe fɔ̃ amɛ diɛŋtsɛ amɛnilee nɔ.

Ṅmãle̱ Kroṅkroṅ Le̱

⁶ Ni klante aakpa emădši le̱ ano̱, ni eefite egbóiase̱-adabãṅi le̱, ni eekpãtã hĩe ye̱ ame̱dšinatōi le̱ ahewo̱.

Hosea 11:6 ပူးပေါင်းရင်းမြစ်များ

Lalai 106:39

Amɛkɛ amɛnifeemɔnii lɛ wo amɛhe muji, ni amɛyeee Nyɔŋmɔ anɔkwa.

Lalai 106:43

Yehowa jie amɛ shii abɔ, shi amɛkɛ amɛkuɛŋtilɛ tse ehiɛ atua; ni aba amɛ shi yɛ amɛhe esha lɛ hewɔ.

Yesaia 18:5

Dani aaashɛ nikpamɔ be lɛ, be ni afofro lɛ ekpala, ni wainyibii bibii lɛ epue lɛ, ekɛ klante aaafolɔ niji lɛ ni etsɛ̃rɛ lɛ kɛ niji ni egbalagbalai lɛ eshwie.

Yesaia 27:10

Ejaakɛ maŋ ni atswa gbogbo awo he lɛ etsɔ̃ amaŋfɔ̃ kɛ shihilɛhe ni ashi afɔ shi ni akwa lɛ tamɔ shiaŋa. Tsinabii miiye nii yɛ jɛi; amɛbumɔɔ shi yɛ jɛi, ni amɛyeɔ nii.

Yesaia 30:1

Yehowa kɛɛ akɛ, “Kpoo hã bii kaniŋkajelɔi ni yaa ajina ni mi, mibɛ mli, ni amɛkpãŋɔ kpãŋmɔi ni jeee mitsui naa yiŋtoi ni, ni amɛkɛfeɔ esha amɛshiɔ esha nɔ.

Yesaia 9:14

Hewɔ lɛ gbi kometoo nɔ lɛ Yehowa baafo Israel yitso kɛ elei fɛɛ; ebaafo blɛo kɛ glã fɛɛ gbi kome.

Yeremia 5:17

ni amɛbaaye nyɛŋmɔshinii ni nyɛkpa kɛ niyenii fɛɛ, ni amɛbaagbegbee nyɛbihii kɛ nyɛbiyei lɛ amɛye; amɛbaagbegbee nyɛtoi kɛ tsinai amɛye, ni amɛbaaye nyɛwaintsei kɛ agbãmitsei ayibii fɛɛ; ni nyɛmaji ni atswa gbogbo awo amɛhe ni nyɛhiɛ kã nɔ lɛ, amɛbaafite fɛɛ.”

Yeremia 50:35

Yehowa kɛɛ akɛ, “Ta baanina Babilon, gbele baanina emaŋbii kɛ elumɛi lɛ kɛ enilelɔi lɛ.

Yāfó 2:9

Zion agboi lɛ enyɔ kɛbote su mli, akumɔ ni afite amɛsɛɛ adabaŋi lɛ. Emaŋtsɛ lɛ kɛ elumɛi lɛ eyaje jeŋmaji lɛ ateŋ. Mla lɛ bɛ dɔŋŋ lɛ, egbalɔi lɛ enaaa Yehowa dɛŋ ninaa ko dɔŋŋ.

Ezekiel 20:47

Kɛɛmɔ Yuda wuoyigbɛ koo lɛ akɛ, bo Yehowa wiemɔ toi. Bɔ ni Nuŋtsɔ Yehowa kɛɛ nɛ: naa, mawo la yɛ omli, ni eeeshã omli tso ŋmɔŋ fɛɛ tso ŋmɔŋ, kɛ tso gbiŋ fɛɛ tso gbiŋ. La ni tsoɔ grigri lɛ agbeŋ, ni eeeshã he fɛɛ he kɛaajɛ wuoyigbɛ aahu kɛyashi kooyigbɛ tɔ̃ɔ.

Hosea 10:14

No hewɔ lɛ, ta aaabanina nyɛ, ni aaakpãtã nyɛmɔji lɛ fɛɛ ahiɛ tamɔ bɔ ni Maŋtsɛ Shalman kpãtã Bet-Arbel maŋ lɛ hiɛ yɛ ta mli, ni eplenee emli yeifɔyei kɛ amɛbii fɛɛ lɛ.

Hosea 10:6

Anɔkwa, abaawo shika tsinabi lɛ kɛya koni akɛyake Asiria maŋtsɛ kpele lɛ. Ni no baahã hiɛgbele amɔ Israel, ni ehiɛ baashwie shi yɛ ŋaa gbonyo toi ni ebo lɛ hewɔ.

Hosea 13:16

Samaria yi sɔ̃ lɛ baatere lɛ diɛŋtsɛ; emli bii lɛ ahiɛ aaakpãtã yɛ ta mli, akɛ emli abifabii lɛ aaatswiatswia shi; ni aaagbala amɛyeihɔlɔi lɛ amli.”

Hosea 4:16

Israelbii akuɛŋ ti tamɔ tsina oblayoo. Te aaafee tɛŋŋ ni Yehowa aaalɛ amɛ tamɔ alɛɔ toobii yɛ ŋa shwaŋŋ nɔ hu?

Hosea 4:17

Israel ekɔ wɔŋjamɔ efɔ enɔ; nyɛŋmɛa ejeŋ he nyɛhãa lɛ.

3 Mose 26:25

Mahã ta abanina nyɛ koni atsɔ̃ no nɔ kɛgbala nyɛtoi, kɛtɔ mi kɛ nyɛ teŋ kpãŋmɔ lɛ mlikuu he owele. Kɛji nyɛbua nyɛhe naa yɛ nyɛmaji wuji amli, yɛ shweshweeshwefeemɔ hewɔ hu lɛ, mibahã gbele hela abote nyɛteŋ, ni nyɛhenyɛlɔi lɛ anine aaashɛ nyɛnɔ.

3 Mose 26:31

Mahã nyɛmaji lɛ atsɔ̃mɔ amaŋfɔ̃i, ni mafite nyɛjamɔhei lɛ hu; ni mihereŋ nyɛtsofakɛŋma lɛ ŋma dɔŋŋ.

3 Mose 26:33

Ni nyɛ diɛŋtsɛ lɛ mahã ta abanina nyɛ, ni magbɛ nyɛ mashwã majimaji ni yɔɔ jeŋ lɛ anɔ. Gbɔmɛi baatã yɛ nyɛshikpɔŋ lɛ nɔ, ni nyɛmaji lɛ baatsɔ̃mɔ amaŋfɔ̃i.

Amos 6:8

Nuŋtsɔ Nyɔŋmɔ lɛ ekã lɛ diɛŋtsɛ ehe kitã. Yehowa, Taiatsɛ lɛ, kɛɛ akɛ, “Miihi Israelbii ahewoo lɛ; ni miinyaŋe amɛmɔji fɛɛfɛji lɛ; no hewɔ lɛ, maŋɔ amɛmaŋ lɛ kɛ emli nii lɛ fɛɛ mahã.”

Mika 5:11

Mafite maji ni yɔɔ oshikpɔŋ lɛ nɔ lɛ, ni makumɔ mɔji ni buɔ ohe lɛ mashwie shi.

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

5 Mose 28:52

Amɛaasa oyi amɛwo omaji lɛ fɛɛ amli kɛyashi omaji lɛ ahe gbogboi grɔŋŋi ni awaje, ni okɛ ohiɛ efɔ̃ nɔ lɛ, amɛaakumɔ ogbogboi lɛ amɛshwie shi yɛ shikpɔŋ lɛ fɛɛ ni Yehowa, oNyɔŋmɔ lɛ, kɛhãa bo lɛ nɔ.

5 Mose 32:25

Klante aaanu lá yɛ blohui amli, ni piai amli baafee gbeyei. Ebaakpãtã oblanyo kɛ oblayoo kɛ bi fufɔoo kɛ wajiatsɛ fɛɛ hiɛ.