Hosea 11:3 - ŊMALƐ KRƆŊKRƆŊ LƐ

³ Tsɛbelɛ mi mifee Israel tataa ni ele nyiɛmɔ. Mihole amɛ mifɔ̃ mikpɔkɔiaŋ, shi amɛŋɔɔɔ nɔ akɛ mi mihere amɛ.

Ṅmãle̱ Kroṅkroṅ Le̱

³ Ši mife Efraim tatā, miholeame̱ ye̱ mikpo̱ko̱iaṅ; ši ame̱lee ake̱ mitšáame̱.

Hosea 11:3 ပူးပေါင်းရင်းမြစ်များ

Lalai 107:20

Efã, ni ewiemɔ lɛ tsa amɛ; ni ejie amɛ kɛjɛ hiɛkpãtãmɔ mli.

2 Mose 15:26

ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

2 Mose 19:4

‘Nyɛ diɛŋtsɛ nyɛna nɔ ni mifee Ijiptbii lɛ, kɛ bɔ ni mihiɛ nyɛ kɛ hewalɛ tamɔ okropɔŋ, ni mikɛ nyɛ bashɛ miŋɔɔ yɛ biɛ nɛɛ lɛ.

2 Mose 23:25

Kɛji nyɛsɔ̃mɔ mi, Yehowa nyɛNyɔŋmɔ lɛ, madro nyɛ niyenii kɛ nu, ni makɔ hela yɛ nyɛteŋ mashɛ mafɔ̃ kwraa.

Yesaia 1:2

Yehowa kɛɛ akɛ, “Ŋwɛi, bo toi, ni shikpɔŋ bo hu feemɔ toi, ejaakɛ mi Yehowa, miiwie. Milɛ bii ni amɛdara, shi amɛ lɛ, amɛtse mihiɛ atua.

Yesaia 30:26

Ni nyɔɔŋtsere aaakpɛ tamɔ hulu tsoɔ, ni hulu aaatso bɔ ni etsoɔ daa lɛ toi kpawo, tamɔ gbii kpawo mli hulutsoo ni abua naa, gbi ni Yehowa aaafimɔ emaŋ lɛ pilamɔi anɔ, ni eeetsa faji ni ewo amɛ be ni etswia amɛ nii lɛ.

Yesaia 46:3

“Ao, Yakob shwiei, nyɛ mɛi fɛɛ ni eshwɛ, nyɛboa mi toi. Nyɛ mɛi ni mihiɛ nyɛ kɛjɛ nyɛfɔmɔ mli, ni mikura nyɛ kɛjɛ nyɛhɔŋɔɔ mli beebe,

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

Yeremia 30:17

Ejaakɛ mahã nyɛna hewalɛ ekoŋŋ, ni matsa nyɛfaji lɛ, ejaakɛ amɛtsɛ bo mɔ ni ashwie lɛ, ‘Zion ni jeee mɔ ko he sane ji lɛ.’ Mi, Yehowa mikɛɛ.

Yeremia 8:22

Ani tsofa bɛ Gilead lo? Tsofatsɛmɛi bɛ jɛi lo? Mɛni hewɔ mɔ ni atsako mimaŋbii lɛ?

Hosea 14:4

Yehowa kɛɛ, “Mibahã amɛkpa anɔkwa ni amɛyeee lɛ. Mibasumɔ amɛ kɛ mitsui fɛɛ, ejaakɛ miŋmɛɛ mimli ni fu amɛ lɛ he.

Hosea 2:8

Te eŋɔɔɔ nɔ akɛ mi ji mɔ ni hã lɛ abele kɛ wain kɛ mu kɛ jwiɛtɛi kɛ shika lɛ fɛɛ ni amɛkɛjaa jemawɔŋ Baal lɛ.

Hosea 7:1

“Kɛ mito miyiŋ akɛ matsa mimɛi Israelbii lɛ koni amɛshwere pɛ, kɛkɛ lɛ Efraim kɛ Samaria nifɔɔjianii lɛ eje kpo: no ji mɔshishiumɔ kɛ juu kɛ ojotswaa yɛ gbɛteŋ.

Hosea 7:15

Yɛ mli akɛ mi ji mɔ ni tsɔse amɛ, ni mihã amɛna hewalɛ nɛ, shi daa nɛɛ lɛ efɔŋ pɛ amɛjwɛŋɔ yɛ mihe.

Bɔfoi 13:18

Ni ekɛ tsuishitoo hiɛ amɛ yɛ ŋa lɛ nɔ aaafee afii nyɔŋmai ejwɛ,

5 Mose 1:31

kɛ ŋa lɛ nɔ lɛ. Ni nyɛna bɔ ni Yehowa, nyɛNyɔŋmɔ lɛ, hiɛ nyɛmli kɛyashi nyɛbashɛ biɛ nɛɛ tamɔ bɔ ni nuu hiɛɔ ebi yɛ ekpɔkɔiaŋ lɛ.’

5 Mose 33:27

Naanɔ Nyɔŋmɔ lɛ ji obobaahe, ni enaanɔ niji lɛ hiɛ omli. Eshwie henyɛlɔi lɛ kɛje ohiɛ, ni ekɛɛ bo akɛ, ‘Kpãtãmɔ amɛhiɛ’.

5 Mose 8:2

Nyɛkaia gbɛ ni Yehowa, nyɛNyɔŋmɔ lɛ, kɛ nyɛ tsɔ̃ nɔ lɛ fɛɛ, yɛ shiaŋa lɛ nɔ afii nyɔŋmai ejwɛ nɛɛ mli lɛ, koni ekɛhã nyɛhumi shi, ni asaŋ koni etsɔ̃ nɔ ekɛka nyɛ ekwɛ ni ekɛle nɔ ni yɔɔ nyɛtsuiiaŋ akɛ nyɛaaye ekitãi lɛ anɔ lo, aloo nyɛyeŋ nɔ.