Hosea 11:11 - ŊMALƐ KRƆŊKRƆŊ LƐ

¹¹ Amɛaaba kɛaajɛ Ijipt kɛ hekpokpomɔ tamɔ loofɔji; amɛaaba tamɔ okpoi kɛaajɛ Asiria shikpɔŋ lɛ nɔ; ni mikɛ amɛ aaaku sɛɛ kɛaaba amɛ diɛŋtsɛ amɛshĩai amli ekoŋŋ. Mi, Yehowa, mi mikɛɛ.”

Ṅmãle̱ Kroṅkroṅ Le̱

¹¹ Ame̱ke̱ hekpokpomo̱ aadše Mizraim aba tamo̱ loflõ, ni ame̱adše̱ Ašur šikpoṅ le̱ no̱ ame̱aba tamo̱ okpo; ni mahã ame̱-bahī ame̱wei le̱! Iehowa kē̱.

Hosea 11:11 ပူးပေါင်းရင်းမြစ်များ

Yesaia 11:11

Nakai be mli lɛ Nuŋtsɔ lɛ kɛ hewalɛ baakpɔ̃ ewebii ni eshwɛ lolo lɛ, nɔ ni ji shii enyɔ nɔ, kɛjɛ Asiria kɛ Ijipt kɛ Patros kɛ Kush kɛ Elam kɛ Babilon kɛ Hamat, asaŋ kɛ ŋshɔnaa shikpɔji lɛ anɔ kɛaaba.

Yesaia 60:8

Mɛɛ ji nibii nɛɛ ni hoɔ tamɔ atatu loo tamɔ okpoi ni eku amɛsɛɛ kɛmiiba amɛtsu naa nɛɛ?

Yeremia 31:12

Amɛbaaba ni amɛbala waa kɛ nyamɔ yɛ Zion Gɔŋ lɛ nɔ; ni amɛmii baashɛ Yehowa mlihilɛ lɛ he, yɛ abele kɛ wain kɛ mu, kɛ toobii kɛ tsinai ahewɔ. Amɛshihilɛ baatsɔ̃ tamɔ abɔɔ ni ashwie emlinii nɔ nu, ni amɛtɔŋ biti dɔŋŋ.

Ezekiel 34:27

Kɛkɛ lɛ ŋa nɔ tsei baawo amɛyibii ni shikpɔŋ lɛ baaba nii babaoo, ni amɛaahi shi shweshweeshwe yɛ amɛshikpɔŋ lɛ nɔ. Kɛji mikumɔ amɛkɔŋtsei ni akɛbɔ amɛ apã lɛ, ni mijie amɛ kɛjɛ mɛi ni yeɔ amɛ nyɔŋ lɛ adɛŋ lɛ, no amɛkɛaale akɛ mi, mi ji Yehowa.

Ezekiel 34:28

Amɛtsɔŋ tamɔ kooloo naa loo amɛhaŋ jeŋmaji lɛ dɔŋŋ; ni shikpɔŋ lɛ nɔ kooloi lɛ yeŋ amɛloo. Amɛaabahi shi shweshweeshwe, ni mɔ ko mɔ ko woŋ amɛhe gbeyei.

Ezekiel 37:21

koni okɛɛ amɛ akɛ, bɔ ni Nuŋtsɔ Yehowa kɛɔ nɛ, naa, majie Israelbii lɛ kɛaajɛ majimaji lɛ anɔ hei ni amɛtee lɛ, ni mabua amɛnaa kɛaajɛ hei fɛɛ; ni mikɛ amɛ aaaba amɛ diɛŋtsɛ amɛshikpɔŋ lɛ nɔ.

Ezekiel 37:25

Amɛaahi shikpɔŋ ni nyɛtsɛmɛi lɛ hi nɔ lɛ nɔ, shikpɔŋ ni mikɛhã mitsulɔ Yakob lɛ. Amɛ kɛ amɛbii kɛ amɛbii abii baahi nɔ kɛya naanɔ; ni mitsulɔ David baaye amɛnɔ lumɔ kɛya naanɔ.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Hosea 7:11

Israel etsɔ̃ tamɔ okpo kwashia ni bɛ yitso: ŋmɛnɛ lɛ eetsɛ Ijipt koni ebawa lɛ; wɔ lɛ eetsɛ Asiria.

Obadia 1:17

“Shi mɛi ni aaaje mli lɛ, aaayato maŋ yɛ Zion Gɔŋ lɛ nɔ. Eeetsɔ̃ maŋ krɔŋkrɔŋ, ni Yakob shwiei lɛ anine aaashɛ amɛgbɛfaŋ shikpɔŋ lɛ nɔ ekoŋŋ.

Zakaria 10:10

Makpala amɛ kɛjɛ Ijipt kɛba. Mabua amɛnaa kɛjɛ Asiria hu. Mikɛ amɛ aaaba Gilead shikpɔŋ lɛ nɔ, kɛ Lebanon shikpɔŋ lɛ hu nɔ kɛyaashi anaŋ gbɛ yɛ shikpɔji lɛ anɔ ahã amɛ.

Zakaria 8:7

Bɔ ni Yehowa, Taiatsɛ lɛ, kɛɛ nɛ, naa, mibahere mimaŋbii lɛ ayiwala kɛaajɛ bokã kɛ anai shikpɔji lɛ fɛɛ anɔ;

Zakaria 8:8

ni mikɛ amɛ aaaba koni amɛbahi Yerusalɛm maŋ lɛ mli, ni amɛaatsɔ̃ mimaŋ, ni matsɔ amɛNyɔŋmɔ yɛ anɔkwale kɛ jalɛ mli.” Bɔ ni Yehowa, Taiatsɛ lɛ, kɛɛ nɛ,