Hosea 11:10 - ŊMALƐ KRƆŊKRƆŊ LƐ

¹⁰ “Mimɛi lɛ baanyiɛ, mi Yehowa, misɛɛ; beyinɔ ni mabo tamɔ jata lɛ amɛaaba kɛ hekpokpomɔ. Amɛhe aaakpokpo kɛaajɛ anaigbɛ kɛba.

Ṅmãle̱ Kroṅkroṅ Le̱

¹⁰ Ame̱anyie Iehowa se̱; *eehū̃ tamo̱ dšata; edšake̱ eehū̃, ni †bii le̱ ke̱ hekpokpomo̱ aadše̱ anaigbe̱ aba. *Ies. 31,4. 6. Ier. 25,30. †Hos. 2,1.

Hosea 11:10 ပူးပေါင်းရင်းမြစ်များ

Hiob 37:1

“Ŋwɛi shiimɔ lɛ hãa mitsui tswaa ni tse po eheɔ etse yɛ mimli nɛɛ.

Lalai 119:120

Ohe gbeyei naa lɛ, mihe kpokpoɔ; ni miishe odɛ̃ŋ kojomɔi lɛ agbeyei.

Lalai 2:11

Nyɛsɔmɔa Yehowa kɛ gbeyeishemɔ;

Yesaia 11:11

Nakai be mli lɛ Nuŋtsɔ lɛ kɛ hewalɛ baakpɔ̃ ewebii ni eshwɛ lolo lɛ, nɔ ni ji shii enyɔ nɔ, kɛjɛ Asiria kɛ Ijipt kɛ Patros kɛ Kush kɛ Elam kɛ Babilon kɛ Hamat, asaŋ kɛ ŋshɔnaa shikpɔji lɛ anɔ kɛaaba.

Yesaia 2:5

Ao, nyɛ Yakob we, nyɛbaa agbɛnɛ koni wɔnyiɛ Yehowa la lɛ mli.

Yesaia 31:4

Ejaakɛ bɔ ni Yehowa kɛɛ mi nɛ, “Bɔ ni kɛji jata loo jatabi miihũu yɛ emilɛ loo he, ni atsɛ tookwɛlɔi asafo tete awo ehe, ni amɛbolɔmɔ wooo ehe gbeyei, ni ebuuu hoo ni amɛaafee lɛ tete lɛ, nakai Yehowa, Taiatsɛ lɛ, aaaba abawu yɛ Zion Gɔŋ kɛ ehewɔ gɔŋkpɔi lɛ anɔ.

Yesaia 42:13

Yehowa efã tamɔ tabilɔ; etee emlifu shi tamɔ kãkãlɔ. Eebo waa; eebɔ oshe! Eetsɔ̃ɔ ehenyɛlɔi lɛ ehewalɛ.

Yesaia 49:10

Hɔmɔ yeŋ amɛ, ni kumai hu yeŋ amɛ. Hulu eshaŋ amɛ, ni shiaŋa nɔ kɔɔyɔɔ ni mli edɔ hu esaŋ amɛhe, ejaakɛ mɔ ni musuŋtsɔ̃ɔ lɛ yɛ amɛhe lɛ aaakpala amɛ, ni eeetsɔ̃ɔ amɛ gbɛ kɛaatee nubui ahe.

Yesaia 64:2

tamɔ bɔ ni la hãa lai tsoɔ, ni ehaa nu tswaa lɛ, koni eha ohenyɛlɔi ale ogbɛi. Ba koni obajie ohewalɛ lɛ kpo otsɔ̃ɔ ohenyɛlɔi lɛ, koni eha jeŋ maji lɛ ahe akpokpo yɛ ohiɛ!

Yesaia 66:2

Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Yesaia 66:5

Nyɛboa Yehowa wiemɔ lɛ toi, nyɛ mɛi ni nyɛhe kpokpoɔ yɛ ewiemɔ lɛ naa lɛ. “Nyɛnyɛmimɛi ni miihi nyɛ, ni amɛkwa nyɛ yɛ migbɛi lɛ hewɔ lɛ, yeɔ nyɛ he fɛo amɛkɛɔ akɛ, ‘Nyɛwoa Yehowa hiɛ nyam akɛ ehere nyɛ, koni wɔna nyamɔ ni nyɛaanya lɛ.’ Shi amɛ moŋ ji mɛi ni amɛhiɛ aaagboi.

Yeremia 2:2

“Yaa, koni oyashiɛ owo Yerusalɛmbii atoiiaŋ, ni okɛɛ amɛ akɛ, nɔ ni Yehowa kɛɛ nɛ, ‘Mikaiɔ oblayeiaŋ anɔkwa ni oye mi lɛ, kɛ osuɔmɔ tamɔ ayɛmforo suɔmɔ lɛ. Mikaiɔ bɔ ni onyiɛ misɛɛ yɛ shiaŋa lɛ nɔ, ni ji shikpɔŋ ni aduko nii yɛ nɔ lɛ nɔ lɛ.

Yeremia 25:30

“No hewɔ lɛ, bo Yeremia, gbaa nɛkɛ gbalɛ nɛɛ oshi gbɔmɛi nɛɛ. Okɛɛ amɛ akɛ, ‘Yehowa aaajɛ ŋwɛi ehũu, ni ebaawo egbee kɛaajɛ eshihilɛhe krɔŋkrɔŋ lɛ. Eeehũu waa ewo ewebii lɛ ni eeebolɔ tamɔ wainŋalɔi, eeehũu ewo shikpɔŋ lɛ nɔ bii fɛɛ.

Yeremia 31:9

Amɛbaaba kɛ yaafo kɛ faikpamɔ ni mibakpala amɛ kɛku sɛɛ kɛba. Mibahã amɛnyiɛ fai atoii kɛ gbɛ trɔmɔɔ nɔ, he ni amɛtɛrɛŋ yɛ. Ejaakɛ Israel Tsɛ ji mi, ni mikromɔbi ji Efraim.

Yeremia 33:9

Ni maŋ nɛɛ gbɛi baahã mimli afili mi, ni ebaatsɔ̃ miyijiemɔ kɛ mihiɛ nyam yɛ jeŋ maji fɛɛ ni aaanu ejuji fɛɛ ni mifee amɛ lɛ he lɛ ahiɛ. Amɛtsui baafã, ni amɛhe baakpokpo yɛ ejuji fɛɛ ni mifeɔ maŋ nɛɛ kɛ shweremɔ ni mihãa amɛshwereɔ lɛ hewɔ.”

Yeremia 5:22

Ani nyɛsheee mi gbeyei; nyɛhe kpokpooo yɛ mi, mihiɛ? Mi, ni mikɛ shia fo husu mikɛsa ŋshɔ naa, naanɔ husu ko ni ŋshɔ nyɛŋ eteke kɔkɔɔkɔ, husu ko ni bɔ fɛɛ bɔ ni ŋshɔkei aaashimɔ lɛ ahã lɛ, amɛnyɛŋ amɛwule lɛ, ni bɔ fɛɛ bɔ ni ŋshɔ aaafee hamahama ahã lɛ enyɛŋ lɛ eteke lɛ?

Yeremia 50:4

Yehowa kɛɛ akɛ, “Nakai be lɛ mli lɛ, Israelbii lɛ kɛ Yudabii lɛ fɛɛ tswɛm baabua amɛhe naa amɛba kɛ yaafo amɛbatao Yehowa, amɛNyɔŋmɔ lɛ, sɛɛgbɛ.

Yeremia 7:6

kɛji nyɛyeee gbɔ loo awusã loo okulafo amim, ni nyɛshwieee mɔ ko ni efeko nɔ ko lá shi yɛ shikpɔŋ nɛɛ nɔ yɛ biɛ lɛ, ni nyɛyajaaa nyɔŋmɔi krokomɛi nyɛkɛfeee nyɛ diɛŋtsɛ nyɛhe efɔŋ lɛ,

Yeremia 7:9

Aso nyɛaaju, ni nyɛaagbe gbɔmɔ, ni nyɛaafite gbãlã, ni nyɛaakãmɔ amale kitãi, ni nyɛaashã tsofakɛŋma nyɛkɛhã Baal, ni nyɛaayaja nyɔŋmɔi krokomɛi ni nyɛleee,

Ezekiel 26:16

Kɛkɛ lɛ ŋshɔhiɛ lumɛi fɛɛ aaajɛ amɛsɛ̃ii anɔ akpeleke shi, amɛaajie amɛtadei lɛ, amɛaakpɔlɔ amɛheboi wuji ni alo nii awo mli lɛ, amɛaabu hekpokpomɔ tamɔ abuɔ mama, amɛaashwata shikpɔŋ ni amɛhe baakpokpo blibli; be fɛɛ be lɛ amɛhe baajɔ̃ amɛhe yɛ ohewɔ.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Yoel 3:16

Yehowa miihuu kɛjɛ Zion, ni egbee miijije kɛjɛ Yerusalɛm; ŋwɛi kɛ shikpɔŋ miihoso. Shi Yehowa ji abobaahe hã emaŋ lɛ, kɛ mɔɔ ni wa hu hã Israelbii lɛ.

Amos 1:2

Amos kɛɛ akɛ, “Yehowa miihũu tamɔ jata yɛ Zion Gɔŋ lɛ nɔ, ni egbee miishi yɛ Yerusalɛm. Shikpɔji lɛ anɔ jwɛi fɔ aaaŋala, ni Karmel Gɔŋ lɛ yiteŋ aaagbi.”

Amos 3:4

Ani jata hũuɔ yɛ koo mli be mli ni enako kooloo ko ni eeemɔ lo? Ani jata oblayoo woɔ egbee yɛ ebu mli kɛji emɔko loo ko lo?

Amos 3:8

Kɛji jata miihuu lɛ, namɔ sheee gbeyei? Kɛji Nuŋtsɔ Nyɔŋmɔ ewie lɛ, namɔ baakwa akɛ eshiɛɛɛ gbalɛ ni akɛhã lɛ lɛ?

Mika 4:5

Maŋ fɛɛ maŋ jaa, ni eboɔ enyɔŋmɔ toi; shi wɔ lɛ wɔɔja ni wɔɔbo Yehowa, wɔNyɔŋmɔ lɛ toi kɛaatee naanɔ.

Habakuk 3:16

Minu enɛɛmɛi, ni mihe kpokpo; gbɛɛmɔ lɛ hã minaabu jo bliblibli. Mikpɔiaŋ fee gbedee, ni minaji tɔ̃tɔ̃ yɛ shikpɔŋ. Mibata shi kpoo mamɛ gbi ni abaahao mɛi ni baa koni amɛkɛ maŋ lɛ abawu lɛ.

Zakaria 10:10

Makpala amɛ kɛjɛ Ijipt kɛba. Mabua amɛnaa kɛjɛ Asiria hu. Mikɛ amɛ aaaba Gilead shikpɔŋ lɛ nɔ, kɛ Lebanon shikpɔŋ lɛ hu nɔ kɛyaashi anaŋ gbɛ yɛ shikpɔji lɛ anɔ ahã amɛ.

Zakaria 10:12

Mawo amɛ hewalɛ lɛ yɛ Yehowa mli, ni amɛbaanya yɛ egbɛi mli. Mi, Yehowa, mi mikɛɛ.”

Zakaria 8:7

Bɔ ni Yehowa, Taiatsɛ lɛ, kɛɛ nɛ, naa, mibahere mimaŋbii lɛ ayiwala kɛaajɛ bokã kɛ anai shikpɔji lɛ fɛɛ anɔ;

Yohane 8:12

Kɛkɛ ni Yesu kɛ amɛ wie ekoŋŋ ekɛɛ, “Mi ji je lɛ mli la lɛ. Mɔ ni nyiɛɔ misɛɛ lɛ, enyiɛŋ duŋ mli gbi ko gbi ko, shi moŋ eeena wala la lɛ.”

Bɔfoi 24:25

Shi be ni ewieɔ jalɛ kɛ henɔkwɛmɔ kɛ kojomɔ ni baaba lɛ he lɛ, Felike she gbeyei pam, ni ekɛɛ lɛ akɛ, “Agbɛnɛ yaa fɛɛ da; shi kɛ mina mihe dekã jiŋŋ, matsɛ bo ekoŋŋ.”

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

2 Petro 2:10

shi titri lɛ mɛi ni nyiɛɔ heloo akɔnɔ ni yɔɔ muji sɛɛ, ni amɛbuuu nɔyeli hewalɛ lɛ, tsuisalɔi kɛ yibulɔi ni kɛji amɛmiiye gbɔmɛi agboi ahe osheku ni amɛhe kpokpooo;

Kpojiemɔ 10:3

Ni ebo kɛ gbee ni wa, tamɔ jata huuɔ; ni be ni eboɔ lɛ, nyɔŋmɔshiimɔi kpawo lɛ wo amɛgbei.