Hosea 10:8 - ŊMALƐ KRƆŊKRƆŊ LƐ

⁸ Betel gɔji lɛ ayiteiaŋ hei ni Israelbii lɛ jaa amãgãi yɛ ni amɛkɛgbo toi lɛ, aaakpãtã fɛɛ hiɛ. Ŋmei kɛ aŋlɛŋlɛi baakwɛ̃ yɛ afɔleshãa latɛi lɛ anɔ yɛ jɛi. Gbɔmɛi nɛɛ baabolɔ amɛkɛɛ gɔji lɛ akɛ, “Nyɛhaa wɔnɔ!” Ni amɛaakɛɛ gɔ̃ŋkpɔi lɛ hu akɛ, “Nyɛbashwiea wɔnɔ!”

Ṅmãle̱ Kroṅkroṅ Le̱

⁸ Ni aakpãtã Awen hei groṅṅi le̱ ní dši Israel be eša le̱ ahĩe; ṅmei ke̱ *aṅlẽ-ṅlẽi aakwẽ ye̱ ame̱fo̱lešãlate̱i le̱ ano̱, ni †ame̱akē̱ gkišl le̱ ake̱: Nyehaä wo̱no̱! ke̱ goṅkpo̱i le̱ hũ ake̱: Nyebagbēa wo̱no̱! *9,6. †Luk. 23,30. Kpods. 6,16.

Hosea 10:8 ပူးပေါင်းရင်းမြစ်များ

1 Mose 3:8

Amɛnu Nuŋtsɔ Nyɔŋmɔ he ni enyiɛ trom lɛ mli be ni gbɛkɛnaashi kɔɔyɔɔ shwie lɛ; ni Adam kɛ eŋa lɛ tee amɛhe yɛ trom lɛ mli tsei lɛ ateŋ koni Nuŋtsɔ Nyɔŋmɔ akana amɛ.

1 Maŋtsɛmɛi 13:2

Yɛ Yehowa famɔ naa lɛ, gbalɔ lɛ gba eshi afɔleshãa latɛ lɛ, ni ekɛɛ akɛ, Bɔ ni Yehowa kɛɛ nɛ, “Ao afɔleshãa latɛ, afɔleshãa latɛ, naa, abaafɔ binuu ko yɛ David we lɛ, ni aaatsɛ egbɛi Yosia. Lɛ ebaagbe osɔfoi ni shãa afɔlei yɛ onɔ lɛ, ni gbɔmɛi awui tete lɛ eeeshã yɛ onɔ.”

1 Maŋtsɛmɛi 13:34

Nɛkɛ enifeemɔ nɛɛ batsɔ̃ esha kpele ehã Yeroboam we lɛ. Enɛ ji nɔ ni hã emaŋtsɛyeli lɛ gbee shi.

1 Maŋtsɛmɛi 14:16

Yehowa baakwa Israel yɛ eshai ni Yeroboam fee lɛ hewɔ, yɛ eshai ni ekɛhã Israel fɛɛ fee lɛ hewɔ.”

2 Maŋtsɛmɛi 23:15

Asaŋ afɔleshãa latɛ ni yɔɔ Betel jamɔhe grɔŋŋ lɛ ni Nebat bi Yeroboam ni hã Israel fee esha lɛ fee lɛ, nakai afɔleshãa latɛ lɛ kɛ jamɔhei grɔŋŋi lɛ fɛɛ lɛ Yosia kumɔ shwie shi. Eshã jamɔhe grɔŋŋ lɛ, ni eshimɔ lɛ mɔnyɔmɔnyɔ, ni eshã Ashera amãgã lɛ hu.

2 Kronika 31:1

Be ni agbe gbijurɔ lɛ yeli naa lɛ, Israelbii fɛɛ ni baye gbijurɔ lɛ teetee Yuda kɛ Benyamin maji lɛ amli, ni amɛyakumɔ jemawɔji amãgãi lɛ fɛɛ, ni amɛgba Asherim jemawɔŋ lɛ koi lɛ fɛɛ, ni amɛfitefitee hei grɔŋgrɔŋŋ ni ajaa jemawɔji yɛ lɛ fɛɛ, kɛ afɔleshãa latɛi fɛɛ ni yɔɔ jɛi lɛ hu. Amɛyafite nibii nɛɛ ahenɔi fɛɛ ni yɔɔ Efraim kɛ Manase hu fɛɛ kɛyashi eshwɛɛɛ ekome folo. Kɛkɛ ni Israelbii lɛ fɛɛ hu ku amɛsɛɛ kɛtee amɛkutsei ashikpɔji lɛ anɔ, ni mɔ fɛɛ mɔ tee ewe.

Yesaia 2:19

Gbi nɔ ni Yehowa aaaba ebahoso shikpɔŋ lɛ, gbɔmɛi baabote tɛsaa tɛkploi kɛ shikpɔŋ bui amli koni amɛtee amɛhe yɛ Yehowa he gbeyei kɛ egbojee anunyam lɛ hewɔ.

Yesaia 2:21

Amɛbaaya amɛyabote tɛkploi kɛ tɛsaa amli fɔji amli bɔ ni afee ni amɛnyɛ amɛjo foi yɛ Yehowa he gbeyei kɛ egbojee anunyam lɛ naa be ni Yehowa aaate shi ebahoso shikpɔŋ lɛ.

Yesaia 32:13

yɛ ŋmei kɛ kpitikpiti ni aaakwɛ̃ yɛ mimaŋbii lɛ ashikpɔŋ lɛ nɔ lɛ hewɔ. Hɛɛ! Yɛ shĩai ni eyimɔ kɛ miishɛɛ kɛ maji ni miishɛɛ yɔɔ mli lɛ lɛ ahewɔ.

Yesaia 34:13

Ŋmei kɛ sansrɔ kɛ aŋlɛŋlɛ fɛɛ aaakwɛ̃kwɛ̃ɛ yɛ amɛmɔji lɛ kɛ amɛmaji ni atswa gbogbo awo amɛhe lɛ amli. Jɛi aaatsɔ̃ ŋaŋgbei ashihilɛhe kɛ dugumai hu ahilɛhe.

Hosea 10:2

Amɛyeee anɔkwa, ni no hewɔ lɛ, agbɛnɛ, amɛbaana he nyɔmɔwoo. Yehowa baakumɔ amɛfɔleshãa latɛi lɛ eshwie shi, ni ebaafite amɛshiui lɛ.

Hosea 10:5

Samaria maŋ bii lɛ aaashe gbeyei, ni amɛbaaye ŋkɔmɔ yɛ Bet-Aven shika tsinabi lɛ hewɔ. Amɛ kɛ wulɔmɛi lɛ ni jaa tsinabi lɛ baawo yara amɛfo yɛ enyam ni afo sɛɛ lɛ hewɔ.

Hosea 10:9

Yehowa kɛɛ akɛ, “Israel, ofee esha kɛjɛ Gibea esha lɛ nɔ beebe, ni ohiɛ esha lɛ mli oofee lolo. Mɛni hewɔ esaaa akɛ ta ni afã ashi nɔshafeelɔi lɛ ninaa bo yɛ Gibea?

Hosea 2:6

No hewɔ lɛ, agbɛnɛ mikɛ ŋmei baafo ehe afabaŋ, ni matswa gbogbo kɛsa eyi koni matsi lɛ gbɛ.

Hosea 4:13

Amɛshã afɔlei yɛ gɔji lɛ ayiteiaŋ, ni amɛshã tsofakɛŋma yɛ gɔ̃ŋkpɔi lɛ anɔ; amɛshã yɛ odum kɛ onyai kɛ papao tsei ashishi, ejaakɛ tsei lɛ ahɔ̃ɔŋ lɛ mli hi. “Enɛ hewɔ ni nyɛbiyei lɛ bɔɔ ajwamãŋ, ni nyɛbihii aŋamɛi lɛ fiteɔ gbãlã lɛ.

Hosea 4:15

“Kɛji nyɛ, Israelbii, yeee mi anɔkwa yɛ mi jamɔ mli lɛ, nakai su lɛ akabala Yuda hu. Nyɛkayaa Gilgal, ni nyɛkayaa Bet-Aven hu nyɛyajaa; ni nyɛkɛ Yehowa gbɛi lɛ akakãa kitã akɛ ‘Gbii abɔ ni Yehowa ji Nyɔŋmɔ hiɛkãalɔ nɛɛ!’

Hosea 5:8

“Akpã ta tɛtɛrɛmantɛrɛ yɛ Gibea! Akpã koofɛŋ lɛ yɛ Rama! Abɔ oshe yɛ Bet-Aven! Ohe akpokpo, Benyamin!

Hosea 8:5

Mitaooo tsinabi ni ajaa yɛ Samaria maŋ lɛ mli lɛ kwrakwra. Mimli ewo amɛ la naakpa. Mɛɛ beyinɔ po amɛaaba amɛjeŋ jogbaŋŋ yɛ Israel?

Hosea 9:6

Ejaakɛ amɛbaashi kɛya Asiria, ni Ijipt aaabua amɛgbohii lɛ anaa ni aaafu amɛ yɛ Memfis. Hei ni amɛkɛ amɛjwiɛtɛi nibii fɛɛfɛji lɛ toɔ lɛ amli baatsa kɛ sɔ̃nsɔ̃rɔ̃i, ni ŋmeitsei hu aaatsa yɛ amɛshĩai amli.

Amos 1:5

Mibakumɔ Damasko maŋ lɛ naa agboi lɛ mashwie shi; mibaplene Aven Jɔɔ lɛ mli gbɔmɛi lɛ kɛ lumɔ ni yeɔ Bet-eden nɔ lɛ hu, ni mibaŋɔ Siria shikpɔŋ lɛ nɔ bii lɛ anom kɛya Kir shikpɔŋ lɛ nɔ. Yehowa ni kɛɛ.”

Amos 3:14

akɛ, gbi nɔ ni mibagbala Israelbii atoi yɛ amɛtoigbele hewɔ lɛ, mibakpãtã Betel afɔleshãa latɛi lɛ hu ahiɛ. Abaakumɔ akloŋtoi ni yɔɔ afɔleshãa latɛi nɛɛ akoji lɛ ashwie shi.

Amos 7:9

Hei ni Isak shwie lɛ jaa yɛ lɛ baatsɔ̃mɔ amaŋfɔ̃, ni hei ni Israelbii jaa yɛ lɛ hu baafee koikoi; ni mibafã ta mawo Yeroboam we lɛ.”

Amos 8:14

ni mɛi ni kɛ Samaria jemawɔji lɛ kãa kitã amɛkɛɔ akɛ, ‘Mina Dan jemawɔŋ lɛ,’ loo ‘Mina Beersheba jemawɔŋ lɛ,’ amɛbaanyɔnyɔi.”

Mika 1:13

Nyɛ Lakishbii, nyɛfimɔa shwiilii nyɛkpɛtɛa okpɔŋɔi ni he yɔɔ oya ahe. Israel eshai lɛ nyɛkase feemɔ, ni nyɛkɛhã Yerusalɛm efee esha.

Mika 1:5

Enɛɛmɛi fɛɛ baaba yɛ esha ni Israelbii efee eshi Nyɔŋmɔ kɛ ehiɛ atua ni amɛtse lɛ hewɔ. Israelbii atuatsemɔ lɛ, namɔ ejɛ? Ani jeee Samaria, maŋtsɛmaŋ lɛ? Wɔŋjamɔ ni yɔɔ Yuda lɛ, namɔ ejɛ? Ani jeee Yerusalɛm?

Nahum 3:11

Nineve, nakai bo hu obaatɔ dãa, ni ohiɛ baaha; ni obaatao abobaahe kɛjo ohenyɛlɔ lɛ naa foi.

Luka 23:30

No mli lɛ amɛaabɔ̃i gɔji lɛ akɛɛmɔ akɛ, ‘Nyɛbagbea wɔnɔ!’ Kɛ gɔ̃ŋkpɔi lɛ hu akɛ, ‘Nyɛbahaa wɔnɔ!’

5 Mose 9:21

Kɛkɛ ni miwo tsina amãgã ni nyɛshwie lɛ, nɔ ni nyɛkɛtɔ̃ Yehowa nɔ lɛ, ni mishã, ni fee sɛɛ lɛ mishimɔ, ni miwiɛ lɛ kɛyashi efee munyɔmunyɔ tamɔ mlu, ni mitsi mlu nɛɛ mishwie faa ni jɛɔ gɔŋ lɛ nɔ hoɔ lɛ mli.

Kpojiemɔ 6:16

ni amɛkɛɛ gɔji lɛ kɛ tɛsai lɛ akɛ, “Nyɛbagbea wɔnɔ ni nyɛtea wɔnɔ ni wɔkana mɔ ni ta maŋtsɛ sɛ̃i lɛ nɔ lɛ hiɛ kɛ Toobi lɛ mlifu lɛ!

Kpojiemɔ 9:6

Ni nakai gbii lɛ amli lɛ gbɔmɛi aaatao gbele, shi amɛnaŋ, ni amɛaashwe ni amɛgboi, shi gbele aaajo amɛnaa foi.