Hosea 10:5 - ŊMALƐ KRƆŊKRƆŊ LƐ

⁵ Samaria maŋ bii lɛ aaashe gbeyei, ni amɛbaaye ŋkɔmɔ yɛ Bet-Aven shika tsinabi lɛ hewɔ. Amɛ kɛ wulɔmɛi lɛ ni jaa tsinabi lɛ baawo yara amɛfo yɛ enyam ni afo sɛɛ lɛ hewɔ.

Ṅmãle̱ Kroṅkroṅ Le̱

⁵ *Bet-Awen tšinabii le̱ ahewo̱ le̱ Samariabii le̱ atšui aaye, edšake̱ emaṅ le̱ aaye ṅko̱mo̱ ye̱ ehewo̱, ni ewulo̱mei le̱ ahe aakpokpo ye̱ ehewo̱, ye̱ anumnyam le̱ hewo̱, edšake̱ edše ehe ete. *K. 16. Y. 4,15

Hosea 10:5 ပူးပေါင်းရင်းမြစ်များ

2 Maŋtsɛmɛi 10:29

Shi Yehu efɔ̃ɔɔ tsinabi amãgã ni Yeroboam, Nebal bi lɛ, kɛma Betel kɛ Dan, ni ekɛtɔ̃tɔ̃ Israel nane lɛ jamɔ.

2 Maŋtsɛmɛi 17:16

Ni amɛkwa Yehowa amɛNyɔŋmɔ lɛ kitãi lɛ, ni amɛfee shika tsinabii enyɔ amãgã amɛhã amɛhe. Amɛfee Ashera amãgã, ni amɛja ŋulamii, ni amɛsɔ̃mɔ Baal.

2 Maŋtsɛmɛi 23:5

Maŋtsɛ Yosia shwie wulɔmɛi lɛ ni Yuda maŋtsɛmɛi lɛ eto ni amɛshãa tsofakɛŋma yɛ jamɔhei grɔŋŋi lɛ yɛ Yuda maji lɛ amli kɛ hei ni bɔle Yerusalɛm kpula lɛ. Eshwie mɛi hu ni shãa tsofakɛŋma amɛhãa Baal kɛ hulu kɛ nyɔɔŋtsere kɛ ŋwɛi ŋulamii lɛ.

2 Kronika 11:15

Yeroboam wo lɛ diɛŋtsɛ esɔfoi koni amɛsɔmɔ yɛ wɔji ajamɔhei lɛ kɛ tsinabi amãgãi ni efee lɛ.

2 Kronika 13:8

Ŋmɛnɛ lɛ nyɛ hu nyɛte shi kɛmiishi hewalɛ ni Yehowa ejɔɔ nɔ ehã David shwiei lɛ ejaakɛ nyɛyi fa, ni asaŋ nyɛhiɛ shika tsinabii lɛ ni Yeroboam fee hã nyɛ akɛ nyɛnyɔŋmɔi lɛ.

Yesaia 46:2

Amãgãi lɛ kotokotoo shi amɛ fɛɛ amɛmamɔmamɔɔ amɛhiɛ shi; amɛnyɛɛɛ amɛhe amɛfɛne, ni aŋɔ amɛ nom kɛmiiya.

Hosea 13:2

Amɛkã he amɛmiifee esha lɛ lolo kɛbashi ŋmɛnɛ ejaakɛ amɛkɛ amɛjwiɛtɛii yahãa ŋaalɔi, ni amɛhãa akɛ jwiɛtɛi lɛ shwieɔ amãgãi kɛ wɔji ahãa amɛ. Kɛkɛ lɛ amɛkɛɔ akɛ, “Ashã afɔle ahã amɛ!” Mɛi ni yashãa afɔlei lɛ shwɔɔ tsinabi amãgãi lɛ anaa.

Hosea 4:15

“Kɛji nyɛ, Israelbii, yeee mi anɔkwa yɛ mi jamɔ mli lɛ, nakai su lɛ akabala Yuda hu. Nyɛkayaa Gilgal, ni nyɛkayaa Bet-Aven hu nyɛyajaa; ni nyɛkɛ Yehowa gbɛi lɛ akakãa kitã akɛ ‘Gbii abɔ ni Yehowa ji Nyɔŋmɔ hiɛkãalɔ nɛɛ!’

Hosea 5:8

“Akpã ta tɛtɛrɛmantɛrɛ yɛ Gibea! Akpã koofɛŋ lɛ yɛ Rama! Abɔ oshe yɛ Bet-Aven! Ohe akpokpo, Benyamin!

Hosea 9:1

Israel, omli akafili bo, ni kaanya tamɔ wɔŋjalɔi lɛ. Ejaakɛ bo lɛ oje oNyɔŋmɔ lɛ sɛɛ, ni oyeee lɛ anɔkwa. Ohɔ̃ɔ ohe tamɔ ajwamãŋ yɛ he fɛɛ he ohã jemawɔŋ Baal lɛ, ejaakɛ osusuɔ akɛ no hãa anaa abele lɛ.

Hosea 9:11

Israel agbojee sɛɛ aaafo tamɔ loofɔlɔ filikiɔ lɛ. Afɔŋ bi dɔŋŋ lɛ, ahiɛŋ musu dɔŋŋ, asaŋ anaŋ musu tete dɔŋŋ yɛ amɛteŋ.

Amos 3:14

akɛ, gbi nɔ ni mibagbala Israelbii atoi yɛ amɛtoigbele hewɔ lɛ, mibakpãtã Betel afɔleshãa latɛi lɛ hu ahiɛ. Abaakumɔ akloŋtoi ni yɔɔ afɔleshãa latɛi nɛɛ akoji lɛ ashwie shi.

Zefania 1:4

“Mibagbala gbɔmɛi ni yɔɔ Yerusalɛm kɛ Yuda shikpɔŋ lɛ nɔ lɛ fɛɛ atoi. Mibafã Baal jamɔ shishi fɛɛ yɛ shikpɔŋ nɛɛ nɔ, ni akaiŋ wulɔmɛi ni sɔ̃mɔɔ jemawɔji lɛ dɔŋŋ.

Bɔfoi 19:27

Miishe gbeyei akɛ, jeee wɔnitsumɔ nɛɛ kɛkɛ he guɔ baagbo, shi moŋ nyɔŋmɔyoo Artemi kekenam lɛ Sɔlemɔ we lɛ hu abuŋ lɛ ahaŋ nɔ ko nɔ ko, ni enunyam kpeteŋkple lɛ ni Asia kɛ jeŋ muu lɛ fɛɛ hu jaa lɛ baabutu.”

Yoshua 7:2

Kɛkɛ ni Yoshua tsu hii kɛjɛ Yeriko koni amɛya Ai maŋ lɛ ni yɔɔ Betaven masɛi yɛ Betel bokãgbɛ lɛ. Ni ekɛɛ amɛ akɛ, “Nyɛyaa ni nyɛyasaraa shikpɔŋ lɛ nyɛkwɛa.” Hii nɛɛ tee ni amɛyasara Ai,

Kojolɔi 18:24

Mika to he akɛ, “Nyɛŋɔ minyɔŋmɔi lɛ ni mifee lɛ kɛ osɔfo lɛ, kɛmiiya; mɛni eshwɛ mi dɔŋŋ? Te feɔ tɛŋŋ ni nyɛbiɔ mi akɛ, ‘Mɛni feɔ bo’ lɛ?”