Hosea 10:4 - ŊMALƐ KRƆŊKRƆŊ LƐ

⁴ Amɛwieɔ huu kɛkɛ ni amɛleee nɔ ni amɛwieɔ lɛ. Amɛwoɔ shi babaoo ni amɛle akɛ amɛyeŋ nɔ, ni amɛkpãŋɔ kpãŋmɔi yaka ni sɛɛnamɔ bɛ he. No hewɔ lɛ, toigbalamɔ baatsɔ̃ tamɔ ebɔɔ ŋmei ni efɛ̃ shi yɛ ŋmɔshi akofii anɔ ahã amɛ.

Ṅmãle̱ Kroṅkroṅ Le̱

⁴ Ame̱wie wiemo̱i, ame̱kãmo̱ amale kitãi ame̱ke̱-kpãṅ kpãṅmo̱i; nohewo̱ le̱ kodšomo̱ kwẽ tamo̱ ṅkonyobii ye̱ ṅmõši akofii le̱ ano̱.

Hosea 10:4 ပူးပေါင်းရင်းမြစ်များ

Yesaia 5:7

Israel ji Yehowa, Taiatsɛ lɛ, waintrom lɛ, ni Yudabii lɛ ji waintsei kpakpai ni etɛo lɛ; ni ekwɛ jalɛ saneyeli gbɛ ni naa lashishwiemɔ moŋ ena, ni yɛ ekpakpafeemɔ najiaŋ lɛ, yaafo moŋ afo!

Hosea 4:2

Nɔ ni eshwɛ amɛ pɛ ji kitãkãmɔ kɛ amale kɛ mɔgbee kɛ juu kɛ gbãlãfitemɔ; amɛkuɔ mla fɛɛ mla mli, ni amɛshwieɔ lá shi ni eko nyiɛ eko sɛɛ.

Hosea 6:7

“Shi amɛ lɛ amɛtɔ̃ kpãŋmɔ lɛ nɔ tamɔ bɔ ni Adam fee lɛ, ni amɛyeee mi anɔkwa.

Amos 5:7

Kpoo hã nyɛ, nyɛ mɛi ni jalɛ saneyeli joɔ hãa nyɛ tamɔ taatso, nyɛ mɛi ni nyɛkɛ jalɛ saneyeli shwishwia shikpɔŋ!

Amos 6:12

Ani okpɔŋɔ joɔ foi yɛ tɛsaa nɔ, aloo akɛ tsinahii huɔ yɛ ŋshɔ mli? Shi nyɛhã jalɛ etsɔ̃ ebɔɔ, ni jalɛ yibii etsɔ̃ taatso.

Bɔfoi 8:23

Ejaakɛ mina akɛ hiɛkɔ̃ɔ eyi bo obɔ̃ tamɔ kɔlikɔ joomɔ ni nɔ̃ sha kpãa lɛ mli oyɔɔ nɛɛ.”

Romabii 1:31

mɛi ni bɛ henilee, kpãŋmɔ mli kulɔi, mɛi ni edɔɔɔ mɔ he, mɛi ni enaaa mɔbɔ.

5 Mose 29:18

Nyɛkwɛa jogbaŋŋ koni nyɛteŋ nuu ko loo yoo ko loo weku ko loo akutso ko yiŋ akatsɔ̃ ŋmɛnɛ ni ekpale yɛ Yehowa, wɔNyɔŋmɔ lɛ sɛɛ, ni etee eyaja nakai maji lɛ anyɔŋmɔi lɛ; no lɛ nakai mɔ lɛ aaatsɔ̃ tamɔ tso shishifã ni woɔ tsoyibii ni joɔ kɛ emli ebɔɔ yɛ nyɛteŋ.

5 Mose 31:16

Kɛkɛ ni Yehowa kɛɛ Mose akɛ, “Naa, eshwɛ fioo ni obaagbo, ni ogbele sɛɛ lɛ maŋ nɛɛ baakwa mi, ni amɛbaaja nyɔŋmɔi krokomɛi ni amɛyaanina yɛ shikpɔŋ ni amɛyaa nɔ lɛ nɔ lɛ. Amɛbaakwa mi, ni amɛaaku kpãŋmɔ ni mi kɛ amɛ ekpãŋ lɛ mli.

5 Mose 31:17

Kɛji eba mli nakai lɛ mimli aaawo amɛ la yɛ nakai be lɛ mli; ni mibakwa amɛ, ni mifeŋ amɛ ejurɔ, ni aaaye amɛnɔ. Saji fɔ̃ji babaoo kɛ haomɔi baaba amɛnɔ, ni ebaahã amɛbi yɛ nakai be lɛ mli akɛ, ‘Kwɛɛ jeee Yehowa, wɔNyɔŋmɔ lɛ, ni bɛ wɔteŋ dɔŋŋ lɛ hewɔ ni nɛkɛ nifɔɔjianii nɛɛ eba wɔnɔ nɛɛ?’

2 Timoteo 3:3

mɛi ni edɔɔɔ mɔ he, kpãŋmɔmlikulɔi, oshekuyelɔi, mɛi ni nyɛɛɛ amɛkɔnɔ nɔ amɛye, mɛi ni hiɛ yɔɔ la, mɛi ni sumɔɔɔ ekpakpa,

Hebribii 12:15

Ni nyɛkwɛa ni ahia, koni mɔ ko akaŋmɛɛ Nyɔŋmɔ dromɔ lɛ he; koni shishifã kɛ joomɔ ko akakwɛ̃ ni ehao nyɛ ni akɛbule mɛi pii.