Hosea 10:3 - ŊMALƐ KRƆŊKRƆŊ LƐ

³ Agbɛnɛ amɛaakɛɛ akɛ, “Wɔbɛ maŋtsɛ ejaakɛ wɔsheee Yehowa gbeyei. Shi kɛji wɔyɛ maŋtsɛ po lɛ mɛni ebaanyɛ efee ehã wɔ?”

Ṅmãle̱ Kroṅkroṅ Le̱

³ Edšake̱ agbe̱ne̱ ame̱akē̱ ake̱; Wo̱be̱ maṅtše̱, edšake̱ wo̱šee Iehowa gbeyei; ni meni maṅtše̱ bafe ehãwo̱?

Hosea 10:3 ပူးပေါင်းရင်းမြစ်များ

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

2 Maŋtsɛmɛi 15:13

Yabesh bi Shalum baye maŋtsɛ yɛ Israel. Yuda maŋtsɛ Azaria yinɔ afi ni ji nyɔŋmai etɛ̃ kɛ nɛɛhu lɛ nɔ; ni eye maŋtsɛ nyɔŋ kome yɛ Samaria.

Lalai 118:9

Ehi akɛ abaa Yehowa abo, fe nɔ ni akɛ hiɛ aaafɔ̃ abladei anɔ.

Lalai 12:4

mɛi hu ni kɛɔ akɛ, “Wɔkɛ wɔlilɛi aaana nɔ ni wɔtaoɔ. Wɔnaabui lɛ wɔ diɛŋtsɛ wɔnɔ ni. Namɔ yeɔ wɔnɔ Nuŋtsɔ?”

Yesaia 5:19

Amɛkɛɔ akɛ, “Yehowa he afee oya; nɔ ni eto akɛ ebaafee lɛ, efee koni wɔkwɛ. Ha ni Israel Mɔ Krɔŋkrɔŋ Koome lɛ yiŋ ni eto lɛ abɛŋkɛ wɔ ni aba mli koni wɔle.”

Hosea 10:15

Nakai nɔ ko pɛpɛɛpɛ baaba nyɛnɔ, nyɛ Betelbii. Efɔŋ kpeteŋkple ni nyɛfee lɛ hewɔ lɛ nyɛmaŋtsɛ baagbo leebi maŋkpa.”

Hosea 10:7

Samaria maŋtsɛ aaatsɔ̃ tamɔ tso kuku ni kplaŋɔ yɛ faa hiɛ.

Hosea 11:5

“Amɛaaku amɛsɛɛ kɛaatee Ijipt shikpɔŋ lɛ nɔ, ni Asiria aaaye amɛnɔ, ejaakɛ amɛkpɛlɛ̃ɛɛ akɛ amɛkpaleɔ kɛbaa miŋɔɔ.

Hosea 13:10

Nɛgbɛ omaŋtsɛ lɛ yɔɔ koni ehere oyiwala; aloo nɛgbɛ nyɛlumɛi lɛ ni baafã nyɛhe lɛ yɔɔ, mɛi ahewɔ ni nyɛbi akɛ, ‘Ahã wɔ maŋtsɛ kɛ lumɛi lɛ?’

Hosea 13:11

Mihã nyɛ maŋtsɛmɛi, shi yɛ mlifu naa; ni miŋɔ amɛ kɛtee yɛ mlila naa.

Hosea 3:4

Ejaakɛ nakai pɛ Israel baahi shi gbii pii ni amɛbɛ maŋtsɛ lɛ, amɛbɛ lumɛi hu; asaŋ amɛshãaa afɔle; ni amɛbɛ shiu lɛ amɛbɛ efod kɛ terafim hu ni akɛbiɔ nii.

Mika 4:9

Mɛɛba obolɔɔ? Mɛɛba okɛ̃mɔɔ tamɔ yoo ni baafɔ? Maŋtsɛ ni obɛ hewɔ ni, aloo oŋaawolɔ ni egbo hewɔ ni?

Yohane 19:15

Shi amɛ lɛ amɛbolɔ amɛkɛɛ, “Okɛ lɛ aya, okɛ lɛ aya! Sɛŋmɔ lɛ!” Pilato bi amɛ akɛ, “Nyɛmaŋtsɛ lɛ, misɛŋ lɛ lo?” Osɔfonukpai lɛ here nɔ akɛ, “Wɔbɛ maŋtsɛ ko akɛ ja Kaisare.”

1 Samuel 12:25

Shi naa, kɛji nyɛkã he nyɛfee nifɔɔjianii lɛ, no lɛ aaabɛɛ nyɛ kɛ nyɛmaŋtsɛ lɛ fɛɛ ashwie.”