Hosea 10:2 - ŊMALƐ KRƆŊKRƆŊ LƐ

² Amɛyeee anɔkwa, ni no hewɔ lɛ, agbɛnɛ, amɛbaana he nyɔmɔwoo. Yehowa baakumɔ amɛfɔleshãa latɛi lɛ eshwie shi, ni ebaafite amɛshiui lɛ.

Ṅmãle̱ Kroṅkroṅ Le̱

² Adša ame̱tšui mli; agbe̱ne̱ ame̱ana he nõ. Eewule ame̱fo̱lešãlate̱ĩ le̱ eſie ši, ni esā eekpãtã ame̱mãgãi le̱ ahĩe.

Hosea 10:2 ပူးပေါင်းရင်းမြစ်များ

1 Maŋtsɛmɛi 18:21

Kɛkɛ ni Elia tsi ebɛŋkɛ asafo muu ni ewo shi lɛ, ni ekɛɛ akɛ, “Mɛɛ beyinɔ nɔŋŋ nyɛyiŋ aaafee nyɛ enyɔnyɔɔnyɔ kɛyashi yɛ saji enyɔ nɛɛ ahe? Kɛji Yehowa ji Nyɔŋmɔ lɛ, nyɛjaa lɛ, ni kɛji Baal ji Nyɔŋmɔ lɛ nyɛjaa lɛ.” Shi maŋbii lɛ ateŋ mɔ ko mɔ ko etswaaa esɛŋ.

2 Mose 23:24

Nyɛkajaa ni nyɛkasɔ̃mɔa amɛnyɔŋmɔi lɛ, asaŋ nyɛkakasea gbɔmɛi nɛɛ anifeemɔ nii hu, shi moŋ nyɛbutua amɛnyɔŋmɔi lɛ, ni nyɛkumɔa amɛshiui lɛ butubutu nyɛshwiea shi.

Abe̱i 11:18

Mɔ fɔŋ naa shishiumɔ mli nyɔmɔwoo; shi mɔ ni feɔ jalɛ nii lɛ enaa anɔkwale mli nyɔmɔwoo.

Yesaia 44:18

Amɛleee nii, asaŋ amɛkɔɔɔ sane sɛɛ hu, ejaakɛ amɛhiŋmɛii eshwila ni amɛnaaa nii; ni amɛjwɛŋmɔi anaa eŋamɔ hu, ni amɛnuuu nii ashishi.

Yeremia 43:13

Eeekumɔ shiui ni akɛ tɛi nsuji wuji mamɔ yɛ Ijipt shikpɔŋ lɛ nɔ nyɔŋmɔi lɛ awei lɛ hu.”

Ezekiel 14:5

bɔ ni afee ni matsake Israelbii lɛ atsui, ejaakɛ amɛtsɔ̃ amɛmãgãi lɛ anɔ amɛtse amɛhe kɛje mihe.

Hosea 12:11

Shi kɛ̃lɛ aaja amãgãi yɛ Gilead; shi mɛi fɛɛ ni jaa amɛ lɛ aaagboi. Aagbe tsinai akɛmiishã afɔle yɛ Gilgal; shi afɔleshãa latɛi nɛɛ baatsɔ̃mɔ tɛi kuikui kɛkɛ yɛ amɛŋmɔjiashi akofii lɛ ateŋ.”

Hosea 13:16

Samaria yi sɔ̃ lɛ baatere lɛ diɛŋtsɛ; emli bii lɛ ahiɛ aaakpãtã yɛ ta mli, akɛ emli abifabii lɛ aaatswiatswia shi; ni aaagbala amɛyeihɔlɔi lɛ amli.”

Hosea 3:4

Ejaakɛ nakai pɛ Israel baahi shi gbii pii ni amɛbɛ maŋtsɛ lɛ, amɛbɛ lumɛi hu; asaŋ amɛshãaa afɔle; ni amɛbɛ shiu lɛ amɛbɛ efod kɛ terafim hu ni akɛbiɔ nii.

Hosea 7:8

Yehowa kɛɛ, “Bɔ ni Israel kɛ ehe fufuaa maŋsɛɛ maji anɔbii lɛ, ehã etsɔ̃ tamɔ aboloo ni ebe fã kɛ fã.

3 Mose 26:30

Mibafite hei ni nyɛjaa yɛ, yɛ gɔji lɛ anɔ, kɛ ohɛ afɔleshãa latɛi lɛ; ni mibashɛrɛ nyɛgbohii lɛ mashwie nyɛmãgãi ni akumɔ ashwie shi lɛ anɔ.

Mika 5:13

Mafite omãgãi lɛ kɛ owɔŋtɛi lɛ, ni ojaŋ nibii ni okɛ oniji fee lɛ dɔŋŋ.

Zefania 1:5

Mibakpãtã mɛi fɛɛ ni kwɔɔ kɛyaa tsui ayiteiaŋ amɛyajaa hulu kɛ nyɔɔŋtsere kɛ ŋulamii yɛ jɛi lɛ ahiɛ. Mibakpãtã mɛi hu ni kotoɔ Yehowa lɛ, ni amɛkãa lɛ kitã akɛ amɛbaaye lɛ anɔkwa, shi amɛkɛ jemawɔŋ Molek gbɛi lɛ kãa kitã ahiɛ.

Zakaria 13:2

Yehowa, Taiatsɛ lɛ tee nɔ ekɛɛ akɛ, “Nakai gbi lɛ nɔ lɛ mibagbe wɔji lɛ agbɛii kwraa yɛ shikpɔŋ lɛ nɔ, bɔ ni afee ni akakai amɛ dɔŋŋ; nakai nɔŋŋ majie gbalɔi lɛ kɛ mumɔi ni ahe tseee lɛ hu kɛje shikpɔŋ lɛ nɔ.

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.

Luka 16:13

Wenuu ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kome lɛ, aloo eeekpɛtɛ mɔ kome he, ni eeegbe mɔ kome lɛ he guɔ. Nyɛnyɛŋ Nyɔŋmɔ kɛ ninamɔ nyɛsɔ̃mɔ.”

Yakobo 1:8

jwɛŋmɔi enyɔnyɔɔnyɔtsɛ ko fiii shi yɛ egbɛ ko gbɛ ko nɔ.

Yakobo 4:4

Gbãlãfitelɔi! Nyɛleee akɛ naanyo ni akɛ je lɛ bɔɔ lɛ Nyɔŋmɔ nyɛɛ ni lo? No hewɔ lɛ, mɔ fɛɛ mɔ ni sumɔɔ akɛ ekɛ je lɛ abɔ naanyo lɛ etsɔ̃ Nyɔŋmɔ henyɛlɔ.

1 Yohane 2:15

Nyɛkasumɔa je lɛ loo nibii ni yɔɔ je lɛ mli. Kɛji mɔ ko miisumɔ je lɛ, belɛ Tsɛ lɛ suɔmɔ lɛ bɛ emli,

1 Samuel 5:4

Shi enɔ jetsɛremɔ leebi maaŋkpa be ni Ashdodbii lɛ te shi ekoŋŋ lɛ, naa, Dagon ekpa egbee shi ekoŋŋ, ni ehiɛ bu shikpɔŋ yɛ Yehowa Kpãŋmɔ Adeka lɛ hiɛ. Eyitso kɛ eniji enyɔ lɛ fɛɛ hu etserɛ yɛ ehe, ni amɛjwere kpoku lɛ nɔ. Dagon amãgã kuku lɛ kɛkɛ eshwɛ.