Hosea 10:14 - ŊMALƐ KRƆŊKRƆŊ LƐ

¹⁴ No hewɔ lɛ, ta aaabanina nyɛ, ni aaakpãtã nyɛmɔji lɛ fɛɛ ahiɛ tamɔ bɔ ni Maŋtsɛ Shalman kpãtã Bet-Arbel maŋ lɛ hiɛ yɛ ta mli, ni eplenee emli yeifɔyei kɛ amɛbii fɛɛ lɛ.

Ṅmãle̱ Kroṅkroṅ Le̱

¹⁴ Nohewo̱ le̱ blo̱mo̱ hō aate ši ye̱ omãdšĩmãdši le̱ amli, ni aakpãtã omõdši le̱ fē hĩe, take̱ bo̱ni Šalman kpãtã Bet-Arbel hĩe ye̱ ta-gbĩ le̱ no̱ le̱; atšere̱ nye le̱ mli aſie ebii le̱ ano̱!

Hosea 10:14 ပူးပေါင်းရင်းမြစ်များ

Hosea 13:16

Samaria yi sɔ̃ lɛ baatere lɛ diɛŋtsɛ; emli bii lɛ ahiɛ aaakpãtã yɛ ta mli, akɛ emli abifabii lɛ aaatswiatswia shi; ni aaagbala amɛyeihɔlɔi lɛ amli.”

Habakuk 1:10

Amɛyeɔ maŋtsɛmɛi ahe fɛo; ni lumɛi ahe feɔ amɛŋmɔlɔ. Mɔɔ ko mɔɔ ko shɔ̃mɔ waaa hãaa amɛ, ejaakɛ amɛtereɔ sũ amɛkɛbaa mɔɔ lɛ he kɛkɛ lɛ amɛshɔ̃.

Nahum 3:12

Omɔji lɛ, naa, amɛbaatsɔ̃mɔ agbãmitsei ni amɛklɛŋklɛŋ yibii etsu yɛ amɛnɔ. Hosomɔ nɛkɛ ni aaahoso tsei lɛ, yibii lɛ baakpala ashwie yelɔ lɛ daaŋ.

Nahum 3:10

Kɛ̃lɛ ana aŋɔ lɛ nom hu, ni akɛ emli bii abifabii tswiatswia shi, ni agbɛgbɛɛ amɛ ashwãshwãa gbɛjegbɛi lɛ atoii fɛɛ. Emli hiɛnaanɔmɛi lɛ, amɛhenyɛlɔi lɛ fɔ̃ amɛnɔ oshiki kɛja amɛ hã amɛhe, ni awo amɛ gboklɛ, ni akpala amɛ kɛtee nomŋɔɔ mli.

Amos 9:5

Nuŋtsɔ Nyɔŋmɔ lɛ, mɔ ni kɛ́ enine sa je lɛ he kɛkɛ lɛ je lɛ miihoso, ni emli gbɔmɛi fɛɛ yeɔ awerɛhoo, mɔ ni hãa je lɛ yiɔ ni ekpɔ̃ŋɔ tamɔ Nilo Faa lɛ,

Amos 3:8

Kɛji jata miihuu lɛ, namɔ sheee gbeyei? Kɛji Nuŋtsɔ Nyɔŋmɔ ewie lɛ, namɔ baakwa akɛ eshiɛɛɛ gbalɛ ni akɛhã lɛ lɛ?

Yeremia 48:41

ni ebaaŋɔ Moab maji ni ebaashɔ̃ emɔji lɛ. Ni nakai be lɛ Moab hii kãkãlɔi lɛ atsui aaatsɔ̃ tamɔ yoo ni miikɔmɔ tsui.

Yesaia 33:14

Eshafeelɔi ni yɔɔ Zion lɛ miishe gbeyei, ni mɛi ni sheee Nyɔŋmɔ gbeyei lɛ ahe miikpokpo. Amɛkɛɛmɔ ji, “Wɔteŋ namɔ baanyɛ la naa edamɔ kɛyashi naanɔ?”

Yesaia 17:3

Mɔɔ ko mɔɔ ko ni wa eshwɛŋ yɛ Israel shikpɔŋ lɛ nɔ, ni Damasko yeŋ maŋ ko maŋ ko nɔ dɔŋŋ; ni mɛi ni baashwɛ yɛ Siria lɛ ahiɛ aaashwie shi tamɔ Israel. Mi Yehowa, Taiatsɛ lɛ, mikɛɛ.”

2 Maŋtsɛmɛi 18:33

Ani jeŋmaji lɛ anyɔŋmɔi lɛ eko ehere eshikpɔŋ yiwala yɛ Asiria maŋtsɛ lɛ dɛŋ pɛŋ?

2 Maŋtsɛmɛi 17:16

Ni amɛkwa Yehowa amɛNyɔŋmɔ lɛ kitãi lɛ, ni amɛfee shika tsinabii enyɔ amãgã amɛhã amɛhe. Amɛfee Ashera amãgã, ni amɛja ŋulamii, ni amɛsɔ̃mɔ Baal.

1 Mose 32:11

Miikpa bo fai koni ojie mi yɛ Esau, minyɛmi lɛ, dɛŋ shi miishe lɛ gbeyei, koni ekaba ni ebatswia wɔ fɛɛ nii, mi kɛ nyɛmɛi lɛ kɛ bii lɛ.

Yeremia 13:14

Ni mibamɔmɔ tsɛmɛi kɛ bii fɛɛ mikɛtswiatswia amɛhe; ni mi, Yehowa, miikɛɛ akɛ minaŋ mɔbɔ, ni mikɔ̃ŋ mifiliŋ, ni mimusuŋ etsɔ̃ŋ mi akɛ mikpãtã amɛhiɛ.’ ”

2 Maŋtsɛmɛi 17:3

Asiria Maŋtsɛ Shalmaneser batua Israel, ni Hoshea tsɔ̃ Shalmaneser tsulɔ, ni daa afi lɛ Hoshea woɔ too ehãa lɛ.

Hosea 10:15

Nakai nɔ ko pɛpɛɛpɛ baaba nyɛnɔ, nyɛ Betelbii. Efɔŋ kpeteŋkple ni nyɛfee lɛ hewɔ lɛ nyɛmaŋtsɛ baagbo leebi maŋkpa.”

Amos 3:14

akɛ, gbi nɔ ni mibagbala Israelbii atoi yɛ amɛtoigbele hewɔ lɛ, mibakpãtã Betel afɔleshãa latɛi lɛ hu ahiɛ. Abaakumɔ akloŋtoi ni yɔɔ afɔleshãa latɛi nɛɛ akoji lɛ ashwie shi.

Mika 5:11

Mafite maji ni yɔɔ oshikpɔŋ lɛ nɔ lɛ, ni makumɔ mɔji ni buɔ ohe lɛ mashwie shi.