Hosea 10:10 - ŊMALƐ KRƆŊKRƆŊ LƐ

¹⁰ Mibate shi mawo toigbolɔi lɛ, ni mibagbala amɛtoi bɔ ni misumɔɔ. Maji baafee ekome awo Israelbii, ni abaagbala amɛtoi yɛ eshai enyɔ lɛ ni amɛfee lɛ ahewɔ.

Ṅmãle̱ Kroṅkroṅ Le̱

¹⁰ Magbla ame̱toi bo̱ni misumoo̱, ni aabua mãdšimãdši anā awoame̱, beni aafĩmo̱ame̱ akpe̱te̱ ame̱mlatõmo̱i enyo̱ le̱ ahe le̱.

Hosea 10:10 ပူးပေါင်းရင်းမြစ်များ

1 Maŋtsɛmɛi 12:28

No hewɔ lɛ, be ni maŋtsɛ lɛ ejwɛŋ sane lɛ he sɛɛ lɛ, efee shika tsinabii amãgãi enyɔ, ni ekɛɛ emaŋbii lɛ akɛ, “Shii abɔ ni nyɛyaa Yerusalɛm nyɛyajaa lɛ efa. Ao Israel, naa onyɔŋmɔi ni yajie bo kɛjɛ Ijipt shikpɔŋ lɛ nɔ lɛ!”

Hiob 39:10

Ani obaanyɛ owo tsinanuu kpãa ni etsa akofii, aloo eninɛ ŋmɔ yɛ jɔi amli kɛnyiɛ osɛɛ?

Yesaia 1:24

No hewɔ lɛ, nɔ ni Nuŋtsɔ Yehowa, Taiatsɛ, Israel Ofe Koome lɛ kɛɔ nɛ, “Mikɛ mimlifu lɛ baashãkã mihenyɛlɔi anɔ, ni mibatɔ mihe owele yɛ nyɛ, mihenyɛlɔi lɛ, anɔ.

Yeremia 15:6

Okwa mi, ni sɛɛsɛɛ kɛkɛ oyaa; no hewɔ ni miwo minine nɔ yɛ onɔ ni mikpãtã ohiɛ lɛ; ohe musuŋtsɔlɛ etɔ mi.

Yeremia 16:16

“Naa, miitsu koni ayaŋɔ wolɛimɛi pii abahã mi koni amɛbahɛ amɛ. No sɛɛ lɛ, mibatsu koni ayaŋɔ gbɔbilɔi abahã mi ni amɛbagbɔbi amɛ yɛ gɔji kɛ gɔ̃ŋkpɔi kɛ tɛkploi afɔji blublu amli.

Yeremia 21:4

“Nyɛyakɛa Maŋtsɛ Zedekia akɛ bɔ ni Yehowa, Israel Nyɔŋmɔ lɛ, kɛɛ nɛ, ‘Naa, mibakpãtã tawuunii ni nyɛhiɛ yɛ nyɛdɛŋ lɛ ahiɛ, tawuunii ni nyɛhiɛ ni nyɛkɛ Babilon maŋtsɛ lɛ kɛ etabilɔi Kaldeabii ni esa nyɛyi yɛ Yerusalɛm gbogboi lɛ asɛɛ lɛ wuɔ lɛ; mibabua fɛɛ naa kɛba maŋ lɛ teŋ.

Ezekiel 16:37

Enɛ hewɔ lɛ, naa, mabua osuɔlɔi ni okɛ amɛ ye ŋɔɔmɔ lɛ anaa, mɛi ni osumɔɔ kɛ mɛi ni osumɔɔɔ hu fɛɛ naa kɛkpe. Mabua amɛnaa kɛjɛ hei fɛɛ ni amɛyɔɔ mawo bo, ni majie oyayaiaŋ matsɔɔ amɛ, koni amɛna oyayaiaŋ fɛɛ.

Ezekiel 16:42

Ni maha mimli ni ewo bo la lɛ naa ajɔ, ni miyeŋ ohe awuŋã, mafee diŋŋ, ni mimli fuŋ bo dɔŋŋ.”

Ezekiel 23:46

Bɔ ni Nuŋtsɔ Yehowa kɛɛ nɛ, “Mahã asafo yuu abatua amɛ ni awo amɛhe gbeyei ní aha amɛ.

Ezekiel 23:9

No hewɔ lɛ, mitu lɛ miwo esuɔlɔi lɛ ni ji Asiriabii ni ehiɛ kɔ̃ amɛnɔ lɛ adɛŋ.

Ezekiel 5:13

Bɔ ni mimlifu naa aaawa ahã nɛ, ni mimli baawo amɛ la waa; ni matɔ mihe owele; koni amɛna amɛle akɛ mi, Yehowa, miwie yɛ miwuŋayeli naa, be ni mimli fu amɛ waa lɛ.

Hosea 10:9

Yehowa kɛɛ akɛ, “Israel, ofee esha kɛjɛ Gibea esha lɛ nɔ beebe, ni ohiɛ esha lɛ mli oofee lolo. Mɛni hewɔ esaaa akɛ ta ni afã ashi nɔshafeelɔi lɛ ninaa bo yɛ Gibea?

Hosea 4:19

Kɔɔyɔɔ fɔŋ ko baatswa amɛ waa, ni ebaahã amɛhiɛ agboi yɛ wɔŋjamɔ afɔleshãa hewɔ.”

Hosea 4:9

Magbala osɔfoi lɛ atoi tamɔ maŋbii lɛ nɔŋŋ yɛ amɛjeŋba hewɔ; mawo amɛnishaianii ni amɛfee lɛ he nyɔmɔ.

Hosea 8:1

Yehowa kɛɛ akɛ, “Kpã tɛtɛrɛmantɛrɛ lɛ okɛhɛle mɛi ashi. Henyɛlɔ miiba tamɔ okropɔŋ ebayi Yehowa we lɛ nɔ, ejaakɛ mimaŋbii lɛ eku mi kɛ amɛ kpãŋmɔ lɛ mli, ni amɛtɔ̃ mimla lɛ nɔ.

Hosea 8:10

Amɛbɔ majimaji apaa moŋ, shi agbɛnɛ mibabua amɛnaa kɛkpe, ni magbala amɛtoi. Biɛ be kukuoo mli lɛ amɛbaakpa maŋtsɛmɛi kɛ lumɛi too.

Mateo 22:7

Shi be ni maŋtsɛ lɛ nu lɛ, emli fu, ni etsu etabilɔi, ni amɛyagbe nɛkɛ gbɔmɔgbelɔi nɛɛ, ni ashã amɛmaŋ lɛ.

5 Mose 28:63

Bɔ ni Yehowa nya he akɛ efee nyɛ ejurɔ koni ehã nyɛyi afa lɛ, nakai nɔŋŋ eeenya he akɛ ekpãtã nyɛhiɛ koni efite nyɛ, ni aaashwie nyɛ kɛje shikpɔŋ ni nyɛyaa nyɛyaŋɔ lɛ nɔ.