Hosea 1:7 - ŊMALƐ KRƆŊKRƆŊ LƐ

⁷ Shi mimusuŋ aaatsɔ̃ mi yɛ Yuda he, ni mi Yehowa, amɛNyɔŋmɔ lɛ, mibahere amɛyiwala; shi moŋ mitsɔ̃ŋ gãi loo klante loo ta loo okpɔŋɔi loo tayaa okpɔŋɔnɔtalɔi anɔ mihereŋ amɛyiwala.”

Ṅmãle̱ Kroṅkroṅ Le̱

⁷ Ši mimũsũṅ aatšõmi ye̱ Iuda we le̱ he, ni matšṍ Iehowa, ame̱-Nyoṅmo̱ le̱, no̱ mahere ame̱yiwala; ši dšee gãi lo klante lo ta lo okpo̱ṅo̱i lo okpo̱ṅo̱i-atše̱mei mike̱-ahere ame̱yiwala.

Hosea 1:7 ပူးပေါင်းရင်းမြစ်များ

2 Maŋtsɛmɛi 19:29

Kɛkɛ Yehowa kɛɛ Hezekia akɛ, “Ni enɛ baafee okadi ahã bo. Afi nɛɛ mli lɛ nyɛaaye nii ni amɛ diɛŋtsɛ amɛkwɛ̃, ni afi ni ji enyɔ lɛ mli hu, nyɛaaye nii ni kwɛ̃ yɛ nomɛi asɛɛ lɛ; shi afi ni ji etɛ̃ lɛ mli lɛ, nyɛdua nii ni nyɛkpaa; ni nyɛfea waintromi hu ni nyɛyea emli yibii.

2 Maŋtsɛmɛi 19:34

Ejaakɛ mi diɛŋtsɛ mafã maŋ nɛɛ he, ni mahere eyiwala, yɛ mi diɛŋtsɛ mihiɛ nyam hewɔ, kɛ shi ni miwo mitsulɔ David lɛ hu hewɔ.’ ”

2 Maŋtsɛmɛi 19:35

Ni eba mli akɛ nakai gbi lɛ nɔ nɔŋŋ nyɔɔŋ lɛ, Yehowa bɔfo ko tee Asiria asraafoi lɛ ashitoohe lɛ mli, ni eyagbe asraafoi akpei oha kɛ nyɔŋmai kpaanyɔ kɛ enumɔ yɛ jɛi. Be ni je tsɛreɔ lɛ, naa amɛ ni amɛjwere shi ni amɛ fɛɛ amɛgboi.

2 Maŋtsɛmɛi 6:18

Be ni Siriabii lɛ kpeleke shi kɛba Elisha mɔmɔ lɛ, Elisha kpa Yehowa fai akɛ, “Ofainɛ, hã gbɔmɛi nɛɛ ashwi la!” Ni amɛshwi la yɛ Elisha sɔlemɔ lɛ naa.

Lalai 33:16

Jeee tabilɔi babaoo hãa maŋtsɛ yeɔ kunim; jeee tawulɔ ekãalɔ hewalɛ kpele lɛ hereɔ eyiwala.

Lalai 44:7

Shi moŋ bo ohere wɔyiwala yɛ wɔhenyɛlɔi adɛŋ, ni ohã mɛi ni he tsɛ̃ɔ wɔ lɛ ahiɛ gboi.

2 Mose 14:13

Ni Mose here Israelbii lɛ nɔ ekɛɛ, “Nyɛkashea gbeyei! Nyɛdamɔa shi shiŋŋ ni nyɛkwɛa nyɛyiwala ni Yehowa baahere ŋmɛnɛ nɛɛ. Ejaakɛ Ijiptbii ni nyɛnaa ŋmɛnɛ nɛɛ lɛ, nyɛnaŋ amɛ dɔŋŋ kɛaatee naanɔ.

2 Mose 14:30

Nakai gbi lɛ, bɔ ni Yehowa fee ehere Israelbii lɛ ayiwala kɛjɛ Ijiptbii adɛŋ nɛ, ni Israelbii lɛ na Ijiptbii lɛ jwere ŋshɔ lɛ naa ni amɛgboi.

Yesaia 12:2

Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

Yesaia 30:18

No hewɔ lɛ, Yehowa miimɛ koni eduro nyɛ, ni no hewɔ lɛ, efee kralo koni ena nyɛ mɔbɔ, ejaakɛ Yehowa lɛ Nyɔŋmɔ ni yeɔ jalɛ sane ni. Ajɔɔ mɛi fɛɛ ni hiɛ kã enɔ lɛ.”

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Yeremia 25:5

Amɛbakɛɛ nyɛ akɛ, ‘Nyɛteŋ mɔ fɛɛ mɔ akpa ejeŋba gbonyo kɛ enifeemɔnii gbohii lɛ, bɔ ni afee ni nyɛhi shikpɔŋ ni Yehowa kɛhã nyɛ kɛ nyɛtsɛmɛi lɛ kɛjɛ naanɔ aahu kɛmiiya naanɔ lɛ nɔ.

Yeremia 25:6

Nyɛkasɔ̃mɔa ni nyɛkajaa nyɔŋmɔi krokomɛi, asaŋ nyɛkɛ nyɛniji akafee amãgãi ni nyɛja amɛ nyɛkɛwo mimli la, ni mifee nyɛ efɔŋ.’

Hosea 1:8

Be ni Gomer etse ebi Lo-Ruhama fufɔ lɛ, esaa ena musu, ni efɔ binuu ekoŋŋ.

Hosea 11:12

Yehowa kɛɛ, “Israelbii ebɔle mihe kɛkpe kɛ amale kɛ mɔshishiumɔ, ni Yudabii kã he amɛmiitse miihiɛ atua, mi ni ji Nyɔŋmɔ anɔkwafo kɛ mɔ krɔŋkrɔŋ lɛ.”

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

1 Samuel 17:47

Asaŋ asafo ni ekpe nɛɛ fɛɛ kɛaana ale akɛ jeee klante loo akplɔ Yehowa kɛhereɔ mɔ yiwala, ejaakɛ ta lɛ Yehowa diɛŋtsɛ ji mɔ ni wuɔ, ni ebaaŋɔ nyɛ ewo wɔdɛŋ.”