Hosea 1:6 - ŊMALƐ KRƆŊKRƆŊ LƐ

⁶ Gomer na musu ekoŋŋ, ni efɔ biyoo. Kɛkɛ ni Yehowa kɛɛ Hosea akɛ, “Wo abifao lɛ gbɛi akɛ, Lo-Ruhama: ‘Mɔbɔnalɛ etã’, ejaakɛ mikaŋ he mihaŋ mimusuŋ atsɔ̃ mi yɛ Israelbii ahe, ni mikɛfaŋ amɛ dɔŋŋ.

Ṅmãle̱ Kroṅkroṅ Le̱

⁶ Ni ená mũsũ ekoṅ, ni efo̱ biyō. Ni ekē̱le̱ ake̱: Tšé̱ egbe̱i ake̱ Lo-Ruhama; edšake̱ mikāṅ he̱ *mimũsũṅ etšōṅmi ye̱ Israel we le̱ he, ni maṅõ-faame̱ doṅṅ. *2,3. 26.

Hosea 1:6 ပူးပေါင်းရင်းမြစ်များ

2 Maŋtsɛmɛi 17:20

No hewɔ lɛ, Yehowa kwa Israel kɛ Yuda shwiei lɛ fɛɛ, ni ehã amɛna amanehulu, ni egbala amɛtoi, ni etu amɛ ewo nihalɔi adɛŋ kɛyashi beyinɔ ni eshwie amɛ kɛjɛ ehiɛ.

2 Maŋtsɛmɛi 17:6

Hoshea yinɔ afi ni ji nɛɛhu lɛ nɔ lɛ, Asiria maŋtsɛ lɛ ŋɔ Samaria. Kɛkɛ ni eŋɔ Israelbii nom kɛtee Asiria; eŋɔ amɛteŋ mɛi komɛi kɛtee Hala maŋ wulu lɛ mli; ekɛ mɛi komɛi hu tee Habor Faa lɛ naa yɛ Gozan kpokpai anɔ; ekɛ mɛi komɛi hu tee Media maji wuji lɛ amli.

Yesaia 27:11

Kɛji emli tsei aniji lɛ gbi lɛ, akumɔɔ ni yei baa ni amɛbalɛɔ akɛ lai kɛyaa, ni amɛyashãa. Ejaakɛ amɛjeee maŋ ni nuɔ nii ashishi. No hewɔ lɛ, Nyɔŋmɔ, mɔ ni bɔ amɛ lɛ musuŋ etsɔŋ lɛ yɛ amɛhe, ni enaŋ amɛ mɔbɔ.

Hosea 1:8

Be ni Gomer etse ebi Lo-Ruhama fufɔ lɛ, esaa ena musu, ni efɔ binuu ekoŋŋ.

Hosea 2:23

Mahã mimɛi lɛ ahe shi yɛ shikpɔŋ lɛ nɔ, ni mahã amɛshwere. Mɛi ni atsɛ amɛ akɛ ‘Mɔbɔnalɛ etã’ lɛ, kɛ mɛi hu ni atsɛ amɛ akɛ ‘Nyɛjeee mimɛi’ lɛ, mibana amɛ fɛɛ mɔbɔ. Ni makɛɛ amɛ akɛ, ‘Mimɛi ji nyɛ,’ ni amɛaahere nɔ akɛ ‘bo ji wɔNyɔŋmɔ lɛ.’ ”

Hosea 2:4

Asaŋ minaŋ emusuŋbii lɛ hu amɔbɔ, ejaakɛ yoo ajwamãŋ bii ji amɛ.

Amos 7:8

Yehowa bi mi akɛ, “Amos, mɛni onaa nɛɛ?” Mito he akɛ, “Plomo.” Kɛkɛ ni ekɛɛ akɛ, “Naa, mikɛ plomo nɛɛ miisusu mimaŋ Israelbii ajalɛ. Mihaŋ amɛye amɛhe dɔŋŋ.

Amos 9:8

Naa, mi, Yehowa Ofe, mijie mihiɛ mika Israel, maŋ ni feɔ esha lɛ, ni mibakpãtã ehiɛ kɛje shikpɔŋ lɛ nɔ. Shi moŋ mikpãtãŋ Yakob shwiei lɛ fɛɛ ahiɛ kwrakwra, Yehowa kɛɛ.

1 Petro 2:10

nyɛ ni sa lɛ nyɛjeee maŋ, shi agbɛnɛ lɛ Nyɔŋmɔ maŋ ji nyɛ, nyɛ ni anaaa nyɛ mɔbɔ, shi agbɛnɛ ana nyɛ mɔbɔ lɛ.