Hosea 1:4 - ŊMALƐ KRƆŊKRƆŊ LƐ

⁴ Yehowa kɛɛ Hosea akɛ, “Wo abifao lɛ gbɛi akɛ, ‘Yezreel’, ejaakɛ eshwɛ fioo kɛkɛ ni lá shi ni Yehu shwie yɛ Yezreel maŋ lɛ mli lɛ mibatɔ he owele yɛ eshwiei anɔ, ni mibagu Yehu we lɛ maŋtsɛyeli yɛ Israel.

Ṅmãle̱ Kroṅkroṅ Le̱

⁴ Ni Iehowa kē̱le̱ ake̱: Tšé̱ egbe̱i Iezreel; edšake̱ eſe̱ fiō ke̱ke̱ ní mibato̱ Iee̱reel lášiſiemo̱ le̱ he owele ye̱ *Iehu we le̱ no̱, ni mahã Israel we le̱ maṅtše̱yeli le̱ se̱ afo. *2 Maṅ. 10,30.

Hosea 1:4 ပူးပေါင်းရင်းမြစ်များ

2 Maŋtsɛmɛi 10:1

Ahab yɛ bihii nyɔŋmai kpawo yɛ Samaria. No hewɔ lɛ, Yehu ŋmala woji ni etsu akɛtee Samaria akɛyahã maŋ lɛ mli lumɛi lɛ kɛ onukpai lɛ kɛ Ahab bii lɛ atsɔselɔi lɛ akɛ,

2 Maŋtsɛmɛi 10:17

Be ni Yehu shɛ Samaria lɛ, Yehu gbe Ahab weku fɛɛ ni eshwɛ lɛ yɛ Samaria; ni eshiii mɔ kome nɛkɛ, tamɔ bɔ ni Yehowa tsɔ̃ Elia nɔ ewie lɛ.

2 Maŋtsɛmɛi 15:29

Israel Maŋtsɛ Peka yinɔ lɛ Tiglat-Pileser, Asiria maŋtsɛ lɛ, fã ta kɛba Israel. Ebaŋɔ Gilead kɛ Galilea shikpɔji lɛ kɛ amɛmli maji nɛɛ: Iyon, Abel-Bet-Maaka, Yanoa, Kedesh, Hazor. Eŋɔ Naftali shikpɔŋ muu lɛ fɛɛ hu. Kɛkɛ ni eŋɔ Israelbii fɛɛ ni yɔɔ shikpɔŋ nɛɛ nɔ lɛ nom kɛtee Asiria.

2 Maŋtsɛmɛi 15:8

Yuda maŋtsɛ Azaria yinɔ afi ni ji nyɔŋmai etɛ̃ kɛ kpaanyɔ lɛ nɔ lɛ Zakaria baye Israel nɔ maŋtsɛ yɛ Samaria nyɔji ekpaa.

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Yesaia 8:3

Mitee yoo, ni ji gbalɔyoo lɛ ŋɔɔ ni ena musu, ni efɔ binuu. Kɛkɛ ni Yehowa kɛɛ mi akɛ, “Wo lɛ gbɛi akɛ ‘Oya Haanii,’ ‘Ofɔ̃yeli mramra,’

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Yeremia 20:3

Enɔ jetsɛremɔ be ni Pashur fɛne Yeremia yɛ apã lɛ mli sɛɛ lɛ, Yeremia kɛɛ lɛ akɛ, “Yehowa tsɛŋ ogbɛi akɛ Pashur dɔŋŋ; shi moŋ abaatsɛ bo ‘Gbeyeinɔ,’ yɛ he fɛɛ he;

Yeremia 23:2

Bɔ ni mi, Yehowa, Israel Nyɔŋmɔ lɛ, mikɛɔ yɛ lumɛi ni kwɛɔ miwebii lɛ anɔ lɛ ahe nɛ, ‘Nyɛkuraaa miwebii lɛ, ni nyɛgbɛ amɛ nyɛshwã, ni nyɛshwie amɛ kɛtee. No hewɔ lɛ, naa, mi Yehowa, mikɛɛ akɛ mibawo nyɛ nyɛnifeemɔnii fɔ̃ji lɛ ahe nyɔmɔ.

Yeremia 3:8

Ena akɛ ajwamãŋ ni Israel ni yeee anɔkwa bɔ hewɔ lɛ mishwie lɛ akɛ miŋa. Shi kɛ̃lɛ Israel nyɛmiyoo Yuda ni yeee anɔkwa lɛ, eyasheee gbeyei; shi moŋ lɛ hu etee ni eyabɔ ajwamãŋ lɛ eko.

Ezekiel 23:10

Amɛ jie eyayaiaŋ kpo amɛmɔmɔ ebihii kɛ ebiyei lɛ; ni lɛ diɛŋtsɛ lɛ amɛkɛ klante gbe lɛ; ni etsɔ wiemɔ ni yei kɛyeɔ fɛo akɛ akojo lɛ.

Ezekiel 23:31

Onyiɛ onyɛmi yoo lɛ nanefaamɔi lɛ asɛɛ, no hewɔ lɛ, magbala otoi tamɔ migbala etoi lɛ nɔŋŋ.”

Hosea 1:6

Gomer na musu ekoŋŋ, ni efɔ biyoo. Kɛkɛ ni Yehowa kɛɛ Hosea akɛ, “Wo abifao lɛ gbɛi akɛ, Lo-Ruhama: ‘Mɔbɔnalɛ etã’, ejaakɛ mikaŋ he mihaŋ mimusuŋ atsɔ̃ mi yɛ Israelbii ahe, ni mikɛfaŋ amɛ dɔŋŋ.

Hosea 1:9

Kɛkɛ ni Yehowa kɛɛ Hosea akɛ, “Wo abifao lɛ gbɛi akɛ, Lo-Ammi ‘Nyɛjeee mimaŋ,’ ejaakɛ Israelbii jeee mimaŋ dɔŋŋ, ni mi hu jeee amɛNyɔŋmɔ ji mi.”

Hosea 2:13

Magbala etoi yɛ tsofakɛŋma ni etee eyashã ehã Baal jemawɔji yɛ amɛgbii juji lɛ anɔ lɛ hewɔ. Ewula kɛ jwinei kɛtee eyanyiɛ eshieŋtsɛmɛi lɛ asɛɛ, ni ehiɛ kpa minɔ.” Nɔ ni Yehowa kɛɔ nɛ.

Hosea 2:22

Mahã nu anɛ shikpɔŋ lɛ nɔ koni shikpɔŋ lɛ aba abele kɛ wain kɛ mu ahã Israel.

Hosea 9:17

MiNyɔŋmɔ ni misɔmɔɔ lɛ lɛ, baakwa emɛi lɛ ejaakɛ amɛbooo lɛ toi. Amɛbaatsɔ̃mɔ kobɔfoi yɛ je lɛ mli maji lɛ anɔ bii lɛ ateŋ.

Amos 9:8

Naa, mi, Yehowa Ofe, mijie mihiɛ mika Israel, maŋ ni feɔ esha lɛ, ni mibakpãtã ehiɛ kɛje shikpɔŋ lɛ nɔ. Shi moŋ mikpãtãŋ Yakob shwiei lɛ fɛɛ ahiɛ kwrakwra, Yehowa kɛɛ.

Mateo 1:21

ebaafɔ binuu, ni ooowo lɛ gbɛi akɛ Yesu, ejaakɛ lɛ ebaahere emaŋ lɛ yiwala kɛjɛ amɛhe eshai lɛ amli.”

Luka 1:13

Shi bɔfo lɛ kɛɛ lɛ akɛ, “Kaashe gbeyei, Zakaria, ejaakɛ Nyɔŋmɔ ebo ofaikpamɔ lɛ toi, ni oŋa Elizabet aaafɔ binuu ahã bo, ni ooowo lɛ gbɛi akɛ Yohane.

Luka 1:31

Ni naa, obaana musu, ni ooofɔ binuu ni ooowo lɛ gbɛi akɛ Yesu.

Luka 1:63

Ni ebi tao ko, ni eŋma akɛ, “Yohane ji egbɛi.” Ni efee amɛ fɛɛ naakpɛɛ.

Yohane 1:42

Ni ekɛ lɛ ba Yesu ŋɔɔ. Ni Yesu kwɛ lɛ ni ekɛɛ, “Bo ji Simon, Yona bi lɛ, aaatsɛ bo Kefa (eshishi ji Petro loo tɛsaa).”

Yoshua 19:18

Amɛgbɛfaŋ shikpɔŋ ni akɛhã amɛ lɛ nɔ maji ji Yezreel kɛ Kesulot kɛ Shunem,