Hosea 1:2 - ŊMALƐ KRƆŊKRƆŊ LƐ

² Be ni Yehowa kɛ Hosea bɔ̃i wiemɔ lɛ, ekɛɛ Hosea akɛ, “Yaa ni oyaŋɔ yoo ajwamãŋ koni okɛ lɛ afee oŋa; ni bii ni okɛ lɛ baafɔ lɛ baafee ajwamãŋ bii tamɔ bɔ ni shikpɔŋ lɛ nɔ bii lɛ ekwa mi, ni amɛyeee mi anɔkwa lɛ.”

Ṅmãle̱ Kroṅkroṅ Le̱

² Beni Iehowa ke̱ Hošea Hi wiemo̱ le̱, Iehowa kē̱ Hošta ake̱: Yaṅõ *yō adſa-maṅ ke̱ adſamaṅbii ohã ohe! Edšake̱ šikpoṅ le̱ edše Iehowa se̱ eyabo̱ adſamaṅ. *8,1.

Hosea 1:2 ပူးပေါင်းရင်းမြစ်များ

2 Kronika 21:13

Moŋ okɔ Israel maŋtsɛmɛi lɛ ajeŋba lɛ, ni okɛhã Yuda kɛ Yerusalɛmbii lɛ miija jemawɔji tamɔ Ahab kɛ eshwiei fee ni Israel shi Yehowa sɛɛ kɛyaja jemawɔji lɛ. Asaŋ onyɛmimɛihii ni ji otsɛ bii lɛ hu ogbe amɛ; ni amɛhi fe bo.

Lalai 106:39

Amɛkɛ amɛnifeemɔnii lɛ wo amɛhe muji, ni amɛyeee Nyɔŋmɔ anɔkwa.

Lalai 73:27

ejaakɛ mɛi ni ekwa bo lɛ, ahiɛ aaakpãtã. Okpãtãa mɛi ni yeee bo anɔkwa lɛ ahiɛ.

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Yeremia 2:20

“Blema ko beebe ni oku opã lɛ, ni otserɛ kpãi ni fimɔ bo lɛ mli, ni okɛɛ akɛ, ‘Misɔ̃mɔɔɔ mɔ ko mɔ ko!’ Shi gɔŋkpɔ fɛɛ gɔŋkpɔ yiteŋ kɛ tso fɛɛ tso ni ebu kusuu shishi oyakotoɔ shi ojaa, ni okwaa mi yɛ.

Yeremia 2:23

Te feɔ tɛŋŋ ni okɛɔ akɛ, ‘Mibuleko mihe, miyajako wɔŋ Baal lɛ?’ Kwɛmɔ ojeŋ ni oba yɛ gɔji ateŋ jɔɔ lɛ mli lɛ, ni ooona ole nɔ ni ofee. Otamɔ ŋaŋ yooma oblayoo ni hiɛ foi kɛmiiya biɛ kɛ biɛ.

Yeremia 3:9

Shi akɛni ajwamãŋbɔɔ efeee lɛ hiɛgbele hewɔ lɛ ekɛ tsei kɛ tɛi fɛɛ fite gbãlã, ni ebule shikpɔŋ lɛ.

Ezekiel 6:9

no lɛ nyɛteŋ mɛi ni eje gbele mli lɛ aaakai mi yɛ majimaji lɛ ateŋ hei ni aŋɔ amɛ nom kɛtee lɛ. Kɛji mikumɔ amɛyiŋ flɛflɛ tsuii ni hã amɛkɛ yiŋ flɛflɛ yanyiɛ amɛmãgãi lɛ asɛɛ lɛ, amɛaanyaŋe amɛ diɛŋtsɛ amɛhe yɛ nifɔɔjianii kɛ musubɔɔ nii ni amɛfee lɛ fɛɛ ahewɔ.

Hosea 2:7

Eeetiu eshieŋtsɛmɛi lɛ asɛɛ nɛ, shi eninaŋ amɛ; ni eeetao amɛ, shi enaŋ amɛ. Kɛ̃lɛ lɛ eeekɛɛ ehe akɛ, ‘Hã makpale kɛya miklɛŋklɛŋ wu lɛ ŋɔɔ; ejaakɛ be ni mikɛ lɛ yɔɔ lɛ, ehi hã mi moŋ fe amrɔ nɛɛ.’

Hosea 3:1

Yehowa kɛɛ mi akɛ, “Yaa ekoŋŋ ni oyasumɔ yoo ni ewu sumɔɔ lɛ, shi lɛ lɛ ekɛ nuu kroko miifite gbãlã. Osumɔ lɛ tamɔ bɔ ni mi, Yehowa, misumɔɔ mimɛi Israelbii lɛ; tsɛbelɛ amɛ lɛ, amɛkwa mi, ni amɛtee wɔji aŋɔɔ, ni amɛkɛ wain yibii yashãa afɔle amɛhãa amãgãi.”

Hosea 5:3

Mile Efraim bɔ ni eyɔɔ tsɔ̃; no hewɔ lɛ, Israel kɛ ehe eteko mi. Ejaakɛ amrɔ nɛɛ lɛ, Efraim, oje misɛɛ, ni Israel ebule ehe.”

Marko 1:1

Yesu Kristo, Nyɔŋmɔ Bi lɛ, he Sanekpakpa lɛ shishijee,

5 Mose 31:16

Kɛkɛ ni Yehowa kɛɛ Mose akɛ, “Naa, eshwɛ fioo ni obaagbo, ni ogbele sɛɛ lɛ maŋ nɛɛ baakwa mi, ni amɛbaaja nyɔŋmɔi krokomɛi ni amɛyaanina yɛ shikpɔŋ ni amɛyaa nɔ lɛ nɔ lɛ. Amɛbaakwa mi, ni amɛaaku kpãŋmɔ ni mi kɛ amɛ ekpãŋ lɛ mli.

2 Petro 2:14

Amɛyɛ hiŋmɛii ni eyimɔ obɔ̃bɔ̃ kɛ gbãlãfitemɔ ni kpaaa eshafeemɔ. Amɛlakaa susumai ni nane mɔko shi lɛ. Amɛyɛ tsui ni he esa kɛ hiɛjoomɔ; loomɔbii ni.

Kpojiemɔ 17:5

Ni aŋma gbɛi ko ni ji teemɔ sane yɛ ehiɛŋtso nɔ, “Babilon kpeteŋkple lɛ, shikpɔŋ lɛ nɔ ajwamãŋi lɛ kɛ nihiinii lɛ anyɛ lɛ.”