Hosea 1:11 - ŊMALƐ KRƆŊKRƆŊ LƐ

¹¹ No mli Yudabii kɛ Israelbii anaa aaabakpe shi kɛfee ekome, ni amɛaato mɔ koome akɛ amɛ fɛɛ amɛhiɛnyiɛlɔ, ni amɛaashwere yɛ shikpɔŋ lɛ nɔ ekoŋŋ, ejaakɛ Yezreel gbi lɛ gbi wulu ni.

Hosea 1:11 ပူးပေါင်းရင်းမြစ်များ

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Yeremia 30:21

Amɛteŋ mɔ ko nɔŋŋ baatsɔ̃ amɛlumɔ; amɛnɔyelɔ lɛ baajɛ amɛ nɔŋŋ amɛteŋ. Mahã etsi ebɛŋkɛ mi, ni ebaaba mimasɛi, ejaakɛ namɔ aaanyɛ ashi etsitsi, ni eba mi, mimasɛi? Mi, Yehowa, mikɛɛ.

Yeremia 30:3

Shi naa, gbii miiba ni mibahã miwebii Israelbii kɛ Yudabii anine ashɛ amɛnibii fɛɛ ni amɛlaaje lɛ anɔ. Mikɛ amɛ baaku sɛɛ kɛba shikpɔŋ ni mikɛhã amɛtsɛmɛi lɛ nɔ ekoŋŋ koni amɛbaŋɔ shikpɔŋ lɛ akɛ amɛnɔ.”

Yeremia 30:7

Ao! Nakai gbi lɛ, gbi wulu ni; ehenɔ bako pɛŋ. Yakob hejaramɔ gbi ni, kɛ̃lɛ abaahere eyiwala yɛ gbele mli.”

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yeremia 32:37

Naa, mi nɔŋŋ mabua maŋbii ni mikɛ mlifu kɛ mlila kɛ grimɔ ni naa wa jogbaŋŋ eshwie amɛ kɛtee maŋsɛɛ lɛ anaa kɛjɛ nakai shikpɔji lɛ anɔ, ni mikɛ amɛ baaku sɛɛ kɛba shikpɔŋ nɛɛ nɔ ekoŋŋ; ni mahã amɛhi shi shweshweeshwe;

Yeremia 50:19

Mibakpale Israel kɛba lɛ diɛŋtsɛ eshikpɔŋ nɔ ekoŋŋ, ni ebaaye Karmel kɛ Bashan shikpɔji lɛ anɔ nii, ni eeetɔ kɛ Efraim kɛ Gilead gɔji lɛ anɔ nii lɛ.

Ezekiel 39:25

“No hewɔ lɛ, bɔ ni Nuŋtsɔ Yehowa kɛɔ nɛ, agbɛnɛ lɛ makpale Yakob shwiei ni aŋɔ amɛ nom lɛ kɛba ekoŋŋ, ni mana Israel we lɛ fɛɛ mɔbɔ. Maye migbɛi krɔŋkrɔŋ lɛ he awuŋã.

Hosea 2:1

No hewɔ lɛ, nyɛkɛa nyɛnyɛmimɛi hii, Israelbii, lɛ akɛ Ammi, “Mimaŋ ji amɛ” kɛ nyɛmimɛi yei lɛ hu akɛ Ruhama, “Mimusuŋ etsɔ̃ mi yɛ amɛhe.”

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Romabii 11:15

Ejaakɛ kɛ amɛshɛmɔkɛfɔ̃ɔ lɛ ehã Nyɔŋmɔ kɛ je lɛ ekpãtã lɛ, belɛ amɛheremɔ lɛ, ani jeee wala ni jɛ gbohii ateŋ ni?