Hosea 1:10 - ŊMALƐ KRƆŊKRƆŊ LƐ

¹⁰ Shi kɛ̃lɛ Israelbii ayikulɛ aaatamɔ ŋshɔnaa shia ni anyɛŋ asusu aloo akane. Kɛji nakai be lɛ shɛ lɛ, he ni akɛɛ amɛ yɛ akɛ, ‘Nyɛjeee mimaŋ lɛ,’ jɛi nɔŋŋ abaakɛɛ amɛ yɛ akɛ, “Nyɔŋmɔ hiɛkãalɔ lɛ bii ji nyɛ.”

Hosea 1:10 ပူးပေါင်းရင်းမြစ်များ

1 Mose 13:16

Mahã oshwiei afa tamɔ shikpɔŋ mlu, ni kɛji mɔ ko aaanyɛ shikpɔŋ mlu akane lɛ, belɛ aaanyɛ oshwiei lɛ hu akane.

1 Mose 22:17

hewɔ lɛ, jɔɔmɔ majɔɔ bo, ni mahã oshwiei afa tamɔ ŋwɛi ŋulamii kɛ ŋshɔnaa shia. Oshwiei lɛ aaaye amɛhenyɛlɔi anɔ kunim.

1 Mose 32:12

Bo okɛɛ akɛ, ‘Mafee bo jogbaŋŋ, ni mahã oshwiei afa tamɔ ŋshɔnaa shia, ni anyɛŋ amɛyibɔ akane yɛ amɛyifalɛ naa.’ ”

2 Samuel 7:24

Oma omaŋ Israel nɔ mi akɛ bo diɛŋtsɛ omaŋ kɛmiiya naanɔ, ni bo Yehowa otsɔ̃ amɛNyɔŋmɔ.

Yesaia 43:6

Makɛɛ kooyigbɛ akɛ, ‘Ŋmɛɛmɔ amɛhe!’ Ni makɛɛ wuoyigbɛ akɛ, ‘Kaatsi amɛnaa;’ ŋɔɔ mibihii lɛ kɛjɛ shɔŋŋ kɛ mibiyei lɛ kɛjɛ shikpɔŋ lɛ naagbeehei kɛba,

Yesaia 48:19

Omusuŋbii aaafa tamɔ shia, ni oshwiei aaafa tamɔ mlu. Agbeŋ amɛgbɛi, ni akpãtãŋ amɛhiɛ yɛ mihiɛ.”

Yesaia 63:16

Ejaakɛ bo nɔŋŋ ji wɔtsɛ, tsɛbelɛ Abraham leee wɔ, ni Israel hu eŋɔɔɔ wɔ akɛ bii; shi bo Yehowa lɛ bo nɔŋŋ ji wɔtsɛ kɛ wɔkpɔ̃lɔ kɛjɛ blema beebe ejaakɛ nakai ji ogbɛi.

Yesaia 64:8

Kɛ̃lɛ bo, Yehowa, bo nɔŋŋ ji wɔtsɛ. Wɔ lɛ su ji wɔ, ni bo ji wɔshɔ̃lɔ, ni oninenaa nitsumɔ ji wɔ fɛɛ.

Yesaia 65:1

Yehowa kɛɛ, “Mihaa mɛi ni biko mi nii lɛ hetoo, ni mi diɛŋtsɛ mihaa mɛi ni taoko mi lɛ naa mi. Mikɛɔ maŋ ni sɔleko tsɛko mi lɛ akɛ, Naa mi! Naa mi!

Yesaia 66:20

Ni amɛ kɛ nyɛnyɛmimɛi lɛ fɛɛ ni jɛ jeŋmaji lɛ amli lɛ aaaba akɛ nikee abahã Yehowa. Amɛaatara okpɔŋɔi anɔ kɛ shwiilii kɛ akpakãii amli kɛ teji kɛ yoomai anɔ kɛba Yerusalɛm, migɔŋ krɔŋkrɔŋ lɛ nɔ, taakɛ bɔ ni Israelbii hiɛɔ amɛnikeenii yɛ nibii ni mli tse amli kɛbaa Yehowa we lɛ,” Yehowa kɛɛ.

Yeremia 33:22

Bɔ ni anyɛŋ ŋwɛi ŋulamii afalɛ akane, ni anyɛŋ ŋshɔnaa shia falɛ akane lɛ, nakai mahã mitsulɔ David shwiei kɛ Levibii ni ji misɔ̃ɔlɔi lɛ hu ayi afa.”

Daniel 6:26

Miiwo kitã akɛ mɔ fɛɛ mɔ ni yɔɔ minɔyeli nɛɛ he fɛɛ he lɛ, ehe akpokpo, ni eshe Daniel Nyɔŋmɔ lɛ gbeyei.” “Lɛ ji Nyɔŋmɔ hiɛkãalɔ lɛ, mɔ ni yɛ kɛmiiya naanɔ lɛ; anyɛŋ emaŋtsɛyeli hiɛ akpãtã, ni ehewalɛ lɛ sɛɛ efoŋ.

Hosea 1:9

Kɛkɛ ni Yehowa kɛɛ Hosea akɛ, “Wo abifao lɛ gbɛi akɛ, Lo-Ammi ‘Nyɛjeee mimaŋ,’ ejaakɛ Israelbii jeee mimaŋ dɔŋŋ, ni mi hu jeee amɛNyɔŋmɔ ji mi.”

Hosea 2:23

Mahã mimɛi lɛ ahe shi yɛ shikpɔŋ lɛ nɔ, ni mahã amɛshwere. Mɛi ni atsɛ amɛ akɛ ‘Mɔbɔnalɛ etã’ lɛ, kɛ mɛi hu ni atsɛ amɛ akɛ ‘Nyɛjeee mimɛi’ lɛ, mibana amɛ fɛɛ mɔbɔ. Ni makɛɛ amɛ akɛ, ‘Mimɛi ji nyɛ,’ ni amɛaahere nɔ akɛ ‘bo ji wɔNyɔŋmɔ lɛ.’ ”

Yohane 1:12

Shi mɛi abɔ ni here lɛ, ni amɛhe egbɛi lɛ nɔ amɛye lɛ, ehã amɛ hegbɛ akɛ amɛtsɔ̃mɔ Nyɔŋmɔ bii,

Romabii 8:19

Ejaakɛ bɔɔnii lɛ kɛ gbɛkwɛmɔ kpɛ̃kpɛ̃ɛkpɛ̃ miimɛ Nyɔŋmɔ bii lɛ akpojiemɔ lɛ.

2 Korintobii 6:18

Ni matsɔ̃ nyɛtsɛ, ni nyɛ hu nyɛaatsɔ̃mɔ mibihii kɛ mibiyei,” Yehowa, Ofe lɛ, kɛɛ.

Hebribii 11:12

No hewɔ hu ni ajɛ mɔ kome ni tamɔ mɔ ni egbo momo lɛ mli afɔ mɛi ni fa babaoo tamɔ ŋwɛi ŋulamii loo ŋshɔ naa shia ni anyɛɛɛ akane lɛ.