Hiob 9:4 - ŊMALƐ KRƆŊKRƆŊ LƐ

⁴ Nilelɔ ji lɛ, ni eyɛ hewalɛ; namɔ ete shi ewo lɛ, ni eye kunim pɛŋ?

Ṅmãle̱ Kroṅkroṅ Le̱

⁴ Nilelo̱ dšile̱ ye̱ tšui mli ke̱ hewalo̱ hũ ye̱ nyẽmo̱ mli; namo ete ši ewole̱, ni ehĩ ehãle̱ pẽṅ?

Hiob 9:4 ပူးပေါင်းရင်းမြစ်များ

2 Kronika 13:12

Naa, Nyɔŋmɔ kɛ wɔ yɛ, ni lɛ enyiɛ wɔta lɛ hiɛ, asaŋ esɔfoi lɛ hu yɛ biɛ kɛ tɛtɛrɛmantɛrɛi, ni amɛbaakpã kɛbɔ tawuu oshe amɛwo nyɛ. Ataamɛi Israelbii, nyɛkakaa kwraa akɛ nyɛkɛ Yehowa, nyɛtsɛmɛi aNyɔŋmɔ, lɛ baawu ta. Nyɛyeŋ kunim kɔkɔɔkɔ.”

2 Kronika 20:6

ni ekɛɛ akɛ, “Yehowa, wɔtsɛmɛi aNyɔŋmɔ, bo ji Nyɔŋmɔ ni yɔɔ ŋwɛi, asaŋ mɔ ni yeɔ je lɛ mli maji fɛɛ anɔ. Bo oyɔɔ hewalɛ kɛ nyɛmɔ, ni mɔ ko kwraa bɛ ni baanyɛ bo onaa aku.

Hiob 11:6

koni egbele teemɔŋ nilee hiɛ etsɔ̃ɔ bo, ejaakɛ enilee yɛ naakpɛɛ. Na ole akɛ Nyɔŋmɔ kɛ bo yeko bɔ ni sa otɔ̃mɔ lɛ.

Hiob 12:13

Shi Nyɔŋmɔ lɛ, eyɛ nilee kɛ hewalɛ kɛ ŋaawoo kɛ jwɛŋmɔ fɛɛ.

Hiob 15:13

ni ote shi owo Nyɔŋmɔ yɛ omumɔ mli, ni ohãa wiemɔi ni tamɔ enɛɛmɛi jeɔ onaa?

Hiob 23:6

Aso Nyɔŋmɔ kɛ mi aaatao naa yɛ ehewalɛ kpeteŋkple lɛ naa? Dabida; eeebo mi toi kɛ̃.

Hiob 24:22

Kɛ̃lɛ Nyɔŋmɔ tsɔ̃ɔ ehewalɛ nɔ ehãa hewalɔi awala sɛɛ tsɛɔ; amɛteɔ shi ni amɛgboiɔ, kɛji jeŋshihilɛ je amɛtsine.

Hiob 25:2

“Nyɔŋmɔ dɛŋ hewalɛ fɛɛ yɔɔ, mɛi fɛɛ ashe lɛ gbeyei; ehã toiŋjɔlɛ ehe shi yɛ eŋwɛi maŋtsɛyeli lɛ mli.

Hiob 28:23

Nyɔŋmɔ pɛ ni le gbɛ ni kã kɛyaa he; ni lɛ ele he ni eyɔɔ lɛ.

Hiob 36:5

Naa, Nyɔŋmɔ je agbo, ni enyaŋeee mɔ ko mɔ ko; eniiashishinumɔ naa wa jogbaŋŋ.

Hiob 37:23

Ofe lɛ, wɔnyɛŋ lɛ wɔna; ehewalɛ da, ni eyeɔ jalɛ sane; ekpaŋ jalɛ saneyeli.

Hiob 38:36

Namɔ tsɔ̃ɔ loofɔlɔ ibis be ni Nilo baasraŋ nɔ? Aloo namɔ tsɔ̃ɔ wuɔ nuu akɛ nu baanɛ?

Hiob 38:37

Namɔ yɔɔ nilee ni ekɛbaanyɛ atatui lɛ ekane? Aloo ebaanyɛ ekpoo amɛnaa shi koni amɛnɛ nu

Hiob 40:9

Aso ohewalɛ shɛɔ Nyɔŋmɔ nɔ lɛ, ni obaanyɛ ohã ogbee ashi tamɔ Nyɔŋmɔ nɔ lɛ lo?

Hiob 41:2

Ani ooonyɛ owo egugɔŋ taŋkpee aloo okɛ kpoŋ ala ekadaa?

Hiob 6:10

Kulɛ mimii aaashɛ mihe, mimli aaafli mi pam yɛ minɔnaa ni akɛfaaa lɛ fɛɛ sɛɛ, ejaakɛ mikwako Mɔ Krɔŋkrɔŋ lɛ wiemɔi lɛ.

Hiob 9:19

Kɛji aaye lɛ hewalɛ naa lɛ, naa, lɛ nɛ; ni kɛji aafee jalɛnii lɛ, namɔ kɛ lɛ kedeɔ?

Lalai 104:24

Oo Yehowa, onitsumɔi lɛ fa naakpa, fɛɛ jɛ onilee mli. Shikpɔŋ lɛ nɔ eyi tɔ kɛ onibɔɔnii sɔŋŋ.

Lalai 136:5

Lɛ mɔ ni ekɛ nilee bɔ ŋwɛi amli ŋwɛii lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

2 Mose 15:7

Ogbojee lɛ naa sɔŋŋ lɛ, obutu mɛi ni te shi wo bo lɛ. Omlila lɛ gri wo amɛ, ni eshã amɛ tamɔ la shãa gbetseli.

2 Mose 9:7

Ni Farao tsu ayakwɛ, ni ayana akɛ Israelbii akooloi lɛ ateŋ ekome folo nɛkɛ gboko. Shi enɛ fɛɛ sɛɛ lɛ, Farao kpliŋ etsui, ni ehãaa maŋ lɛ aya.

Abe̱i 28:14

Ajɔɔ mɔ ni sheɔ Yehowa gbeyei daa; shi mɔ ni wajeɔ etsui lɛ, egbeɔ haomɔ mli.

Abe̱i 29:1

Mɔ ni afɔɔ lɛ kãmɔ, shi loloolo lɛ ekuɛŋ ti lɛ, trukaa ni aaakumɔ lɛ bɔ ni anaŋ ehe tsabaa.

Yesaia 45:9

Kpoo hã mɔ ni kɛ Ebɔlɔ lɛ fuɔ daa! Sũ ni yɔɔ nishɔ̃lɔ dɛŋ ji lɛ. Ani shikpɔŋ sũ biɔ nishɔ̃lɔ akɛ, ‘Mɛni okɛ mi shɔ̃ɔ nɛɛ?’ Aloo, ekɛɔ akɛ, ‘Nɔ ni oshɔ̃ lɛ niji bɛ he?’

Yeremia 50:24

Ao, Babilon, mitsɔ̃ bo tsɔne, ni odu; shi oleee; ana bo, ni amɔ bo, ejaakɛ okɛ Yehowa fu daa.

Daniel 2:20

Daniel wo enaa nɔ ni ekɛɛ akɛ, “Ajie Nyɔŋmɔ, mɔ dɛŋ ni nilee kɛ hewalɛ lɛ fɛɛ yɔɔ lɛ, yi kɛya naanɔi anaanɔ.

Nahum 1:3

Yehowa mli fuuu mra, ni ehewalɛ da kpele; ehãaa tɔ̃lɔ aŋɔ ehe aye. Ahum kɛ lasuogbele teɔ shi yɛ he ni Yehowa etsɔ̃ kɛho, ni enaneshi mlu ji atatui.

Romabii 11:33

Ao, Nyɔŋmɔ nifalɛ kɛ ŋaa kɛ nilee mlikwɔlɛ! Ekojomɔi lɛ anyɛɛɛ shishi ana, ni egbɛi lɛ hu anyɛɛɛ sɛɛ mo aja!

1 Korintobii 10:22

Aloo wɔmiifee ni Nuŋtsɔ lɛ aye awuŋã? Ani wɔhe wa fe lɛ?

Efesobii 1:19

kɛ nɔ ni ji ehewalɛ lɛ dalɛ ni tekeɔ nɔ babaoo hãa wɔ mɛi ni wɔheɔ wɔyeɔ lɛ yɛ enyɛmɔ hewalɛ nitsumɔ lɛ naa lɛ.

Efesobii 1:8

Ehã dromɔ fa kɛteke nɔ ehã wɔ yɛ jwɛŋmɔ kɛ niiashishinumɔ fɛɛ mli lɛ.

Efesobii 3:10

koni agbɛnɛ atsɔ̃ asafo lɛ nɔ ahã onukpai kɛ mɛi ni yɔɔ hegbɛ yɛ ŋwɛiniiaŋ lɛ ale Nyɔŋmɔ nilee ni jieɔ ehe kpo yɛ gbɛi srɔtoi pii anɔ lɛ.

Efesobii 3:20

Shi mɔ ni nyɛɔ efeɔ kɛtekeɔ nɔ babaoo fe nii fɛɛ ni wɔkpaa he fai loo wɔjwɛŋɔ, yɛ ehewalɛ ni tsuɔ nii yɛ wɔmli lɛ naa lɛ,