Hiob 9:12 - ŊMALƐ KRƆŊKRƆŊ LƐ

¹² Naa, nɔ ni etaoɔ lɛ ekɔɔ; namɔ aaanyɛ enaa atsi? Namɔ aaanyɛ akɛɛ lɛ akɛ, “Mɛni ofeɔ nɛɛ?

Ṅmãle̱ Kroṅkroṅ Le̱

¹² Na, ešaä ke̱-yaä, namo aanyẽ enā atsī? Namo aakē̱le̱ ake̱: Meni ofeo̱ ne̱?

Hiob 9:12 ပူးပေါင်းရင်းမြစ်များ

2 Samuel 16:10

Shi David kɛɛ Abishai kɛ enyɛbi Yoab akɛ, “Nyɛhe sane ko mɛ? Kɛji eelomɔ mi, ejaakɛ Yehowa ni tsu lɛ koni ebafee nakai lɛ, namɔ yɔɔ hegbɛ ni ebiɔ he sane ko?”

Hiob 1:21

Ekɛɛ akɛ, “Yayai mikɛjɛ minyɛ musuŋ miba, ni yayai mikɛaaku misɛɛ kɛaatee. Yehowa ni ŋɔ hã, ni Yehowa ebaŋɔ kɛtee; aaajie Yehowa gbɛi lɛ yi kɛ̃!”

Hiob 10:7

tsɛbelɛ ole akɛ miyeee fɔ, ni mɔ ko bɛ ni aaanyɛ ashɔ̃ mi yɛ odɛ̃ŋ?

Hiob 11:10

Kɛji Nyɔŋmɔ ba, ni ebamɔ bo ewo kpabuŋ, ni etsɛ bo kojomɔ lɛ, namɔ aaanyɛ enaa atsi?

Hiob 23:13

Etsakeee; ni Lɛ lɛ eyɛ bɔ ni eyɔɔ kɛjɛ sa, ni namɔ aaanyɛ enaa eku. Nɔ ni esumɔɔ lɛ, no efeɔ.

Hiob 33:13

Mɛni hewɔ oshwaa Nyɔŋmɔ ni okɛɔ akɛ, ‘Ehãaa miwiemɔi lɛ eko kwraa hetoo lɛ.’

Hiob 34:29

Kɛji Nyɔŋmɔ fee diŋŋ lɛ, namɔ baanyɛ lɛ ashwa? Kɛji ekɛ ehiɛ tee lɛ namɔ baanyɛ ehiɛ lɛ ena?

Jajelɔ 8:4

Kɛji maŋtsɛ kɛɛ lɛ, akɛɛɛ dɔŋŋ; ni namɔ po baanyɛ lɛ ebi akɛ, “Mɛni po ofeɔ nɛɛ?”

Yesaia 43:13

Yehowa kɛɛ, “Mi ji Nyɔŋmɔ, ni kɛjɛ kɛyaa nɛɛ fɛɛ lɛ mi ni. Mɔ ko bɛ ni aaanyɛ ashɔ̃ mɔ ko yɛ midɛŋ. Kɛji miifee nɔ ko lɛ, namɔ aaanyɛ naa atsi?”

Yesaia 45:9

Kpoo hã mɔ ni kɛ Ebɔlɔ lɛ fuɔ daa! Sũ ni yɔɔ nishɔ̃lɔ dɛŋ ji lɛ. Ani shikpɔŋ sũ biɔ nishɔ̃lɔ akɛ, ‘Mɛni okɛ mi shɔ̃ɔ nɛɛ?’ Aloo, ekɛɔ akɛ, ‘Nɔ ni oshɔ̃ lɛ niji bɛ he?’

Yeremia 18:6

“Ao! Israelbii, aso esaaa akɛ mifeɔ nyɛ tamɔ gbɛshɔ̃lɔ lɛ fee sũ lɛ lo? Israelbii, naa, nyɛtamɔ sũ ni gbɛshɔ̃lɔ lɛ hiɛ lɛ pɛpɛɛpɛ yɛ midɛŋ.

Daniel 4:32

asaŋ aaashwie bo kɛje gbɔmɛi ateŋ kɛya ŋaŋ kooloi ateŋ koni okɛ amɛ ayahi shi. Obaakpe jwɛi tamɔ tsina afii kpaw, ni ooona oyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ gbɔmɛi amaŋtsɛyeli fɛɛ maŋtsɛyeli nɔ, asaŋ akɛ mɔ fɛɛ mɔ ni lɛ esumɔɔ lɛ lɛ ekɛ maŋtsɛyeli hãa.”

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Mateo 11:26

Hɛɛ, Ataa, bɔ ni sa ohiɛ ji no.

Mateo 20:15

Aloo mibɛ hegbɛ akɛ mikɛ mi diɛŋtsɛ minii feɔ nɔ ni misumɔɔ? Ani mimlihilɛ lɛ hewɔ ohiŋmɛi etsu nɛɛ?’

Romabii 11:34

Ejaakɛ “Namɔ le Nuŋtsɔ lɛ jwɛŋmɔ lɛ, Aloo namɔ ewo lɛ ŋaa pɛŋ?

Efesobii 1:11

Lɛ emli wɔna gboshinii lɛ hu yɛ, wɔ mɛi ni ajie wɔ ato yɛ mɔ ni tsuɔ nibii fiaa lɛ gbɛjianɔtoo naa, yɛ eyiŋ ni eto bɔ ni lɛ diɛŋtsɛ esumɔɔ lɛ naa,