Hiob 8:8 - ŊMALƐ KRƆŊKRƆŊ LƐ

⁸ “Ofainɛ, bo lɛ bi tsutsu yinɔbii, ni obo nɔ ni amɛtsɛmɛi ekpa shi ni amɛna lɛ toi.

Ṅmãle̱ Kroṅkroṅ Le̱

⁸ Ši bo le̱ bi tšutšu yino̱bii le̱, ni obo noni ame̱tše̱mei etao mli ni ame̱na le̱ toi.

Hiob 8:8 ပူးပေါင်းရင်းမြစ်များ

2 Kronika 10:6

Kɛkɛ ni Maŋtsɛ Rehoboam tsɛ hii onukpai ni sɔmɔ etsɛ Solomon akɛ ŋaawolɔi lɛ ajina, ni ebi amɛ ŋaawoo ni ekɛɛ, “Te mihã maŋbii lɛ asane lɛ hetoo mikɛɛ tɛŋŋ?”

Hiob 12:12

Nilee yɛ onukpai adɛŋ, shi walasɛɛtsɛlɛ mli jwɛŋmɔ yɔɔ.

Hiob 13:1

Naa, mina nibii nɛɛ fɛɛ kɛ mi diɛŋtsɛ mihiŋmɛi, ni mitoi hu enu, ni minu shishi.

Hiob 15:10

Wajiatsɛmɛi kɛ hiimeji fɛɛ yɛ wɔteŋ ni amɛye otsɛ ni fɔ bo onukpa kwraa.

Hiob 15:18

nɔ ni nilelɔi egba, ni ji nɔ ni amɛtsɛmɛi kɛteee amɛ lɛ.

Hiob 20:4

Aso oleee kɛjɛ teteete, kɛjɛ beyinɔ ni abɔ gbɔmɔ adesa ato shikpɔŋ nɛɛ nɔ lɛ,

Lalai 44:1

Oo Nyɔŋmɔ, wɔnu kɛ wɔtoi; wɔblematsɛmɛi lɛ egba wɔ nibii ni otsu yɛ amɛyinɔ, yɛ blema bei lɛ amli.

Yesaia 38:19

Hiɛkãalɔi hɛɛ, hiɛkãalɔi moŋ ji mɛi ni jieɔ oyi, tamɔ bɔ ni mifeɔ ŋmɛnɛ nɛɛ. Tsɛmɛi ni hãa bii leɔ onɔkwayeli lɛ.

Yoel 1:2

Nyɛ mɛi ni nyɛdara, nyɛboa toi, nyɛ Yuda shikpɔŋ lɛ nɔ bii fɛɛ, nyɛfea toi. Nɔ ni eba nɛɛ, ani eko eba dã yɛ nyɛyinɔ, loo yɛ nyɛtsɛmɛi ayinɔ tete?

Romabii 15:4

Ejaakɛ nibii abɔ ni aŋma ato momo lɛ, aŋma ni etsɔ̃ɔ wɔ nii, koni wɔkɛ hiɛmiamɔ kɛ ŋmalɛi lɛ amli miishɛjemɔ lɛ ana hiɛnɔkãmɔ.

1 Korintobii 10:11

Shi enɛɛmɛi fɛɛ ba amɛnɔ ni akɛto okadi ahã wɔ, ni aŋma ni akɛbɔ wɔ kɔkɔ, wɔ mɛi ni je lɛ naagbee bei lɛ enina wɔ lɛ.

5 Mose 32:7

“Nyɛkaia blema jeeŋmɔ ko lɛ, nyɛjwɛŋa yinɔi ni eho lɛ ahe; nyɛbia nyɛtsɛmɛi, ni amɛaagba nyɛ, kɛ nyɛnukpai lɛ hu, ni amɛaakɛɛ nyɛ.

5 Mose 4:32

“Nyɛbia blema gbii ni eho dani afɔ nyɛ lɛ mli sane akɛ kɛjɛ gbi nɔ ni Nyɔŋmɔ bɔ gbɔmɔ adesa yɛ shikpɔŋ lɛ nɔ nɛɛ lɛ, nɔ ko kpeteŋkple tamɔ nɛkɛ sane eba dã lo? Aloo nyɛbia kɛjɛa ŋwɛi naagbeehe kome kɛyashia ŋwɛi naagbeehe kome hu akɛ anu sane ko ni tamɔ enɛ dã lo?