Hiob 7:6 - ŊMALƐ KRƆŊKRƆŊ LƐ

⁶ Migbii lɛ hoɔ oyayaaya fe mamalolɔ akokrowa tete, ni amɛmiitã ni hiɛnɔkãmɔ ko bɛ.

Ṅmãle̱ Kroṅkroṅ Le̱

⁶ Mĩgbĩĩ le̱ hoo oyá fè mamalólo̱ akrokrowa, ni ame̱mītã, ni hĩeno̱kãmo̱ ko be. Ies. 38,12.

Hiob 7:6 ပူးပေါင်းရင်းမြစ်များ

Hiob 13:15

Naa, kɛji eeegbe mi tete lɛ, mibɛ sane ko; mibafã mijeŋba he yɛ ehiɛ kɛ̃.

Hiob 14:19

ni nu yeɔ tɛi ahe, ni eloɔ shikpɔŋ su kɛyaa lɛ, nakai ofiteɔ gbɔmɔ adesa hiɛnɔkãmɔ.

Hiob 16:22

Ejaakɛ biɛ afii fioo ko sɛɛ lɛ, mibaya he ni mikuŋ misɛɛ kɛjɛŋ kɛbaŋ dɔŋŋ.

Hiob 17:1

“Misusuma etɔ bahao; miwala gbii lɛ etã, gbonyobu miimɛ mi!

Hiob 17:11

Migbii lɛ eho etee; miyiŋtoi, ni ji nɔ ni mitsui shwe lɛ, fɛɛ efee yaka.

Hiob 17:15

no lɛ nɛgbɛ mihiɛnɔkãmɔ yɔɔ? Namɔ baana mihiɛnɔkãmɔ lɛ?

Hiob 17:16

Ani hiɛnɔkãmɔ hu aaaya Gbohiiaje? Ani wɔ kɛ lɛ fɛɛ baakpleke shi kɛya su mli lo?”

Hiob 19:10

Ekpãtã mihiɛ yɛ he fɛɛ he, ni egbe naa ehã mi; ni efo mihiɛnɔkãmɔ lɛ efɔ̃ shi tamɔ atoɔ tso.

Hiob 6:11

Mihewalɛ enyiɛ hewɔ ni mamia mihiɛ mamɛ? Mɛɛ ji minaagbee hewɔ ni mato mitsui shi?

Hiob 9:25

“Migbii lɛ ahe yɛ oya fe foijolɔ, amɛhoɔ amɛyaa, ni amɛnaaa nɔ kpakpa ko.

Lalai 102:11

Miwala gbii hoɔ tamɔ gbɛkɛnaashi hɔɔŋ ni migbi tamɔ jwɛi;

Lalai 144:4

Gbɔmɔ lɛ etamɔ kɔɔyɔɔ, egbii lɛ tamɔ hɔ̃ɔŋ ni hoɔ.

Abe̱i 14:32

Mɔ fɔŋ lɛ, enifɔjianii lɛ nɔŋŋ butuɔ lɛ; shi jalɔ lɛ, ejalɛ ji ebobaahe.

Yeremia 2:25

Israel, kwɛmɔ koni okahiɛ onane folo, asaŋ koni osɛ̃ŋ akagbi kɛ kumai. Shi okɛɛ akɛ, ‘Hiɛnɔkãmɔ ko bɛ? Ejaakɛ maŋsɛɛ nyɔŋmɔi misumɔɔ, ni amɛsɛɛ manyiɛ.’ ”

Efesobii 2:12

nyɛbɛ Kristo nakai be lɛ mli. Ni mɛi kpɔ̃ji ji nyɛ yɛ Israel maŋ biyeli gbɛfaŋ kɛ gbɔi yɛ kpãŋmɔi ni damɔ Nyɔŋmɔ shiwoo nɔ lɛ agbɛfaŋ hu, nyɛbɛ hiɛnɔkãmɔ ko, ni nyɛbɛ Nyɔŋmɔ tete yɛ je nɛɛŋ.

Yakobo 1:11

Ejaakɛ hulu teɔ shi kɛ jeŋ dɔlɛ, ni eŋãlaa jwɛi lɛ, ni efɔfɔi lɛ kpalaa shwieɔ shi, ni efɛo lɛ fiteɔ; nakai nɔŋŋ niiatsɛ lɛ hu hiɛ baakpãtã yɛ egbɛi lɛ anɔ.

Yakobo 4:14

tsɛ nyɛleee wɔ sane, mɛni ji nyɛwala lɛ? Eji lamɔ ni pueɔ be fioo ko, ni kɛ fee sɛɛ lɛ elaajeɔ.

1 Petro 1:13

No hewɔ lɛ, nyɛsaa nyɛjwɛŋmɔ, nyɛhiɛ akãa shi, ni nyɛkɛ nyɛhiɛ afɔa dromɔ ni akɛbaahã nyɛ yɛ Yesu Kristo kpojiemɔ mli lɛ nɔ kwraa.

1 Petro 1:24

Ejaakɛ, “Heloo fɛɛ tamɔ jwɛi, ni enunyam lɛ fɛɛ tamɔ jwɛiaŋ fɔfɔi. Jwɛi gbiɔ ni emli fɔfɔi lɛ kpalaa.