Hiob 7:18 - ŊMALƐ KRƆŊKRƆŊ LƐ

¹⁸ ni osaraa lɛ daa leebi, ni okaa lɛ okwɛɔ hiŋmɛitswaa fɛɛ hiŋmɛitswaa nɛɛ?

Ṅmãle̱ Kroṅkroṅ Le̱

¹⁸ Ši obasraäle̱ dã lebi, ni kpitiokpitio okaãle̱ okwe̱e̱ hũ.

Hiob 7:18 ပူးပေါင်းရင်းမြစ်များ

1 Mose 22:1

Saji nɛɛ asɛɛ lɛ eba mli akɛ Nyɔŋmɔ ka Abraham ni ekɛɛ lɛ akɛ, “Abraham!” Ni Abraham kɛɛ, “Naa mi!”

Hiob 14:3

Gbɔmɔ ni tamɔ nɛkɛ lɛ ona be ookwɛ lɛ, ni ootao okɛ lɛ aye sane lo?

Hiob 23:10

Shi Nyɔŋmɔ le minanefaamɔi fɛɛ; kɛji eka mi ekwɛ lɛ ebaana mi akɛ shika ŋmiiŋmi.

Lalai 73:14

Minaa nɔ daa jenamɔ, ni agbalaa mitoi daa leebi.

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

2 Mose 32:34

No hewɔ lɛ, agbɛnɛ, yaa ni oyakpala maŋ lɛ kɛya he ni mi kɛ bo ewie he eto lɛ. Naa, mibɔfo lɛ aaanyiɛ ohiɛ, shi moŋ kɛji gbi lɛ shɛ lɛ, mibagbala amɛtoi yɛ esha ni amɛfee lɛ hewɔ.”

Yesaia 26:14

Amɛgboi, ni amɛhiɛ etsɛ̃ŋ; amɛtsɔmɔ sisai ni eteŋ shi dɔŋŋ, ejaakɛ ogbala amɛtoi, ni okpãtã amɛhiɛ, ni akaiŋ amɛ dɔŋŋ.

Yeremia 9:7

No hewɔ lɛ, bɔ ni Yehowa, Taiatsɛ lɛ, kɛɔ nɛ, “Naa, matsuu amɛhe koni maka amɛ yɛ la mli makwɛ, ejaakɛ mɛni dɔŋŋ manyɛ mafee yɛ miwebii nɛɛ ahewɔ?

Daniel 12:10

Mɛi pii baatsuu amɛhe koni amɛyɛ futafuta ni amɛhe atse. Shi yitsoŋwalɔi lɛ ateŋ mɔ ko mɔ ko nuŋ shishi, ni amɛaaya nɔ amɛye yitsoŋwalɛ sane; shi nilelɔi lɛ, amɛ lɛ, amɛbaanu nɔ ni yaa nɔ lɛ shishi.

Zefania 3:5

Yehowa mɔ ni yɔɔ amɛteŋ yɛ maŋ lɛ mli lɛ, nɔ ni ja pɛ efeɔ; efeee nɔ ko ni ejaaa. Daa leebi lɛ efeɔ nɔ ni ja yɛ maŋ lɛ hiɛ, leebi ko kwraa bɛ ni efɔ̃ɔ jalɛ nii feemɔ. Shi nɔshafeelɔi lɛ ahiɛgble tɔ ejwa.

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

5 Mose 8:16

ni ekɛ mana ni nyɛtsɛmɛi lɛ tete leee lɛ, lɛ nyɛ yɛ shiaŋa lɛ nɔ koni ehã nyɛhumi shi, ni asaŋ koni ekɛka nyɛ ekwɛ, koni naagbee mli lɛ efee nyɛ ejurɔ.

1 Petro 1:7

No aaahã ana nyɛ hemɔkɛyeli salɛ lɛ akɛ ejara wa aahu fe shika ni fiteɔ ni aka yɛ la mli tete, kɛhã yijiemɔ kɛ woo kɛ anunyam yɛ Yesu Kristo kpojiemɔ lɛ mli.