Hiob 5:20 - ŊMALƐ KRƆŊKRƆŊ LƐ

²⁰ Hɔmɔ be mli lɛ ebaajie bo yɛ gbele mli, ni ta mli hu lɛ, oooje klante naa.

Ṅmãle̱ Kroṅkroṅ Le̱

²⁰ Hõmo̱ be mli le̱ eekpõo ke̱-adše̱ gbē-le mli, ni ta mli hũ le̱ ke̱-adše̱ klante deṅ.

Hiob 5:20 ပူးပေါင်းရင်းမြစ်များ

1 Mose 45:7

Shi Nyɔŋmɔ tsu mi kɛtsɔ̃ nyɛhiɛ koni ahã nyɛteŋ mɛi komɛi kɛ̃ ashwɛ yɛ shikpɔŋ lɛ nɔ koni ahere nyɛteŋ mɛi babaoo ayiwala ahã nyɛ.

1 Maŋtsɛmɛi 17:6

Kwãakwãalabitei lɛ yahãa lɛ aboloo kɛ loo daa leebi kɛ gbɛkɛ, ni faa lɛ mli nu lɛ ji nu ni enuɔ.

Lalai 118:18

Yehowa egbala mitoi waa moŋ, shi eŋɔko mi ehãko gbele.

Lalai 144:10

Bo ohãa maŋtsɛmɛi yeɔ kunim, ni ohereɔ otsulɔ David yiwala.

Lalai 27:3

Kɛji asafo ko gba ta ewo mi po, mitsui efaŋ. Kɛji ta te shi wo mi tete lɛ, no mli po lɛ, mana ekãa.

Lalai 33:19

Yehowa aaajie amɛ kɛaaje gbele mli, ni eeehã amɛyi ana wala yɛ hɔmɔ be mli.

Lalai 37:19

Fimɔ bei amli lɛ, amɛhiɛ gboŋ, ni hɔmɔ bei amli hu lɛ, amɛaatɔrɔ.

Lalai 49:7

Ekã shi faŋŋ akɛ mɔ ko mɔ ko nyɛŋ lɛ diɛŋtsɛ eyi nyɔmɔ ewo; aloo enyɛ ekpɔ̃ ehe yɛ Nyɔŋmɔ dɛŋ;

Abe̱i 10:3

Yehowa hãaa hɔmɔ aye jalɔi; shi nɔ ni efɔŋfeelɔi shweɔ akɛ amɛna lɛ, etswaa yɛ amɛdɛŋ.

Yesaia 33:16

lɛ ji mɔ ni baahi gɔji lɛ anɔ, ni tɛsai aaatsɔ̃ mɔji ahã lɛ. Ebaana nii eye, ni ebaana nu enu.

Yeremia 37:21

No hewɔ lɛ, Maŋtsɛ Zedekia fã, ni agbɛnɛ awo Yeremia kpabuŋ yɛ maŋtsɛ we lɛ hebulɔi lɛ akpo lɛ nɔ. Jɛi ehi, ni daa gbi lɛ ahãa lɛ aboloo akwaabɔ kome kɛjɛɔ abolooshãlɔi lɛ adɛŋ. Nɛkɛ ji bɔ ni afee aahu kɛyashi beyinɔ ni maŋ lɛ mli aboloo fɛɛ tã.

Yeremia 39:18

shi oyi baana wala, ni onyɔŋ yɛ ta lɛ naa, shi owala baatsɔ̃ tamɔ ta mli haanii ahã bo, ejaakɛ ohiɛ kã minɔ. Mi Yehowa, mikɛɛ.’ ”

Hosea 13:14

Mibahereŋ amɛ yɛ gbohiiaje dɛŋ; mibaŋ amɛyi yɛ gbele mli? Gbele, nɛgbɛ otsɛŋemɔ hela yɔɔ; ni Gbohiiaje, nɛgbɛ oniiahiɛkpãtãmɔ lɛ yɔɔ? Minaŋ gbɔmɛi nɛɛ mɔbɔ dɔŋŋ.

Habakuk 3:17

Eyɛ mli akɛ agbãmi tso gbaŋ afofro, ni yibii ehiŋ wain tsei anɔ; eyɛ mli akɛ mu tsei ayibii baafee yaka, ni anaŋ ŋmɔshi niyenii; eyɛ mli akɛ toi fɛɛ aaagboi, ni tsinai aaatã yɛ tsina tsui amli nɛ.

Mateo 24:6

Shi nyɛaanu tai kɛ tai atatsĩĩ ahe; nyɛkwɛa ni nyɛtsui akafãa; ejaakɛ esa akɛ nii nɛɛ fɛɛ aba mli, shi kɛ̃lɛ naagbee lɛ shɛko.