Hiob 42:9 - ŊMALƐ KRƆŊKRƆŊ LƐ

⁹ No hewɔ lɛ, Elifaz, Temannyo lɛ, kɛ Bildad, Shuhinyo lɛ, kɛ Zofar, Naamanyo lɛ, yiŋ amɛtee ni amɛyafee bɔ ni Yehowa kɛɛ amɛ lɛ; ni Yehowa mɔ Hiob faikpamɔ lɛ mli.

Ṅmãle̱ Kroṅkroṅ Le̱

⁹ Ke̱ke̱ ni Elifaz, Temannyo le̱, ke̱ Bildad, Šuhinyo le̱, ke̱ Zofar, Naamanyo le̱, yiṅ ame̱te ame̱yafe bo̱ni Iehowa kē̱-ame̱ le̱; ni Iehowa kwe̱ Hiob hĩe.

Hiob 42:9 ပူးပေါင်းရင်းမြစ်များ

1 Mose 20:17

Kɛkɛ ni Abraham kpa Nyɔŋmɔ fai, ni Nyɔŋmɔ tsa Abimelek kɛ eŋa kɛ eweyei lɛ, ni amɛfɔfɔɔ bii,

Hiob 2:11

Be ni nanemɛi etɛ̃ komɛi ni Hiob yɔɔ lɛ nu amanehulu fɛɛ ni eba Hiob nɔ lɛ he lɛ, amɛjɛjɛɛ amɛshihilɛhei amɛba Hiob ŋɔɔ. Enaanyo Elifaz jɛ Teman, ni Bildad jɛ Shua, ni Zofar jɛ Naama. Nanemɛi nɛɛ ye fua akɛ amɛaatee kutuu amɛyaye Hiob ŋkɔmɔ, ni amɛshɛje emii.

Hiob 22:27

Sɔlemɔ okpa lɛ fai ni eeebo bo toi; ni oooye oshiwoi lɛ anɔ.

Hiob 22:30

Ehereɔ mɔ ni efeko efɔŋ ko yiwala. Eeehere oyiwala kɛji ofeko esha.”

Hiob 42:10

Be ni Hiob ekpa fai ehã enanemɛi lɛ sɛɛ lɛ, Yehowa hã Hiob saa eshwere ekoŋŋ. Yehowa ku nii fɛɛ ni Hiob yɔɔ sa lɛ ebɔ he toi enyɔ ehã lɛ.

Hiob 42:8

No hewɔ lɛ, agbɛnɛ nyɛmɔmɔa tsinahii kpawo kɛ ojwɛnii hu kpawo kɛyaa mitsulɔ Hiob ŋɔɔ koni nyɛkɛyashãa shãa afɔle nyɛhãa nyɛhe. Mitsulɔ Hiob baakpa fai ehã nyɛ ni mibabo efaikpamɔ lɛ toi, ni mikɛ nyɛ yeŋ yɛ nyɛkooloofeemɔ lɛ naa, ejaakɛ nyɛwieee mihe bɔ ni ja tamɔ Hiob fee lɛ.”

Jajelɔ 9:7

Yaa nɔ oye oboloo kɛ miishɛɛ, ni onu owain hu kɛ mliflimɔ, ejaakɛ Nyɔŋmɔ ejɔɔ nɔ ni ofeɔ lɛ nɔ momo.

Yesaia 60:14

Mɛi ni wa bo yi lɛ abii lɛ hu aaaba abakoto bo; ni mɛi fɛɛ ni gbe ohe guɔ aaaba abakula onaji anaa. Amɛaatsɛ bo ‘Yehowa maŋ wulu,’ ‘Israel Mɔ Krɔŋkrɔŋ lɛ Zion lɛ.’

Ezekiel 14:14

kɛji nɛkɛ hii etɛ̃ nɛɛ, ni ji Noa kɛ Daniel kɛ Hiob, futu amɛ tete po lɛ, amɛkɛ amɛjalɛ lɛ aaahere amɛ pɛ amɛ diɛŋtsɛ amɛyiwala; Nuŋtsɔ Yehowa kɛɛ.

Mateo 7:24

“No hewɔ lɛ, mɔ fɛɛ mɔ ni nuɔ miwiemɔi nɛɛ ni eyeɔ nɔ lɛ, akɛ lɛ aaato nilelɔ ni ma etsu yɛ tɛsaa nɔ lɛ he.

Yohane 2:5

Enyɛ kɛɛ tsuji lɛ akɛ, “Nɔ fɛɛ nɔ ni eeekɛɛ nyɛ lɛ, nyɛfea.”

Bɔfoi 10:33

Kɛkɛ ni amrɔ lɛ nɔŋŋ mitsu oŋɔɔ, ni ofee jogbaŋŋ akɛ oba. No hewɔ lɛ, agbɛnɛ wɔ fɛɛ wɔyɛ biɛ yɛ Nyɔŋmɔ hiɛ koni wɔbo nibii fɛɛ ni Nyɔŋmɔ efã bo akɛ okɛɛ lɛ toi.”

Bɔfoi 9:6

Ni ekɛ hekpokpomɔ kɛ ŋmiŋmi kɛɛ akɛ, “Nuŋtsɔ, mɛni otaoɔ akɛ mifee?” Ni Nuŋtsɔ lɛ kɛɛ lɛ akɛ, “Tee shi ni oya maŋ lɛ mli, ni aaatsɔ̃ɔ bo nɔ ni sa akɛ ofee.”

Hebribii 11:8

Hemɔkɛyeli Abraham kɛbo toi be ni Nyɔŋmɔ tsɛ lɛ lɛ, ni eyiŋ etee he ni baatsɔ̃ enɔ lɛ, ni eyiŋ etee, tsɛ eleee he ni eyaa.