Hiob 4:11 - ŊMALƐ KRƆŊKRƆŊ LƐ

¹¹ Jata ni he wa gboɔ kɛ enaaa kooloo emɔ ni eye, ni jata yoo bii gbɛɔ shwãa.

Ṅmãle̱ Kroṅkroṅ Le̱

¹¹ Dšata ní he wa hĩe kpãtãa ye̱ ko-lo ní enáá emõ eye hewo, ni dšatayō bii gbe̱o̱ ſãa.

Hiob 4:11 ပူးပေါင်းရင်းမြစ်များ

1 Mose 49:9

Yuda lɛ, jata binuu ni; mibi yagbe milɛloo ni eku esɛɛ eeba! Eedɛkɛ shi, eebumɔ shi tamɔ jata, tamɔ jatayoo; namɔ aaanyɛ lɛ ajije?

Hiob 1:19

kɛkɛ ni ahum kpele ko tswa kɛjɛ shiaŋa lɛ nɔ gbɛ, ni ebabote shĩa lɛ mli, ni eshimɔ shĩa lɛ koji ejwɛ lɛ, ni eshĩa lɛ wule eshwie oblahii lɛ anɔ, ni amɛ fɛɛ amɛgboi; mikome too pɛ mihe je mli ni miba mibatswa bo adafi nɛɛ.”

Hiob 20:10

Ekɛ lɛ nɔŋŋ eniji baadãi enii ni ena kɛjɛ ohiafoi adɛŋ lɛ ehã amɛ. Ebii baatao koni ohiafoi ana amɛhe tsuijurɔ.

Hiob 29:17

Mikumɔ mɔfɔŋ lɛ nyanyɔji yɛ edaaŋ, ni ehã eŋmɛɛ nɔ ni kɔ̃ enaa ni eyaaye lɛ he efɔ̃ shi.

Hiob 38:39

Ani bo omiɔ milɛloo ohãa jata, aloo ohãa jatabii loo amɛyeɔ shɛɔ amɛnaa

Hiob 5:15

Ehereɔ awusai ayiwala kɛjeɔ mɛi fɔ̃ji adaaŋ, ni ehereɔ ohiafo yɛ yiwalɔ dɛŋ.

Hiob 5:4

Amɛbii kɛ shweshweeshwefeemɔ teŋ jɛkɛ, anaanaa amɛnɔ yɛ koishi, ni mɔ ko kwraa bɛ ni aaahere amɛ.

Lalai 34:10

Efĩɔ jatabii ni hɔmɔ yeɔ amɛ; shi mɛi ni taoɔ Yehowa sɛɛgbɛ lɛ, nɔ kpakpa ko ehiaŋ amɛ.

Lalai 34:11

Oo mibii, nyɛbaa, nyɛboa mi toi; mibatsɔ̃ɔ nyɛ bɔ ni asheɔ Yehowa gbeyei ahãa.

Lalai 7:2

Heremɔ mi koni henyɛlɔi lɛ akagbala mi kɛtee he ni jielɔ ko bɛ, ni amɛyatserɛ mimli tamɔ jata.

Yeremia 4:7

Jata ko efã kpo kɛjɛ ekoowie mli kɛmiiba, maji ahiɛkpãtãlɔ ko efã kɛmiiba; Eshi eshihilɛhe lɛ kɛmiiba, ni ebaakpãtã nyɛshikpɔŋ lɛ hiɛ, koni nyɛmaji lɛ atsɔ̃mɔ amaŋfɔ̃i, hei ni gbɔmɛi ehiŋ dɔŋŋ.

Hosea 11:10

“Mimɛi lɛ baanyiɛ, mi Yehowa, misɛɛ; beyinɔ ni mabo tamɔ jata lɛ amɛaaba kɛ hekpokpomɔ. Amɛhe aaakpokpo kɛaajɛ anaigbɛ kɛba.

4 Mose 23:24

Naa, Israel teɔ shi tamɔ jata yoo; ni ewoɔ ehe nɔ tamɔ jata nuu. Ebuuu shi, ja egbe ni eye, ni enu mɛi ni egbegbee alá etã dã.”

4 Mose 24:9

Edɛke shi; ebu shi tamɔ jata, tamɔ jatayoo; namɔ aaatsiɛ lɛ? Mɔ fɛɛ mɔ ni jɔɔ bo lɛ, aaajɔɔ lɛ, ni mɔ fɛɛ mɔ ni lomɔɔ bo lɛ, aaalomɔ lɛ.”

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.