Hiob 27:7 - ŊMALƐ KRƆŊKRƆŊ LƐ

⁷ Hã mihenyɛlɔ atsɔ̃ tamɔ yiwalɔ, ni hã mɔ ni teɔ shi ewoɔ mi lɛ atsɔ̃ tamɔ mɔ fɔŋ.

Ṅmãle̱ Kroṅkroṅ Le̱

⁷ Mihenye̱lo̱ le̱ aatšṍ tamo̱ mofõṅ, ni moni ete ši ewomi le̱ hũ aatšṍ tamo̱ nõšafelo̱!

Hiob 27:7 ပူးပေါင်းရင်းမြစ်များ

2 Samuel 18:32

Maŋtsɛ David bi Kushnyo lɛ akɛ, “Ani oblanyo Absalom lɛ yɛ jogbaŋŋ lo?” Kushnyo lɛ here nɔ, ni ekɛɛ, “Mina ni nɔ ni eba enɔ lɛ kulɛ nakai nɔ ko aba ohenyɛlɔi kɛ mɛi ni te shi amɛwo bo lɛ fɛɛ nɔ.”

Hiob 27:6

Mihiɛ mijalɛ lɛ mli kpɛŋŋ, ni miŋmɛŋ he; mihenilee ebuuu mi fɔ yɛ miwalaŋ gbii lɛ eko kwraa ahe.

Hiob 27:8

Ejaakɛ mɛni ji mɔ ni sheee Nyɔŋmɔ gbeyei lɛ hiɛnɔkãmɔ, be ni Nyɔŋmɔ efo ewala sɛɛ, ni eshɔ̃ ewala yɛ edɛŋ lɛ?

Hiob 31:35

Oo, mina mɔ ko ni aaabo mi toi! Naa, minine naa okadi! Ofe lɛ ahã mi hetoo! Oo, mina ni kulɛ mɔ ni kɛ mi ena lɛ eŋmala saji ni ekɛshiɔ mi lɛ ewo wolo hiɛ!

Daniel 4:19

Daniel ni atsɛɔ lɛ Belteshazar hu lɛ he jɔ̃ ehe be kplaŋŋ, ni ehao. Maŋtsɛ lɛ kɛɛ lɛ akɛ, “Belteshazar, kaahã lamɔ lɛ loo eshishitsɔ̃ɔmɔ lɛ miihao bo.” Belteshazar here nɔ, ni ekɛɛ akɛ, “Minuŋtsɔ, mina ni kulɛ lamɔ nɛɛ kɛ eshishitsɔ̃ɔmɔ lɛ kɔɔ ohenyɛlɔi ahe, shi jeee bo.

1 Samuel 25:26

Minuŋtsɔ, mina Yehowa kɛ bo diɛŋtsɛ hu akɛ beiaŋ ni Yehowa etsi onaa koni okaye lá ko yi sɔ̃, asaŋ ni okɛ onine akatɔ bo diɛŋtsɛ ohe owele lɛ, ohenyɛlɔi kɛ mɛi fɛɛ ni taoɔ bo efɔŋ lɛ aaatsɔ̃mɔ kwashiai tamɔ Nabal.