Hiob 27:5 - ŊMALƐ KRƆŊKRƆŊ LƐ

⁵ Enɛ akagbale mi akɛ mabu nyɛ bem; kɛyaashi magbo lɛ, miŋmɛŋ mibemyeli lɛ he.

Ṅmãle̱ Kroṅkroṅ Le̱

⁵ Ene̱ akagbalemi ake̱ mabunye bem; mibemyeli le̱ miṅmẽṅ he ke̱-yaši beyino̱ ni magbo.

Hiob 27:5 ပူးပေါင်းရင်းမြစ်များ

Hiob 13:15

Naa, kɛji eeegbe mi tete lɛ, mibɛ sane ko; mibafã mijeŋba he yɛ ehiɛ kɛ̃.

Hiob 17:9

Kɛ̃lɛ jalɔ lɛ fiɔ shi yɛ egbɛ lɛ nɔ, ni mɔ ni niji ahe tse hewalɛ shwereɔ kɛyaa naanɔ.

Hiob 2:3

Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ, ni anɔkwafo ni, ni esheɔ Nyɔŋmɔ gbeyei, ni ewiɔ ehe yɛ efɔŋ he; ni shwamɔ ko bɛ ehe, ni efeɔ nɔ ni ja? Ehiɛ enɔkwayeli lɛ mli kpɛŋŋ lolo tsɛbelɛ ohã mite shi miwo lɛ koni mikpãtã ehiɛ yakatswaa!”

Hiob 2:9

Hiob ŋa bi lɛ akɛ, “Ohiɛ anɔkwayeli nɛɛ mli kpɛŋŋ lolo? Mɛɛba okwaaa Nyɔŋmɔ koni ogbo?”

Hiob 29:14

Jalɛ ji mimama ni mibuɔ, ni mijalɛ saneyeli ji mitade kɛ akekre.

Hiob 31:6

no lɛ Nyɔŋmɔ kɛ nsɛni ni ja aŋmɛ mi koni ena akɛ kpako bɛ mihe.

Hiob 31:7

Kɛji migba afã yɛ minyiɛmɔŋ, ni mitsui eyadi mihiŋmɛi sɛɛ, ni muji ko kpɛtɛ miniji ahe lɛ,

Hiob 32:1

Kɛkɛ ni hii etɛ̃ lɛ fɔ̃ɔ Hiob hetoohãmɔ, ejaakɛ amɛna akɛ Hiob wiemɔ lɛ miitsɔ̃ɔ akɛ efeko nɔ fɔŋ ko.

Hiob 32:2

Kɛkɛ ni Elihu, Buznyo Barakel ni jɛ Ram weku lɛ mli lɛ, mli wo la. Emli wo la ewo Hiob, ejaakɛ Hiob bu ehe jalɔ ni eshwa Nyɔŋmɔ.

Hiob 32:3

Emlifu Hiob nanemɛi etɛ̃ lɛ hu, ejaakɛ amɛnaaa hetoo ko amɛhã Hiob, tsɛbelɛ amɛtsɔ̃ hiɛ amɛbua he akɛ Hiob yeɔ fɔ.

Hiob 33:9

Okɛɛ akɛ, ‘Mihe tse, tɔ̃mɔ ko bɛ mihe; miyeɔ bem, ni mifeko esha ko.

Hiob 42:7

Be ni Yehowa kɛ Hiob ewie nɛkɛ sɛɛ lɛ, Yehowa kɛɛ Elifaz, Temannyo lɛ, akɛ, “Mimli ewo bo kɛ onanemɛi enyɔ lɛ fɛɛ ala, ejaakɛ nyɛwieee mihe bɔ ni ja tamɔ mitsulɔ Hiob fee lɛ.

Hiob 6:29

Nyɛfainɛ, awa jɛi! Nyɛkafea esha; awa jɛi, misane lɛ ja.

Abe̱i 17:15

Mɔ ni buɔ efɔŋfeelɔ bem, kɛ mɔ ni buɔ jalɔ fɔ lɛ, Yehowa miihi amɛyi enyɔ lɛ fɛɛ.

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

Galatabii 2:11

Shi be ni Kefa ba Antiokia lɛ midamɔ ehiɛ miku enaa, ejaakɛ eye sane ni ejaaa.

5 Mose 25:1

“Kɛji mɛi enyɔ miibe, ni amɛkɛ amɛsane lɛ tee kojomɔhe koni akojo lɛ, mɔ ni yeɔ bem lɛ abu lɛ bem, ni mɔ ni yeɔ fɔ lɛ abu lɛ fɔ.