Hiob 27:2 - ŊMALƐ KRƆŊKRƆŊ LƐ

² “Mina Nyɔŋmɔ hiɛkãalɔ lɛ, mɔ ni tswa misane lɛ efɔ̃ lɛ, kɛ Ofe lɛ, mɔ ni hã miwerɛ ho mihe lɛ, akɛ,

Ṅmãle̱ Kroṅkroṅ Le̱

² Gbĩĩabo̱ kẽ ní Mawu ní tſa misane le̱ fõ le̱, ke̱ Ofe le̱ ní hã misusuma w̌ere̱ ho ehe le̱ hĩe kã ne̱: —

Hiob 27:2 ပူးပေါင်းရင်းမြစ်များ

2 Samuel 2:27

Yoab hã Abner hetoo ekɛɛ, “Mina Nyɔŋmɔ akɛ kɛjeee wiemɔ ni owie nɛɛ hewɔ ni kulɛ ja wɔ leebi dani miwebii lɛ baafɔ̃ɔ amɛnyɛmimɛi lɛ asɛɛnyiɛmɔ.”

1 Maŋtsɛmɛi 17:1

Gbalɔ ko ni gbɛi ji Elia, Tishbinyo ni ejɛ Gilead, lɛ kɛɛ Maŋtsɛ Ahab akɛ, “Miikɛɛ bo, yɛ Yehowa, Israel Nyɔŋmɔ hiɛkãalɔ lɛ, mɔ ni misɔ̃mɔɔ lɛ, gbɛi mli akɛ bɔ enyɔŋ, ni nu hu enɛŋ kɛyashi biɛ afii enyɔ loo afii etɛ̃, bɛja mi, miwie dã.”

1 Maŋtsɛmɛi 18:15

Elia hã hetoo ekɛɛ, “Mina Yehowa hiɛkãalɔ, Ofe lɛ, mɔ ni misɔmɔɔ lɛ, akɛ bɔ fɛɛ bɔ ni fee lɛ mikɛ mihe baatsɔ̃ɔ Ahab ŋmɛnɛ gbi nɛɛ.”

2 Maŋtsɛmɛi 4:27

Be ni Shunamyoo lɛ shɛ Nyɔŋmɔ gbɔmɔ lɛ ŋɔɔ yɛ gɔŋ lɛ nɔ lɛ, ebamɔmɔ enaji amli. Kɛkɛ ni Gehazi tsi bɛŋkɛ koni etsi lɛ kɛya sɛɛ. Shi Nyɔŋmɔ gbɔmɔ lɛ kɛɛ akɛ, “Ŋmɛɛ lɛ gbɛ ni emɔ mimli, ejaakɛ esusuma ehao naakpa yɛ emli; ni Yehowa kɛtee mi, ni ejieko etsɔ̃ko mi.”

Hiob 10:3

Aso eja gbɛ yɛ ohiɛ, akɛ owa mɔ yi, ni onyaŋe bo diɛŋtsɛ oninenaa nitsumɔnii. Ni ona mɛi fɔ̃ji ayiŋtoi moŋ ahe tsuijurɔ lo?

Hiob 16:11

Nyɔŋmɔ eŋɔ mi ehã mɛi fɔ̃ji, ni etu mi ewo yiwalɔi adɛŋ.

Hiob 19:6

no lɛ nyɛnaa nyɛlea akɛ Nyɔŋmɔ ni ebu mi fɔ, ni ekɛ eyaa lɛ ebɔle mi kɛsa miyi.

Hiob 23:16

Nyɔŋmɔ ehã mitsui efã; Ofe lɛ ewo mihe gbeyei,

Hiob 34:5

Ejaakɛ Hiob ekɛɛ akɛ, ‘Miyeɔ bem’ shi Nyɔŋmɔ kɛ mi yeee yɛ jalɛ naa;

Hiob 35:2

“Aso osusuɔ akɛ eja gbɛ akɛ oookɛɛ akɛ Nyɔŋmɔ hiɛ lɛ tɔ̃mɔ ko bɛ ohe,

Hiob 40:8

Aso ooka ni otsɔ̃ɔ akɛ mitɔ̃? Oobu mi fɔ koni oye bem?

Hiob 9:17

Ejaakɛ ekɛ ahum kumɔɔ mi, ni ehãa mifaji lɛ faa yakatswaa.

Hiob 9:18

Ehãaa mana mumɔhe, shi ewoɔ mi jaramɔ moŋ.

Yesaia 40:27

Ao Israel, mɛɛba okɛɔ akɛ, “Yehowa leee mihaomɔi, ni miNyɔŋmɔ lɛ kwɛɛɛ koni aye mi jalɛ sane” lɛ?

Yeremia 12:16

Ni kɛji be ni aaashɛ nakai be lɛ amɛkase mimɛi lɛ ajeŋba, ni amɛkɛ migbɛi aaakã kitã akɛ, ‘Mina Yehowa, tamɔ bɔ ni amɛtsɔ̃ɔ mimaŋbii lɛ Baal gbɛi kɛ kitãkãmɔ lɛ, no lɛ mibaŋɔ amɛ mashi mimɛi lɛ anɔ.’

Yeremia 4:2

ni kɛji okã kitã akɛ, ‘Mina Yehowa’ kɛ onɔkwale fɛɛ, ni okojo yɛ jalɛ naa, ni ohi shi krɔŋŋ lɛ, no lɛ jeŋ maji lɛ aaayɔse amɛjɔɔmɔ yɛ Yehowa mli, ni amɛaajie mi, Yehowa, miyi.”

Yeremia 5:2

Tsɛbelɛ amɛkɛɔ akɛ, “Wɔna Yehowa” shi amale kitã amɛkãa lɛ.

Ezekiel 33:11

Kɛɛmɔ amɛ akɛ gbii abɔ ni mi, mi ji Nyɔŋmɔ Hiɛkãalɔ lɛ nɛɛ, minaaa efɔŋfeelɔ gbele he miishɛɛ; shi moŋ minaa miishɛɛ kɛji efɔŋfeelɔ tsake ejeŋba, ni eyi na wala. Ao Israel we, nyɛkpalea, nyɛkpalea kɛjea nyɛgbɛi fɔ̃ji lɛ anɔ koni nyɛyi ana wala. Mɛni hewɔ nyɛaagboi?

4 Mose 14:21

Shi moŋ anɔkwale sane kome ji akɛ gbii abɔ ni mihiɛ kã nɛɛ, ni asaŋ mi, Yehowa, minunyam lɛ eyi shikpɔŋ lɛ nɔ obɔ̃ lɛ,

Rut Wolo Lɛ 3:13

Hii shi ni je atsɛre. Kɛji je tsɛre ni eeefee niyelɔ gbɛnaanii lɛ ehã bo lɛ, ehi; shi kɛji esumɔɔɔ akɛ efee lɛ, no lɛ gbii abɔ kɛ̃ ni Yehowa hiɛ kã nɛɛ mafee. Kã shi ni je atsɛre.”

1 Samuel 14:39

Mina Yehowa, Israel yiwalaherelɔ lɛ, kɛji mibi Yonatan tete ni fee esha nɛɛ lɛ ja egbo.” Shi tabilɔi lɛ ateŋ mɔ ko mɔ ko hãaa hetoo.

1 Samuel 14:45

Shi maŋbii lɛ kɛɛ Saul akɛ, “Yonatan baagbo lo? Lɛ mɔ ni eye kunim kpeteŋkple nɛkɛ nɛɛ ehã Israel lɛ? Akaba mli nakai! Wɔna Yehowa akɛ Yonatan yiteŋ tsɔi kome nɛkɛ efaŋ egbeŋ shi, ejaakɛ Nyɔŋmɔ ni kɛ lɛ tsu nɔ ni etsu ŋmɛnɛ nɛɛ lɛ.” Biɛ tsɔ̃ ni maŋbii lɛ here Yonatan yiwala kɛje gbele mli.

1 Samuel 20:21

Kɛkɛ lɛ mibatsu oblanyo fioo ko, ni makɛɛ lɛ akɛ, ‘Yaatao gãii lɛ kɛba.’ Kɛji mikɛshi sɛɛ fee sɛɛ akɛ, ‘Okwɛɛɛ, gãii lɛ yɛ obiɛgbɛ moŋ, kɔlɔmɔ kɛba lɛ,’ no tsɔ̃ɔ akɛ oba, ejaakɛ mina Nyɔŋmɔ akɛ sane fɔŋ ko yeŋ bo, ni obaafee shweshweeshwe.

1 Samuel 25:26

Minuŋtsɔ, mina Yehowa kɛ bo diɛŋtsɛ hu akɛ beiaŋ ni Yehowa etsi onaa koni okaye lá ko yi sɔ̃, asaŋ ni okɛ onine akatɔ bo diɛŋtsɛ ohe owele lɛ, ohenyɛlɔi kɛ mɛi fɛɛ ni taoɔ bo efɔŋ lɛ aaatsɔ̃mɔ kwashiai tamɔ Nabal.

1 Samuel 25:34

Anɔkwa, mina Yehowa Israel Nyɔŋmɔ lɛ, mɔ ni tsi minaa ni mifeko bo efɔŋ ko nɛɛ, akɛ eji ohe efeee oya koni okɛ mi abakpe kulɛ wɔ be ni je aaatsɛre lɛ eshwɛŋ nuu kome nɛkɛ hiɛkãalɔ ehaŋ Nabal!”