Hiob 24:1 - ŊMALƐ KRƆŊKRƆŊ LƐ

¹ “Mɛɛba Ofe lɛ etooo be pɔtɛ̃ɛ ni ekojoɔ, ni mɛɛba mɛi ni sɔmɔɔ lɛ tete leee ekojomɔ bei lɛ?

Ṅmãle̱ Kroṅkroṅ Le̱

¹ Mẽhewo̱ ni Ofe le̱ etoo be ehãã nyõmo̱wo, ni mei ni lele̱ le̱ enaa egbĩĩ le̱?

Hiob 24:1 ပူးပေါင်းရင်းမြစ်များ

1 Mose 18:17

Ni Yehowa kɛɛ akɛ, “Mikɛ nɔ ni mibafee nɛɛ eteŋ Abraham.

1 Mose 7:4

Shi eshwɛ gbii kpawo ni mahã nu aba abanɛ yɛ shikpɔŋ lɛ nɔ shwaneshwane kɛ nyɔɔŋnyɔɔŋ fɛɛ gbii nyɔŋmai ejwɛ, ni makpãtã nɔ fɛɛ nɔ ni hiɛ kã ni mibɔ lɛ hiɛ yɛ shikpɔŋ lɛ nɔ.”

Hiob 15:20

Yiwalɔ, mɔ ni waa mɛi krokomɛi ayi lɛ, piŋɔ ewala gbii abɔ fɛɛ.

Lalai 31:15

Miwala be lɛ yɛ odɛ̃ŋ; jiemɔ mi kɛje mihenyɛlɔi kɛ mɛi ni waa mi yi lɛ adɛŋ.

Lalai 36:10

Oo, hã osuɔmɔ ni tsakeee lɛ ahi shi daa ahã mɛi ni le bo, ni oyiwalaheremɔ lɛ hu ahi shi daa ahã mɛi ni ja kɛmɔ shi lɛ.

Lalai 9:10

Ni mɛi ni le ogbɛi lɛ ŋɔɔ amɛhiɛ amɛfɔ̃ɔ onɔ; ejaakɛ bo Yehowa, okwaaa mɛi ni taoɔ osɛɛgbɛ lɛ.

Jajelɔ 3:17

Mikɛɛ mihe akɛ, “Nyɔŋmɔ baakojo jalɔ lɛ kɛ mɔ fɔŋ lɛ fɛɛ, ejaakɛ eto be ehã sane fɛɛ sane kɛ nitsumɔ fɛɛ nitsumɔ.”

Yesaia 2:12

Ejaakɛ Yehowa, Taiatsɛ lɛ, yɛ gbi ko ni eto ni ekɛbaaba ntɛŋfeemɔ kɛ henɔwomɔ kɛ hetsɔ̃ɔmɔ fɛɛ shi.

Yesaia 60:22

Mɔ bibioo fe fɛɛ lɛ aaatsɔ̃ weku muu, ni weku bibioo lɛ aaatsɔ̃ jaku muu. Kɛji be lɛ shɛ lɛ, Mi, Yehowa, maha eba mli oya.”

Yeremia 46:10

Nuŋtsɔ Nyɔŋmɔ, Yehowa Taiatsɛ lɛ, gbi nɛ, gbi nɛɛ ji oweletɔɔ gbi ni ekɛbaatɔ ehe owele yɛ ehenyɛlɔi lɛ anɔ. Klante baaye nii ni etɔ, klante baanu lá ni etɔ lɛ dãa, ejaakɛ Nuŋtsɔ Nyɔŋmɔ Taiatsɛ lɛ miigbe ehenyɛlɔi tamɔ afɔle kooloi yɛ kooyigbɛ shikpɔŋ lɛ nɔ yɛ Eufrate Faa lɛ he.

Daniel 2:21

Lɛ etsakeɔ bei kɛ yinɔi lɛ; ekpaa maŋtsɛmɛi, ni etoɔ maŋtsɛmɛi. Lɛ eduroɔ jwɛŋmɔ, ni eduroɔ nilelɔi niiashishinumɔ;

Obadia 1:15

“Ejaakɛ be lɛ eshɛ etã, be ni, mi, Yehowa mibakojo majimaji lɛ. Bɔ ni ofee lɛ, nakai aaafee bo, Esau. Onifeemɔnii lɛ baaku sɛɛ abawula oyiteŋ.

Zefania 1:7

Naa, Yehowa gbi lɛ eshɛ etã, no hewɔ lɛ, nyɛfea diŋŋ yɛ ehiɛ. Yehowa esaa afɔle lɛ eto, ni etsuu emɛi ni ekpee lɛ ahe.

Mateo 24:38

Ejaakɛ bɔ ni eyɔɔ yɛ gbii ni nyiɛ nu afua lɛ hiɛ lɛ amli, ni mɛi lɛ hiɛ niyeli kɛ ninumɔ kɛ yooŋɔɔ kɛ gbãlãhamɔ mli aahu kɛyashi gbi ni Noa yabote adeka lɛ mli,

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Bɔfoi 1:7

Shi Yesu kɛɛ amɛ akɛ, “Jeee nyɛnɔ ji akɛ nyɛaale bei loo gbii lɛ ni Tsɛ lɛ eto yɛ lɛ diɛŋtsɛ ehewalɛ mli lɛ.

Bɔfoi 17:26

ni lá kome ekɛbɔ gbɔmɛi adesai fɛɛ, ni amɛhi shikpɔŋ lɛ fɛɛ nɔ, ni yinɔi ni eto lɛ kɛ amɛshihilɛhei lɛ ahusui lɛ ekpɛ mli eto momo,

Romabii 2:5

Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;

1 Tesalonikabii 5:1

Shi anyɛmimɛi, nɔ ni kɔɔ gbii lɛ kɛ bei lɛ ahe lɛ, ehe ehĩaaa akɛ aŋma nyɛ.

1 Timoteo 4:1

Shi Mumɔ lɛ kɛɔ faŋŋ akɛ naagbee gbii lɛ amli lɛ mɛi komɛi aaakwa hemɔkɛyeli lɛ, ni amɛaabo lakamɔ mumɔi kɛ mumɔi fɔ̃ji atsɔ̃ɔmɔi atoi

1 Timoteo 6:15

nɔ ni nɔyelɔ kome ni yɔɔ hewalɛ ni ajɔɔ lɛ, maŋtsɛmɛi aMaŋtsɛ kɛ nuŋtsɔmɛi aNuŋtsɔ lɛ baahã aba mli yɛ lɛ diɛŋtsɛ ebe ni sa mli lɛ.

2 Petro 2:3

Ni amɛkɛ hiɛjoomɔ kɛ shishiumɔ wiemɔi aaatao ni amɛna nyɛhe sɛɛ. Shi kojomɔ ni kã shi hã amɛ kɛjɛ blema beebe lɛ aaaba amɛnɔ, ni amɛhiɛkpãtãmɔ lɛ wɔɔɔ!