Hiob 2:3 - ŊMALƐ KRƆŊKRƆŊ LƐ

³ Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ, ni anɔkwafo ni, ni esheɔ Nyɔŋmɔ gbeyei, ni ewiɔ ehe yɛ efɔŋ he; ni shwamɔ ko bɛ ehe, ni efeɔ nɔ ni ja? Ehiɛ enɔkwayeli lɛ mli kpɛŋŋ lolo tsɛbelɛ ohã mite shi miwo lɛ koni mikpãtã ehiɛ yakatswaa!”

Ṅmãle̱ Kroṅkroṅ Le̱

³ Ni Iehowa kē̱ satan ake: Ani oṅõ otšui ofõ mitšũlo̱ Hiob hũ no̱ lo? Edšake̱ mokomoko be̱ ni tamo̱le̱ ye̱ šikpoṅ le̱ no̱, edši nū *ni kpa ko be̱ ehe ni edša, ešeo̱ Nyoṅmo̱ gbeyei, ni eso̱leo̱ ehe ye̱ efõṅ he; ni asaṅ ehĩe eno̱kwayeli le̱ mli kpẽṅṅ lolo, tše̱ ohã mite ši míwole̱ ní mikpãtã ehĩe yakatſā! *1,1.

Hiob 2:3 ပူးပေါင်းရင်းမြစ်များ

1 Mose 6:9

Mɛnɛɛmɛi ji Noa shwiei lɛ. Noa ji jalɔ ni eye emuu yɛ eyinɔbii lɛ ateŋ; ni efeɔ Nyɔŋmɔ suɔmɔnaanii.

2 Samuel 20:20

Yoab here yoo lɛ nɔ, ni ekɛɛ, “Kpaoo! Enɛ akagbale mi fɔ̃ŋfɔ̃ akɛ makpãtã nyɛmaŋ lɛ hiɛ?

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Hiob 1:11

Shi agbɛnɛ bo lɛ kpã onine mli ofite enii ni eyɔɔ lɛ, koni okwɛ akɛ ekwaŋ bo yɛ ohiɛ lo.”

Hiob 1:6

Be ko lɛ ŋwɛi bɔfoi lɛ ni sɔmɔɔ Nyɔŋmɔ yɛ ŋwɛi lɛ tee Nyɔŋmɔ hiɛ. Abonsam futu amɛ kɛtee, ni lɛ hu eyadamɔ Nyɔŋmɔ hiɛ eko.

Hiob 1:8

Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ ni eji nuu anɔkwafo ni sheɔ Nyɔŋmɔ gbeyei, ni ewiɔ ehe yɛ efɔŋ he, ni shwamɔ ko bɛ ehe, ni efeɔ nɔ ni ja?”

Hiob 13:15

Naa, kɛji eeegbe mi tete lɛ, mibɛ sane ko; mibafã mijeŋba he yɛ ehiɛ kɛ̃.

Hiob 2:2

Yehowa bi Abonsam akɛ, “Nɛgbɛ ojɛ obaa nɛ?” Abonsam to he akɛ, “Mijɛ shikpɔŋ lɛ nɔ; miyakpa nɔ; ni miyashara shi yɛ nɔ.”

Hiob 2:4

Abonsam to he hã Yehowa akɛ, “Gbɔmɔ baaŋmɛɛ nii fɛɛ ni eyɔɔ he bɔ ni afee kɛkɛ ni eyi ana wala.

Hiob 9:17

Ejaakɛ ekɛ ahum kumɔɔ mi, ni ehãa mifaji lɛ faa yakatswaa.

Hiob 9:20

Yɛ mli akɛ tɔ̃mɔ ko bɛ mihe, kɛ̃lɛ mi diɛŋtsɛ minaa wiemɔ baabu mi fɔ. Shwamɔ ko bɛ mihe moŋ nɛ, shi eeetsɔ̃ɔ akɛ mihiii.

Lalai 26:1

Oo Yehowa, buu mi bem, ejaakɛ miiba mijeŋ jogbaŋŋ, ni mikɛ mihiɛ fɔ̃ɔ Yehowa nɔ kwraa ni migbaŋ afã.

Lalai 37:37

Kadimɔ mɔ ni hi kɛwula shi; ni okwɛ mɔ ni ja; toiŋjɔlɛ gbɔmɔ lɛ eshwiei shwereɔ babaoo.

Lalai 41:12

Owoɔ minɔ, ejaakɛ mifeɔ nɔ ni ja; ni oto mi yɛ ohiɛ kɛmiiya naanɔ.

Abe̱i 11:8

Ajieɔ jalɔi kɛjɛɔ haomɔ mli; shi mɛi fɔ̃ji yanyɔɔ haomɔ mli.

Abe̱i 13:6

Jalɛ buɔ mɔ ni baa ejeŋ jogbaŋŋ he; shi eshafeemɔ butuɔ mɔ fɔŋ.

Abe̱i 14:2

Mɔ ni sheɔ Yehowa gbeyei lɛ efeɔ jalɛnii; shi mɔ ni gbeɔ Yehowa he guɔ lɛ efeee jalɛ nii.

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Abe̱i 16:17

Jalɔi agbɛ gbaa kɛjeɔ efɔŋ he; mɔ ni kwɛɔ ejeŋba jogbaŋŋ lɛ, ebaa ewala yi.

Yohane 9:3

Yesu here nɔ ekɛɛ, “Jeee esha ni mɔ nɛ loo efɔlɔi fee hewɔŋ, shi moŋ bɔ ni afee ni Nyɔŋmɔ nitsumɔi lɛ ana aje kpo yɛ emli.

Filipibii 3:12

Jeee akɛ minine eshɛ nɔ momo aloo mihi kɛwula shi momo, shi miipele mihiɛ gbɛ ni minine ashɛ nɔ, gbii abɔ ni Kristo Yesu nine eshɛ mi hu minɔ lɛ.

Yakobo 1:12

Ajɔɔ gbɔmɔ ni miaa ehiɛ yɛ kaa mli lɛ, ejaakɛ kɛ aka lɛ ni esa lɛ, eeena wala akekre ni Nuŋtsɔ lɛ ewo mɛi ni sumɔɔ lɛ lɛ shi yɛ he lɛ.

1 Petro 1:7

No aaahã ana nyɛ hemɔkɛyeli salɛ lɛ akɛ ejara wa aahu fe shika ni fiteɔ ni aka yɛ la mli tete, kɛhã yijiemɔ kɛ woo kɛ anunyam yɛ Yesu Kristo kpojiemɔ lɛ mli.

1 Petro 5:10

Shi dromɔ fɛɛ Nyɔŋmɔ ni tsɛ nyɛ kɛba enaanɔ anunyam lɛ mli yɛ Kristo Yesu mli lɛ, kɛ nyɛna amanehulu fioo nɛɛ etã lɛ, lɛ diɛŋtsɛ eeesaa nyɛ pɛ, ni eeewaje nyɛ, ni eeewo nyɛ hewalɛ ni eeehã nyɛfi shi shiŋŋ.