Hiob 18:7 - ŊMALƐ KRƆŊKRƆŊ LƐ

⁷ Enaji ni efamɔɔ waawaa lɛ nɔ baagbɔ, ni lɛ diɛŋtsɛ eyiŋtoi baatsi lɛ atswa shi.

Ṅmãle̱ Kroṅkroṅ Le̱

⁷ Enãdšifãmo̱i ni mli wa le̱ amli elē̱ṅ doṅṅ, ni le̱dientše̱ eṅāwō le̱ aatšile̱ atſa ši.

Hiob 18:7 ပူးပေါင်းရင်းမြစ်များ

2 Samuel 15:31

Ni mɔ ko bagba Maŋtsɛ David akɛ Ahitofel hu shi maŋjwalɔi lɛ anɔ. Kɛkɛ ni David sɔle ekpa Yehowa fai, ni ekɛɛ, “Oo, Yehowa, miikpa bo fai, hã ŋaa fɛɛ ŋaa ni Ahitofel baawo lɛ atsɔ̃ kwashiai aŋaa.”

2 Samuel 17:14

Absalom kɛ Israelbii lɛ fɛɛ kɛɛ akɛ, “Hushai, Arkinyo lɛ ŋaawoo lɛ hi fe Ahitofel nɔ lɛ.” Ejaakɛ Yehowa eto akɛ akaye Ahitofel ŋaawoo kpakpa lɛ nɔ bɔ ni afee ni Yehowa ahã nɔ fɔŋ aba Absalom nɔ.

2 Maŋtsɛmɛi 6:11

Enɛ ye Siria maŋtsɛ lɛ tsui naakpa; no hewɔ lɛ, etsɛ etsuji lɛ, ni ebi amɛ akɛ, “Aso nyɛtsɔ̃ŋ mi wɔteŋ mɔ ni yɔɔ Israel maŋtsɛ lɛ gbɛfaŋ lo?”

Hiob 15:6

Bo diɛŋtsɛ odaaŋ wiemɔ miibu bo fɔ, shi jeee mi; bo diɛŋtsɛ odaaŋ wiemɔ miiye odase miishi bo.

Hiob 20:22

Enii ni ena babaoo lɛ mli po, eeefĩ lɛ, ni hejaramɔ ni baaba enɔ lɛ naa baawa pam.

Hiob 36:16

Nyɔŋmɔ jie bo kɛje jaramɔ mli kɛba he ko ni ohe jɔ bo yɛ, ni okplɔ̃ lɛ nɔ eyi tɔ kɛ niyenii.

Lalai 18:36

Ohãa mifamɔɔ minaji zãaŋzãaŋ, ni mishaneee.

Lalai 33:10

Yehowa hãa majimaji lɛ ayiŋtoi lɛ feɔ yaka; ni etswaa ayiŋtoi lɛ efɔ̃ɔ.

Abe̱i 11:5

Jalɔ lɛ enɔkwayeli hãa egbɛ jaa ehãa lɛ; shi mɔ fɔŋ lɛ, enifɔjianii lɛ gbeɔ lɛ shi.

Abe̱i 29:6

Efɔŋfeelɔ lɛ, lɛ diɛŋtsɛ ehe esha nɔŋŋ duɔ lɛ tsɔne; shi jalɔ lɛ, elaa, ni enyaa.

Abe̱i 4:12

Kɛji onyiɛ gbɛi nɛɛ anɔ lɛ onane etɔ̃tɔ̃ŋ, ni kɛji ojo foi yɛ nɔ po, otɛŋ.

Hosea 10:6

Anɔkwa, abaawo shika tsinabi lɛ kɛya koni akɛyake Asiria maŋtsɛ kpele lɛ. Ni no baahã hiɛgbele amɔ Israel, ni ehiɛ baashwie shi yɛ ŋaa gbonyo toi ni ebo lɛ hewɔ.

1 Korintobii 3:19

Ejaakɛ je nɛɛ mli nilee lɛ ji kwashiai asane yɛ Nyɔŋmɔ hiɛ. Ejaakɛ aŋma akɛ, “Emɔɔ nilelɔi lɛ yɛ amɛŋaa fɔŋ lɛ mli.”