Hiob 11:6 - ŊMALƐ KRƆŊKRƆŊ LƐ

⁶ koni egbele teemɔŋ nilee hiɛ etsɔ̃ɔ bo, ejaakɛ enilee yɛ naakpɛɛ. Na ole akɛ Nyɔŋmɔ kɛ bo yeko bɔ ni sa otɔ̃mɔ lɛ.

Ṅmãle̱ Kroṅkroṅ Le̱

⁶ ni edšadše *nilē mli tēmo̱sãdši etšõo! Edšake̱ enitšumo̱ nyie sro̱toisro̱toi, he-wo̱ le̱ ná ole ake̱ Nyoṅmo̱ wokoō nyõmo̱ boni sa otõmo̱ le̱! *Lal. 51,8.

Hiob 11:6 ပူးပေါင်းရင်းမြစ်များ

Ezra 9:13

Nii ni ba wɔnɔ akɛ toigbalamɔ yɛ wɔnishaianii kɛ wɔfɔ kpeteŋkple ni wɔye lɛ hewɔ lɛ fɛɛ sɛɛ lɛ, bo wɔNyɔŋmɔ lɛ, owoko wɔ nyɔmɔ bɔ ni sa wɔnifɔ̃jianii lɛ, ni ohã wɔhiɛ kã.

Hiob 11:5

Oo, kulɛ Nyɔŋmɔ awie, egbɛ edaaŋ ekɛ bo awie,

Hiob 12:13

Shi Nyɔŋmɔ lɛ, eyɛ nilee kɛ hewalɛ kɛ ŋaawoo kɛ jwɛŋmɔ fɛɛ.

Hiob 15:11

Omii ni Nyɔŋmɔ shɛjeɔ lɛ, efaaa lo? Aloo wiemɔ ni akɛ bo wieɔ kɛ naajɔlɛ lɛ jeee nɔ ko hã bo?

Hiob 15:5

ejaakɛ odaaŋ wiemɔ miijie onifɔ̃jianii lɛ kpo, ni ohiɛ shishiulɔi alilɛi.

Hiob 15:8

Ani ona onu Nyɔŋmɔ ajinaŋ sane? Ani bo pɛ odɛ̃ŋ nilee yɔɔ?

Hiob 22:5

Ani jeee oyiwalɛ nifeemɔi ni naa wa kɛ onifɔɔjianii ni aleee naa lɛ hewɔ ekɛ bo yeɔ nɛɛ?

Hiob 28:28

Kɛkɛ ni ekɛɛ adesã akɛ, ‘Naa, Nuŋtsɔ lɛ gbeyeishemɔ lɛ, no ji nilee, ni hewii kɛ efɔŋ hejee ji jwɛŋmɔ.’ ”

Hiob 33:12

Naa, miikɛɛ bo akɛ, enɛ mli lɛ osane lɛ ejaaa; ejaakɛ Nyɔŋmɔ da aahu fe adesa.

Hiob 9:4

Nilelɔ ji lɛ, ni eyɛ hewalɛ; namɔ ete shi ewo lɛ, ni eye kunim pɛŋ?

Lalai 103:10

Ekɛ wɔ yeee yɛ wɔhe eshai anaa, ni ewooo wɔ nyɔmɔ yɛ wɔnishaianii lɛ anaa.

Lalai 25:14

Mɛi ni sheɔ Yehowa gbeyei lɛ, amɛ ekɛbɔɔ naanyo, ni ehãa amɛleɔ ekpãŋmɔ lɛ.

Yāfó 3:22

Yehowa suɔmɔ ni tsakeee lɛ sɛɛ efooo kɔkɔɔkɔ, ni emɔbɔnalɛ bɛ naagbee.

Daniel 2:28

Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Mateo 13:35

koni nɔ ni gbalɔ lɛ wie lɛ aba mli akɛ, “Magbele minaa yɛ abɛbuai amli; magba nii ni akɛtee kɛjɛ jeŋ shishijee lɛ.”

Efesobii 3:5

Teemɔ sane nɛɛ, yinɔi ni eho lɛ mli lɛ ahãaa gbɔmɛiabii ale, tamɔ bɔ ni agbɛnɛ ajie kpo atsɔ̃ɔ ebɔfoi krɔŋkrɔŋi kɛ gbalɔi lɛ kɛtsɔ̃ Mumɔ lɛ nɔ lɛ.

5 Mose 29:29

“Teemɔŋ nibii lɛ Yehowa, wɔNyɔŋmɔ lɛ, koome nɔ ni; shi kɛji ajie nɔ ko kpo atsɔ̃ɔ pɛ, nɔ lɛ etsɔ̃ wɔ kɛ wɔbii anɔ kɛmiiya naanɔ, bɔ ni afee ni wɔye mla nɛɛ mli wiemɔi lɛ fɛɛ kwa nɔ.”