Hiob 10:9 - ŊMALƐ KRƆŊKRƆŊ LƐ

⁹ Kaimɔ akɛ okɛ sũ bɔ mi. Ani oohã matsɔ̃ sũ ekoŋŋ?

Ṅmãle̱ Kroṅkroṅ Le̱

⁹ Kaimo̱ ake̱ *ošõmi tamo̱ ašõo̱ sũ, ni agbe̱ne̱ obahã matšṍ sũ ekoṅ! *33,3. 1 Mose 3,7; 8,19.

Hiob 10:9 ပူးပေါင်းရင်းမြစ်များ

1 Mose 2:7

Kɛkɛ ni Nuŋtsɔ Nyɔŋmɔ kɛ shikpɔŋ sũ shɔ̃ gbɔmɔ, ni emu wala mumɔ ewo egugɔ mli, ni gbɔmɔ tsɔ bɔɔnɔ ni hiɛ kã.

1 Mose 3:19

Ohiɛ latsaa mli oooye nii yɛ kɛyaashi beyinɔ ni oooku osɛɛ kɛaatee shikpɔŋ sũ mli; ejaakɛ emli ajie bo kɛjɛ; sũ ji bo, ni sũ mli nɔŋŋ oooku osɛɛ kɛaatee.”

Hiob 10:10

Ohã mitsɛ hewalɛ, ni ekɛfɔ mi, ni ohã mida yɛ minyɛ musuŋ.

Hiob 17:14

ni kɛji mikɛɛ bu lɛ akɛ, “Mitsɛ ji bo”, ni mikɛɛ gɔgɔmi akɛ, “Minyɛ loo minyɛmi yoo ji bo lɛ”,

Hiob 33:6

Naa, mi kɛ bo yeɔ hegbɔ yɛ Yehowa gbɛfaŋ; mi hu sũ nɔŋŋ akɛshɔ̃ mi.

Hiob 34:15

no lɛ heloo fɛɛ heloo hiɛ aaakpãtã; ni gbɔmɔ aaatsɔ̃ sũ ekoŋŋ.

Hiob 4:19

ani osusuɔ akɛ ekɛ ehe baafɔ gbɔmɔ adesa nɔ, gbɔmɔ ni jɛ shikpɔŋ su mli ni afufluɔ lɛ tamɔ omlɛgɛ?

Hiob 7:21

Mɛɛba okɛ mitɔ̃mɔi lɛ efaaa mi koni ofɔ minɔsha lɛ yɛ mihe? Ejaakɛ agbɛnɛ su mli makã ni obaatao mi, shi onaŋ mi yɛ he ko he ko.”

Hiob 7:7

“Nyɔŋmɔ, kaimɔ akɛ miwala lɛ kɔɔyɔɔ ni, ni nɔ kpakpa bɛ ni mihiŋmɛi baana dɔŋŋ.

Lalai 103:14

Ejaakɛ ele wɔsu kɛ wɔbaŋ; ekaiɔ akɛ sũ kɛkɛ ji wɔ.

Lalai 104:29

Kɛ okɛ ohiɛ tee lɛ, amɛhaoɔ, kɛ oŋɔ amɛmumɔ lɛ, amɛgboiɔ; ni amɛkuɔ amɛsɛɛ kɛyaa amɛsu ni amɛjɛ mli lɛŋ ekoŋŋ.

Lalai 106:4

Oo Yehowa, kaimɔ mi kɛji ona omaŋ lɛ mɔbɔ. Kɛji oohere amɛyiwala lɛ, ye obua mi,

Lalai 22:15

Misɛŋ egbi tamɔ ŋɛsuko mli, mililɛi ekpɛtɛ midaaŋ; ni oshi mi oŋmɛ su mli tamɔ gbonyo.

Lalai 25:18

Kwɛmɔ minɔnaai lɛ, kɛ mihaomɔi lɛ; ni okɛ mihe eshai lɛ fɛɛ afa mi.

Lalai 78:39

Ekai akɛ adesai kɛkɛ ji amɛ, kɔɔyɔɔ ni hoɔ eyaa ni ekuuu esɛɛ ebaaa dɔŋŋ.

Lalai 89:47

Oo Nuŋtsɔ, kaimɔ akɛ gbɔmɔ wala be shɛɛɛ nɔ ko nɔ ko, ni obɔ adesã akɛ yaka nɔ ko kɛkɛ.

Lalai 90:3

Okɛɔ akɛ, “Nyɛ gbɔmɛi abii, nyɛkua nyɛsɛɛ nyɛbaa!” Ni ohãa adesa kuɔ esɛɛ etsɔ̃ɔ sũ.

Jajelɔ 12:7

Wɔsũ gbɔmɔtsei lɛ baaku sɛɛ kɛya shikpɔŋ sũ mli ekoŋŋ, he ni amɛjɛ lɛ, ni mumɔ lɛ hu baaku esɛɛ eya Nyɔŋmɔ mɔ ŋɔɔ ni ejɛ eba lɛ ŋɔɔ ekoŋŋ.

Yesaia 45:9

Kpoo hã mɔ ni kɛ Ebɔlɔ lɛ fuɔ daa! Sũ ni yɔɔ nishɔ̃lɔ dɛŋ ji lɛ. Ani shikpɔŋ sũ biɔ nishɔ̃lɔ akɛ, ‘Mɛni okɛ mi shɔ̃ɔ nɛɛ?’ Aloo, ekɛɔ akɛ, ‘Nɔ ni oshɔ̃ lɛ niji bɛ he?’

Yesaia 64:7

Mɔ ko bɛ ni sɔleɔ tsɛɔ bo; mɔ ko bɛ ni baa odɛ̃ŋ yelikɛbuamɔ, ejaakɛ okɛ ohiɛ etee wɔ, ni oŋmɛɛ wɔhe oha wɔnishaianii lɛ.

Yesaia 64:8

Kɛ̃lɛ bo, Yehowa, bo nɔŋŋ ji wɔtsɛ. Wɔ lɛ su ji wɔ, ni bo ji wɔshɔ̃lɔ, ni oninenaa nitsumɔ ji wɔ fɛɛ.

Yeremia 18:6

“Ao! Israelbii, aso esaaa akɛ mifeɔ nyɛ tamɔ gbɛshɔ̃lɔ lɛ fee sũ lɛ lo? Israelbii, naa, nyɛtamɔ sũ ni gbɛshɔ̃lɔ lɛ hiɛ lɛ pɛpɛɛpɛ yɛ midɛŋ.

Romabii 9:21

Aloo gbɛshɔ̃lɔ bɛ hegbɛ yɛ su lɛ nɔ, akɛ ekɛ su ni akpɔtɔ kome lɛ nɔŋŋ eko aaashɔ̃ nɔ ko ni yɔɔ nyam ni ekɛ eko hu aaashɔ̃ nɔ ko ni bɛ nyam?

2 Korintobii 4:7

Shi wɔhiɛ nɛkɛ jwetri nɛɛ yɛ su kpuji amli, koni hewalɛ ni fa kɛtɛke nɔ lɛ afee Nyɔŋmɔ nɔ, ni jeee wɔnɔ.