Hiob 10:7 - ŊMALƐ KRƆŊKRƆŊ LƐ

⁷ tsɛbelɛ ole akɛ miyeee fɔ, ni mɔ ko bɛ ni aaanyɛ ashɔ̃ mi yɛ odɛ̃ŋ?

Ṅmãle̱ Kroṅkroṅ Le̱

⁷ Tše̱bele̱ ole ake̱ midšee mofõṅ, ni mokomoko be̱ ni aanyẽ ašõ mo ye̱ odeṅ!

Hiob 10:7 ပူးပေါင်းရင်းမြစ်များ

Hiob 10:15

Kɛji mifee nɔ fɔŋ lɛ, kpoo hã mi! Kɛji mifee nɔ ni ja tete lɛ, minyɛɛɛ miyi nɔ mawo, ejaakɛ mihiɛ egbo kpɔtɔɔ, ni miikwɛ mihejaramɔ lɛ moŋ.

Hiob 11:4

Okɛɛ nɔ ni owieɔ lɛ anɔkwale ni, ni yɛ Nyɔŋmɔ hiɛ lɛ ohe tse.

Hiob 13:18

Naa, misaa minaajiemɔ mito; mile akɛ abaabu mi bem.

Hiob 23:10

Shi Nyɔŋmɔ le minanefaamɔi fɛɛ; kɛji eka mi ekwɛ lɛ ebaana mi akɛ shika ŋmiiŋmi.

Hiob 23:11

Minyiɛ enanefãamɔ sɛɛ pɛpɛɛpɛ; no mli minyiɛ; migbako afã.

Hiob 27:22

Nyɔŋmɔ tsɛ̃ɔ kɛbaa enɔ ni enaaa lɛ mɔbɔ, be ni etaoɔ foi ejo kɛjɛ edɛŋ lɛ.

Hiob 31:14

no lɛ te mafee tɛŋŋ kɛji Nyɔŋmɔ te shi wo mi lɛ? Kɛji eba kojomɔ lɛ, te majie minaa makɛɛ tɛŋŋ?

Hiob 31:35

Oo, mina mɔ ko ni aaabo mi toi! Naa, minine naa okadi! Ofe lɛ ahã mi hetoo! Oo, mina ni kulɛ mɔ ni kɛ mi ena lɛ eŋmala saji ni ekɛshiɔ mi lɛ ewo wolo hiɛ!

Hiob 31:6

no lɛ Nyɔŋmɔ kɛ nsɛni ni ja aŋmɛ mi koni ena akɛ kpako bɛ mihe.

Hiob 32:1

Kɛkɛ ni hii etɛ̃ lɛ fɔ̃ɔ Hiob hetoohãmɔ, ejaakɛ amɛna akɛ Hiob wiemɔ lɛ miitsɔ̃ɔ akɛ efeko nɔ fɔŋ ko.

Hiob 33:9

Okɛɛ akɛ, ‘Mihe tse, tɔ̃mɔ ko bɛ mihe; miyeɔ bem, ni mifeko esha ko.

Hiob 40:8

Aso ooka ni otsɔ̃ɔ akɛ mitɔ̃? Oobu mi fɔ koni oye bem?

Hiob 42:7

Be ni Yehowa kɛ Hiob ewie nɛkɛ sɛɛ lɛ, Yehowa kɛɛ Elifaz, Temannyo lɛ, akɛ, “Mimli ewo bo kɛ onanemɛi enyɔ lɛ fɛɛ ala, ejaakɛ nyɛwieee mihe bɔ ni ja tamɔ mitsulɔ Hiob fee lɛ.

Hiob 9:12

Naa, nɔ ni etaoɔ lɛ ekɔɔ; namɔ aaanyɛ enaa atsi? Namɔ aaanyɛ akɛɛ lɛ akɛ, “Mɛni ofeɔ nɛɛ?

Hiob 9:21

Shwamɔ ko bɛ mihe, shi mitsɛɛɛ mihe nɔ ko. Jeŋshihilɛ eje mitsine.

Hiob 9:22

Fɛɛ ekome!” No hewɔ lɛ, miikɛɛ akɛ, “Jeŋshihilɛ eje mitsine; mɔ ni shwamɔ bɛ ehe, kɛ mɔ fɔŋ lɛ, Nyɔŋmɔ baakpãtã amɛ fɛɛ amɛhiɛ.

Lalai 1:6

Ejaakɛ Yehowa kudɔɔ jalɔi agbɛ lɛ, shi mɛi fɔ̃ji agbɛ lɛ ekɛ mɛi fɔ̃ji yaa hiɛkpãtãmɔ mli.

Lalai 17:3

Kɛji oka mitsui okwɛ, kɛ otao mimli nyɔɔŋ, ni oka mi okwɛ lɛ, onaŋ nɔ fɔŋ ko kwraa yɛ mimli; mikɛ minaabu efeee efɔŋ.

Lalai 50:22

Agbɛnɛ, nyɛ mɛi ni nyɛhiɛ ekpa Nyɔŋmɔ nɔ lɛ, nyɛkadia enɛ kɛjeee nakai lɛ, mibatserɛ nyɛmli dukuduku ni mɔ ko bɛ ni baahere nyɛyiwala.

Lalai 7:3

Oo Yehowa miNyɔŋmɔ, kɛji mitɔ̃ mɔ ko nɔ, kɛji mifee naanyo ko efɔŋ, kɛji miwa mɛi ni he tsɛ̃ɔ mi yakatswaa lɛ ayi lɛ,

Yesaia 43:13

Yehowa kɛɛ, “Mi ji Nyɔŋmɔ, ni kɛjɛ kɛyaa nɛɛ fɛɛ lɛ mi ni. Mɔ ko bɛ ni aaanyɛ ashɔ̃ mɔ ko yɛ midɛŋ. Kɛji miifee nɔ ko lɛ, namɔ aaanyɛ naa atsi?”

Daniel 3:15

Agbɛnɛ kɛji nyɛfee kralo nyɛto akɛ kɛji nyɛnu koofɛŋ lɛ kɛ blɛ kɛ saŋku kɛ kete kɛ obenta kɛ lalai srɔtoi lɛ agbɛɛmɔ lɛ, nyɛaaho nyɛkula shi, ni nyɛja amãgã ni mifee lɛ, belɛ no lɛ sane etã. Shi kɛji nyɛjaaa lɛ lɛ, amrɔ lɛ nɔŋŋ lɛ abaashɛrɛ nyɛ ashwie flɔnɔɔ kɛ emli la ni miitso grigri lɛ mli! Mɛɛ nyɔŋmɔ nyɛsusuɔ akɛ aaanyɛ nyɛyiwala ahere yɛ mi midɛŋ?”

Hosea 2:10

Maŋmɛ lɛ yayai agbɛnɛ matsɔ̃ɔ eshieŋtsɛmɛi lɛ; ni mɔ ko mɔ ko nyɛŋ lɛ ahere yɛ midɛŋ.

Hosea 5:14

Mibahuru tamɔ jata mayi Israel kɛ Yuda hu nɔ, ni mi diɛŋtsɛ mibatserɛ amɛmli, kɛkɛ lɛ mishi amɛ mitee. Mashãtã amɛ kɛya ni mɔ ko mɔ ko nyɛŋ amɛyiwala ehere.

Yohane 21:17

Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

1 Tesalonikabii 2:10

Nyɛ diɛŋtsɛ kɛ Nyɔŋmɔ ji odasefoi akɛ wɔjeŋ ni wɔba yɛ nyɛ mɛi ni nyɛheɔ nyɛyeɔ lɛ ateŋ lɛ eyɛ krɔŋkrɔŋ, eja, ni shwamɔ ko bɛ he.

Yoshua 22:22

“Ofe Koome, Nyɔŋmɔ Yehowa lɛ, lɛ ele wɔyitsoŋ eto, nɔ̃ hewɔ ni wɔfee nakai; no hewɔ lɛ, Israel hu ana ale. Kɛji Yehowa hiɛ atua ni wɔtse, aloo ŋmɛɛmɔ ni wɔŋmɛɛ hemɔkɛyeli ni wɔyɔɔ yɛ emli lɛ he, hewɔ ni wɔfee nɔ ni wɔfee nɛɛ lɛ, nyɛkɛ wɔhe akakea wɔ ŋmɛnɛ gbi nɛɛ,