Hiob 10:1 - ŊMALƐ KRƆŊKRƆŊ LƐ

¹ “Mijeŋshihilɛ eje mitsine. Mikɛ mikɔmɔi lɛ baashwie shi kpookpoo. Mibawie mitsui mli dɔlɛ fɛɛ.

Ṅmãle̱ Kroṅkroṅ Le̱

¹ Midšeṅhĩle̱ edše mitšine; maṅmẽ mi-ko̱mo̱yeli le̱ gbe̱, mawie ye̱ misusuma hedšramo̱ le̱ṅ.

Hiob 10:1 ပူးပေါင်းရင်းမြစ်များ

1 Maŋtsɛmɛi 19:4

ni ekome enyiɛ gbi kome jenamɔ gbɛ kɛtee ŋa lɛ nɔ. Eyata shi yɛ tso kusuu ko shishi, ni ebɔ̃i gbele shwee. Ekɛɛ akɛ, “Ao Yehowa, efa agbɛnɛ, ejaakɛ mihiii fe mitsɛmɛi lɛ.”

Hiob 14:13

Mina ni kulɛ oŋɔ mi otee yɛ gbohiiaje, ni oŋɔ mi ohɔ shi kɛyashi beyinɔ ni omlifu lɛ aaaho, koni oto be ohã mi, ni okai mi.

Hiob 19:4

Kɛji eyɛ mli tete akɛ mifee efɔŋ lɛ, mɛni no kɔɔ yɛ nyɛhe?

Hiob 5:20

Hɔmɔ be mli lɛ ebaajie bo yɛ gbele mli, ni ta mli hu lɛ, oooje klante naa.

Hiob 6:26

Ani nyɛsusuɔ akɛ nyɛaanyɛ nyɛkã gbɔmɔ yɛ wiemɔ hewɔ, be mli ni mɔ ni bɛ hiɛnɔkãmɔ wiemɔ lɛ, kɔɔyɔɔ ni lɛ?

Hiob 7:11

No hewɔ lɛ, mimuaŋ minaa! Mikɛ mimumɔŋ hejaramɔ baawie; mibawie misusuma nidɔɔnii.

Hiob 7:16

Jeŋhilɛ eje mitsine; mihiŋ shi kɛyaŋ naanɔ. Ŋmɛɛmɔ mihe, ejaakɛ miwala tamɔ kɔɔyɔɔ.

Hiob 9:21

Shwamɔ ko bɛ mihe, shi mitsɛɛɛ mihe nɔ ko. Jeŋshihilɛ eje mitsine.

Yesaia 38:15

Te makɛɛ tɛŋŋ? Ejaakɛ ekɛ mi ewie; ni lɛ diɛŋtsɛ efee nɔ ni ba lɛ. Ehiii mi wɔɔ, ejaakɛ misusuma miiye awerɛhoo.

Yesaia 38:17

Naa, mijurɔyeli hewɔ jɛ ni mina hejaramɔ babaoo lɛ, Ojie miwala kɛje hiɛkpãtãmɔ mli, ejaakɛ osherɛ mihe eshai lɛ fɛɛ oshwie osɛɛ.

Yona 4:3

No hewɔ lɛ, agbɛnɛ, Yehowa, foo miwala nɔ ohã mi, ejaakɛ faŋ nɔ ni migbo moŋ fe nɔ ni mihiɛ kã nɛɛ.”

Yona 4:8

Ni be ni hulu te shi lɛ, Nyɔŋmɔ hã bokã kɔɔyɔɔ ko ni mli edɔ batswa, ni Yona tɔ biti yɛ hulu ni shã epampam lɛ naawalɛ hewɔ. Kɛkɛ ni Yona shwe gbele, ni ekɛɛ akɛ, “Faŋ nɔ ni migbo moŋ fe nɔ ni mihiɛ kã nɛɛ.”

4 Mose 11:15

Kɛji nɛkɛ ji bɔ ni okɛ mi baaye lɛ, no lɛ, naa mi mɔbɔ koni ogbe mi moŋ nyɔŋlo koni mikana mihiɛnaanɔnii.”