Hiob 1:8 - ŊMALƐ KRƆŊKRƆŊ LƐ

⁸ Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ ni eji nuu anɔkwafo ni sheɔ Nyɔŋmɔ gbeyei, ni ewiɔ ehe yɛ efɔŋ he, ni shwamɔ ko bɛ ehe, ni efeɔ nɔ ni ja?”

Ṅmãle̱ Kroṅkroṅ Le̱

⁸ Ni Iehowa kē̱ satan ake̱: Ani oṅõ otšui ofõ mitšũlo̱ Hiob bü no̱? Edšake̱ mokomoko be̱ ni tamo̱le̱ ye̱ šikpoṅ le̱ no̱, edši nū ni kpa ko be̱ ehe ni edša, ešeo̱ Nyoṅmo̱ gbeyei, ni eso̱leo̱ ehe ye̱ efõṅ he.

Hiob 1:8 ပူးပေါင်းရင်းမြစ်များ

2 Maŋtsɛmɛi 23:25

Maŋtsɛmɛi ni ye nɔ dani Yosia ba lɛ ateŋ mɔ ko mɔ ko bɛ ni ku esɛɛ kɛba Yehowa ŋɔɔ kɛ etsui muu lɛ fɛɛ kɛ esusuma muu lɛ fɛɛ, yɛ Mose Mla lɛ fɛɛ naa. Ni maŋtsɛ ko hu eteko shi dɔŋŋ yɛ esɛɛ ni tamɔ lɛ.

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Hiob 12:4

Naa mi ni mitsɔ̃ hefɛoyeli nɔ mihã minanemɛi. Mi ni mitsɛɔ Nyɔŋmɔ, ni ehereɔ mi nɔ, ni miyeɔ jalɛ sane, ni shwamɔ ko bɛ mihe lɛ; mi, mitsɔ̃ hefɛoyeli nɔ nɛɛ.

Hiob 2:1

Be ni eshɛ gbi ko ni ŋwɛi bɔfoi ni sɔmɔɔ Nyɔŋmɔ yɛ ŋwɛi lɛ tee amɛyadamɔ Nyɔŋmɔ hiɛ ekoŋŋ lɛ, Abonsam futu amɛ kɛtee, ni lɛ hu eyadamɔ Nyɔŋmɔ hiɛ eko.

Hiob 2:3

Kɛkɛ ni Yehowa bi Abonsam akɛ, “Osusu mitsulɔ Hiob he akɛ mɔ ko mɔ ko bɛ shikpɔŋ lɛ nɔ ni tamɔ lɛ, ni anɔkwafo ni, ni esheɔ Nyɔŋmɔ gbeyei, ni ewiɔ ehe yɛ efɔŋ he; ni shwamɔ ko bɛ ehe, ni efeɔ nɔ ni ja? Ehiɛ enɔkwayeli lɛ mli kpɛŋŋ lolo tsɛbelɛ ohã mite shi miwo lɛ koni mikpãtã ehiɛ yakatswaa!”

Hiob 34:14

Kɛji eeeŋɔ emumɔ lɛ yɛ je lɛŋ, ni eeehã mumɔ lɛ akpale kwraa kɛba eŋɔɔ lɛ,

Hiob 8:20

“Naa, Nyɔŋmɔ kwaaa mɔ ni tɔ̃mɔ ko bɛ ehe; ni asaŋ etooo he nine ehãaa efɔŋfeelɔi.

Lalai 18:23

Shwamɔ ko bɛ mihe yɛ ehiɛ, ni miwiɔ mihe kɛjeɔ nɔsha he.

Lalai 34:14

Wii ohe kɛje efɔŋ he, ni ofee ekpakpa. Taomɔ toiŋjɔlɛ ni onyiɛ no sɛɛ.

Lalai 36:1

Efɔŋ kɛ mɔ fɔŋ wieɔ yɛ etsuiŋ tɔ̃ɔ; Nyɔŋmɔ gbeyeishemɔ kome folo nɛkɛ bɛ yiwalɔ mli.

Lalai 37:27

Wii ohe kɛje efɔŋ he, ni ofee ekpakpa; ni ooohi shikpɔŋ lɛ nɔ kɛaatee naanɔ.

Lalai 84:11

Ejaakɛ Yehowa, Nyɔŋmɔ lɛ, hulu kɛ tsɛŋ fɛɛ ji lɛ; eduroɔ mɔ, ni ewoɔ mɔ hiɛ nyam. Mɛi ni feɔ nɔ ni ja gbɛ lɛ Yehowa kãmãaa amɛ nɔ kpakpa ko nɔ kpakpa ko.

Lalai 89:20

Mina mitsulɔ David; mifɔ lɛ mimu krɔŋkrɔŋ lɛ mikɛto lɛ maŋtsɛ.

Abe̱i 8:13

Yehowa gbeyeishemɔ ji ohi nɔ fɔŋ. Hewoo kɛ hetsɔ̃ɔmɔ kɛ jeŋba fɔŋ kɛ kutumpɔo wiemɔ lɛ miihi.

Yesaia 1:16

Nyɛjua nyɛhe koni nyɛhãa nyɛhe atsea; nyɛkɛ nyɛnifɔɔjianii lɛ ajea mihiɛ, ni nyɛkpaa efɔŋfeemɔ.

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Ezekiel 40:4

Nuu lɛ kɛɛ mi akɛ, “Gbɔmɔ Adesa, gbelemɔ ohiŋmɛi ni okwɛ nii jogbaŋŋ; ni ogbɛ otoiŋ hu ni onu nii jogbaŋŋ, ni okɛ ojwɛŋmɔ afɔ nɔ fɛɛ nɔ ni mikɛbaatsɔ̃ɔ bo lɛ nɔ, ejaakɛ no hewɔ akɛbo ba biɛ. Nibii ni onaa nɛɛ fɛɛ lɛ gbaa otsɔ̃ɔ Israel we lɛ.”

4 Mose 12:3

Nɛkɛ nuu Mose nɛɛ lɛ, anɔkwa, eji ehe humi fe shikpɔŋ lɛ nɔ gbɔmɛi fɛɛ.

Yohane 1:47

Yesu na Natanael miiba eŋɔɔ, ni ekɛɛ yɛ ehe akɛ, “Naa anɔkwa Israelnyo, mɔ mli ni apasa bɛ lɛ.”

Yoshua 1:2

“Mitsulɔ Mose egbo, no hewɔ lɛ, saamɔ ohe koni bo kɛ Israelbii lɛ fɛɛ afo Yordan Faa nɛɛ kɛya shikpɔŋ lɛ ni mikɛhãa amɛ lɛ nɔ.

Yoshua 1:7

“Bo lɛ wajemɔ ohe ni ofee ekãa jogbaŋŋ kɛkɛ; asaŋ ojwɛŋ nɔ, ni oye mla ni mitsulɔ Mose wo bo lɛ fɛɛ nɔ. Kaagba afã kɛmiiya ninejurɔ loo abɛku bɔ ni afee ni oye omanye yɛ nɔ fɛɛ nɔ ni ofeɔ mli.